Filipi 2:16 - Kálara Zyɛ̌m Edwán é mpʉ̌n

¹⁶ Bɨn bé ólɛʼle be mɨlɔb mɨ tiʼ. Tɨʼ ó me óbi zi lé edoʼo e syɛɛ yam é dobo Krɨst óbula ze e. Me ógʉa é jɔʼ yaa ó, lelelele syɛɛ me a sea ɛ, yé a baadwè ntuʼ.

Kálar Nzyɛ̌m : Ejwán é Sáá

¹⁶ Bɨ̌n bé ólɛ̂ʼle bé milɔ̌b mí twiʼ. Nó ó mé óbe e sá énkʉ́na tɨ̂ʼ ɨ́ móhó Krîst óbáʼǎ nze wɨ́. Me ógʉ́a ɨ́ jɔʼ yaá ó, lelelelě syɛ́ɛ́ mé á séa yɨ́, yé á bé adwě ntuʼ.

Filipi 2:16 ပူးပေါင်းရင်းမြစ်များ

1 Korɛnt 9:26

No nteme ó me ndɨ efim ɨ. Mih mam, mé ekʉ ka dwɛʼ ó njɨ fum bé a tulo njɨ kam ɨ. No nteme ó me ndɨ mpʉ mpaŋ ŋmɛha bɨkura ɛ. Me aŋmɛh bɨŋmɛhŋmɛh.

Galásia 2:2

Me a to no ó, ebe mɨfela mɨlɔb Zyɛm a gwih me e. É jɔʼ me a pyal gʉʼ ɨ, bɨh e mɨlʉ mɨ mbɛr Zyɛm waa, bé a be ó si sa bʉm. Me ntɔʼ ze lɛʼle be mpʉ me ndɨ elɛɛ Mbɨambɨa Lɔɔ boo bʉr o ndɨ abe oYʉden ɨ. Me a baamɛʼle ó, syɛɛ me a be lé ebɛa sea ɛ, yé dwèʼ ntuʼ.

1 Yʉanes 1:1

Lɔɔ bɨh lé elɛɛ bɨn ɨ, wé etiibe ó, e Lwib, waa mu lé edwe bɨn tiʼ molu mo mpoʼ mɨmɛh ɛ. Nye a bɛa ó be, duho é l'etɔɔrʉ. Bɨh bé a si joʼo twii we, bee nteme nye e mih mɨh. Nye ó mʉr bɨh bé a siŋle, waa mobo mɨh, mé a bobo e

Yʉanes 6:68

Simɔn Pyɛr, nye e nye ó: «Da, bɨh bé óka to boo zé fih? Go ó ndɨ e motɨɨ lé edwe bɨh tiʼ molu mo mpoʼ mɨmɛh ɛ.

1 Tesalonika 3:5

Ebe no, é mpʉ me a baaka be e nkul edihbe e, yé ó me a fuo lomo Timote ó, nye ntaʼ gʉʼ bɨn ye, ó nye gʉŋa cye buʼo yin mu ɨ. Leme, wé a si kolo me é lɔb win, ó yʉʉ jɔʼ, mpʉ Satan lé eboblo bɨn ɨ, bɨn bé a si to gʉmla é yʉʉ bebebebe zi. Me a dɨ syɛl ba e bɨn, mɛm lé etoŋlo ó, syɛɛ bɨh bé a sea bɨn ye e, yi dwè ntuʼ.

Yʉanes 6:63

Mbɨambɨa Sisim ó ndɨ edwe bʉr tiʼ molu mo mpoʼ mɨmɛh. Mʉr ákwoʼ dira nyɔm e bɨsyɛɛla bɨ nyʉl bɨpuno. Bɨlwib me lé elwib e bɨn bi, byé eduho ó boo Mbɨambɨa Sisim. Byé nteme, byé ó lé edwe bɨn tiʼ molu mo mpoʼ mɨmɛh.

Lʉkas 12:8

«Ebe no, me elɛɛ bɨn ó nɛɛ: ǃɨ mʉr si kuro bɨr, gban me é mih mo bʉr nɛʼɛ, mɛm nteme Mwan mo Mʉr, me ógban nye é mih beengles mo Zyɛm.

Ebrœ̂ 4:12

Lwib mo Zyɛm, yé ó sa ndɨ kublakubla ɛ. Yé ó e nkul. Yé nteme, yé é bɛbla, laa fòŋ ndɨ njèba mii mɨpaʼ mɨmba ɛ. É jɔʼ Zyɛm lé elwib ɨ, lwib ye, yé ekʉ bana syɛh mɨsʉn, to pyal é mobɨl, ntɔʼ pin bɨpeh bɨ nyʉl e mobʉo. Yé ekpahla gumo leme ndwe e sisim lé edira ɛ. Yé epahle le egba mbɛʼ paʼra mɨpɛhla ndwe e bɨjwɨʼ ga bina.

1 Pyɛr 1:23

No ó, bɨn mu ó si bâʼle byɛl. Bɨn bé a baabyɛl ebe mpœʼ ndɨ e nkul ebo e. Mpœʼ yé a sa ó, bɨn byɛlɨ ɨ, yé ó mpœʼ ndɨ abe e nkul ebo e. Mpœʼ yaa, yé ó lwib mo Zyɛm. Yé ekubla bɨn é mɨleme. Abe e yʉʉ jɔʼ yé ópʉʼa tɨ.

1 Tesalonika 2:19

Ozé b'a loŋlo mɨleme mih e mbɛla wiʼ ɛ? Bɨsʉhʉ bɨh lé epa kʉ soho e, byé lé eduho é l'ozé ɛ? Yáa sɔʼɔ bɨh bé ólɛʼle Tî ga wina Yesʉs, yaa bɨh bé ódoʼo e ye e? É jɔʼ nye óze e, bɨn ó ngo sa ó, nye bœrɨ me epʉʼlʉ é lʉ é jɔʼ me ócyɛb é mih me e!

Galásia 4:11

Me ejoʼo bʉa é lɔb win, ebe, yé amu ka nyin é l'epihe ó, syɛɛ me a sea é l'esama lɨn ɨ, yé a be ó mbɛh e mbɛh.

Mɨngwiha 22:17

No ó Mbɨambɨa Sisim bé e mʉma mo Ma Ntœme, bé elɛɛ ó: «Ntaʼ.» Ndwe nteme, mʉr lé ejoʼo e, nye lɛŋɨ nteme ó: «Ntaʼ.» Mʉr lé ejoʼo dweh modibe e, nye ntaʼ. Waa nyiwɛh lé ekpɛl ɨ, nye ntaʼ, ze daale modibe mo tiʼ, abwam.

Mɨlʉmlʉ 13:26

«Obɨɔ ga bam ɔɔ! Bɨn mpoŋbʉr mo Abraham ɔɔ! Bʉr o ndɨ edwaabe Zyɛm ba ɔɔ! Bɨna ga ó b'a cenɔ mpaŋla é lɔb tiʼ Zyɛm mu lé edwe bʉr ɨ.

Mataos 10:27

Sa me lé elɛɛ bɨn é l'edurʉ ɨ, bâʼla lɛɛ ga ye é moho é kpɛŋlɛm. Sa mʉr ónyimla bɨn é l'egwal ɨ, cyɛba ga kʉ mie, bɨn bé à tuno ye.

1 Korɛnt 1:8

Nye waa nteme ó ngo gba bɨn nkul é monyʉl, to pyal é l'esie, abe e sa ebebe nye a ngbaa nwahle bɨn e tɨʼ é dobo Tî ga wina Yesʉs-Krɨst óbula ze e.

Filipi 1:6

Mɨ kʉ gʉa ó, Zyɛm, nyi taare lé esa mpaŋ syɛɛla é mɨleme min tʉŋlʉ. Mɨ kʉ gʉa nteme ó, nye óto le esa no, to pyal é jɔʼ nye ósil komlo bɨn é dobo Yesʉs-Krɨst óbula ze e.

Filipi 1:10

Ebe no ó bɨn bé óbe e nkul edweʼe sa ndɨ é bul jɨŋɔ ɛ. É dobo Krɨst óbula ze e, nye ókœb ó, bɨn mu ó bʉr o b'ocyecye, abe e mobe.