Filipi 2:17 - Kálara Zyɛ̌m Edwán é mpʉ̌n

¹⁷ Bɨn mu ó lé esa Zyɛm syɛɛ nye lé egwɨm ɨ, duho é buʼo yin. Bɨn bé edwe nye bɨtiʼ bin tɔɔ motwina. Dam be mpʉ motié mam mu lé eswɨɨ é mɨndwɛa mɨn kʉ ɨ, me esoho. Bɨna bé esoho ga tɨ.

Kálar Nzyɛ̌m : Ejwán é Sáá

¹⁷ Bɨ̌n mû ó lɨ́ esâ Nzyɛ̌m sá nyé dí egwɨ̂m yɨ́, duho ɨ́ búʼó yɨ́n. Bɨ̌n bé lɨ́ ekɛha bítwiʼ bín ɨ́ nzɨ̌ búʼó nyaá e bisʉhʉʉ ɨ́ miléme, lɨ́ ekʉ mɛɛla ebe míndwéá mín myaá. Me lɨ́ esoho e bɨ̌n, metié mâm lɨ́ eswɨɨ̌ si ntémé, ó mé pûhlaa e mindwɛ́á mín.

Filipi 2:17 ပူးပေါင်းရင်းမြစ်များ

2 Timotɛ 4:6

É paʼ wam, me mu ó ndwɛa ósʉŋɔ si lé edwiibɨ Zyɛm e tɨʼ ɨ. Etœœlɨ lam, lé mu ó kunokuno le epyal.

Rôm 15:16

Nye a be ó si sʉ me mocyɛʼ mo mpom, ó me diʼe syɛl mosa mo Yesʉs-Krɨst é l'efu e bʉr o ndɨ abe oYʉden ɨ. Me mu ó mpʉ para lé eliŋ bʉr baa mɨndwɛa Zyɛm lé ebee mbɨmbɨa é zi Mbɨambɨa Sisim ɨ. Syɛɛ para me lé esa nɨ, yé ó é zi esa tuno é lɔb Mbɨambɨa Lɔɔ ndɨ eduho boo Zyɛm ɨ.

2 Korɛnt 12:15

No ó, mɛm, me ókʉ dimle mɔn yam, dimle nteme tiʼ yam é l'efu e bɨtiʼ bin. Zê yé ó cɨcyel é jɔʼ me lé eto dolo lé ekpɛl bɨn paʼ e paʼ, bɨn bɛɛ l'akpɛl me e?

Kolosi 1:24

Banana, me mu ó lé ejoʼo bɨsʉhʉ ebe mɨtuu me lé ejaʼra e mye é l'efu lɨn ɨ. Mɨtuu Yesʉs-Krɨst a bwiʼ ɨ, myé ó me lé efwahle é bɨpuno byam mi. Me ejoʼo mogumba mo tɨʼ ó, é l'efu e nyʉl mo Krɨst, ndɨ Mbɛr-Zyɛm ɨ.

Filipi 1:20

Leme wam, wé ó lwɨŋla e mbɛla ó, me ákwoʼ sɔma e yʉʉ syɛɛla yam gwar. Me ebuʼla ó, me óto le ekœʼ mpaŋ ebò e cyen é hwɨm, abaawe sɔʼɔ e bʉr, mpʉ me a bɛa sa-sa ɛ, é l'efu ó, bʉr toʼ dolo lé egumlo Krɨst. Dam be ó me etiʼe, dam be nteme ó, mɨ dwè: bé óto le egumlo Krɨst ebe me.

2 Korɛnt 7:4

Leme wam, wi loŋlo e mbɛla é lɔb win. Bɨh bé ó e nkul edoʼo e bɨn é buobuo. Nkul, nye mu ó lwɨŋla é leme wam. Bɨh dam be é mɨtuu e mɨndɛl tʉŋlʉ, bɨsʉhʉ byam, byé elaŋle!

1 Yʉanes 3:16

É mbi wiʼ ó bɨna lé edweʼe ga sa ndɨ mpaŋ kpɛl ɨ: Yesʉs-Krɨst a si dwè, jala e bɨna ga. No nteme ó bɨna mu ó e mpɔla boo bʉʉ obuʼla ɛ. Bɨna bé ejɛna ga mpɔla waa ó, lé edwè, jala e l'obuʼla.

Rôm 12:1

No ó, obɨɔ ga bam, me ejwɨʼla e bɨn é nkoo Zyɛm a jwɨʼ bɨna ga ɛ, ó bɨn timla nye monyʉl mɨn ntinɨ e ntinɨ, ebe, monyʉl mɨn, mé ó sa bɨn lé ejala le edwe nye tɔɔ mɨkubla motwina ndɨ ti é mih me e. Nye óbee bɨtiʼ bin byaa mbɨmbɨa. É jɔʼ bɨn bé ósa no e, bɨn bé ódwiibɨ nye é mbi nye ógwɨm ɨ, é mɨsisim min.

1 Pyɛr 2:5

Zyɛm, nye efumo mbɛr, waa Sisim mo Zyɛm ódi tɨʼ ɨ. Diʼe ga mokoʼ mo mbɛr waa, maa lé etiʼe é mih mo Zyɛm, maa lé ebɨrɔ tɨʼ é fumo waa ɛ. Bɨn bé ófuʼla mɨsaŋ mɨ opara é mih mo Zyɛm. Motwina bɨn bé ódwe nye é zi Sisim we e, nye óbee me mbɨmbɨa ó, dumo e Yesʉs-Krɨst.

1 Tesalonika 2:8

Bɨh bé a be ó si bul kpɛl bɨn. Ebe no ó bɨh bé a lɛɛ bɨn njɨ Mbɨambɨa Lɔɔ ndɨ eduho boo Zyɛm ɨ, wé ome e. Bɨh bé a kʉ gwɨm ó, bɨn dira mɨnyɔm e bɨh nteme. Bɨh bé a be é bul bam e bɨn é mɨleme.

Filipi 4:18

Me a si bi sa yiyɛh bɨn bé a lomlo me e. Bim yaa, yé é buo! Me mu ó, é twiha ebe bɨsa Epafrɔdit a ze e bye e. Zyɛm, nye ebee mɨndwɛa min mbɨmbɨa, mpʉ nye lé enʉa motwina ndɨ ediʼɔ nye e bɨsʉhʉ ɨ.

Filipi 2:30

ebe, nye a be ó si ngbaa dwè é lɔb syɛɛ mo Krɨst! Nye a si ngbaa dimle tiʼ ye, lé eze tʉŋ me, lé edwe me ngula bɨn bé a be, abe e nkul edwe me e.

Mɨlʉmlʉ 21:13

Nye a bɨha ó: «Ebe yé bɨn lé ejɨ, le esaa ó, me tʉlɨ e l'edwe ɛ? Ebe, é nko paʼ wam, mɨ mɛʼle sa yaa yiyɛh, abe njɨ ekaʼɔ monkara. Me ó é car ó, me dwèʼ ɨ Yerʉsalɛm é l'efu e die mo Da Yesʉs.»

Mɨlʉmlʉ 20:24

mɛm yɛɛ lé ebee ó, tiʼ yam, yé abe me dime sɔʼɔ. Nyɔm wam, wé njɨ ó, me fimɨ é duò bɨjʉʉ, to pyal é l'odumo, le efwahle syɛɛ Da Yesʉs a liʼe me e. Syɛɛ yaa, yé ó lé eto le eboʼlo Mbɨambɨa Lɔɔ, waa ndɨ elɛʼle ncwɨncwɨa mo Zyɛm ɨ.

2 Korɛnt 6:10

é jɔʼ bé sa ó, bɨh liʼɨ é gœʼra-gœʼra e mocyɛʼ mo nyʉl ɨ, bɨh bé eto dolo lé esoho é jɔʼ yiyɛh, é jɔʼ bɨh ndɨ é l'enteʼe, bɨh bɛɛ lé ekab buobuo bʉr mopoʼ e, é jɔʼ bɨh ndɨ é l'enteʼe e, bɨh bɛɛ yɛɛ lé entuʼba ɛ.

Filipi 2:18

Jwɨʼ gwar e gwar yaa nteme e bɨn, bɨn bé esoho e me é jɔʼ me ndɨ e bɨsʉhʉ ɨ.

2 Korɛnt 4:12

No ó, bɨh bé esia e l'efie, bɨn bɛɛ lé ebuʼba é bɨtiʼ bin!