Filipi 2:14 - Kálara Zyɛ̌m Edwán é mpʉ̌n

¹⁴ Saʼ ga sa yiyɛh atʉʼra, nkʉ e mosono é mɨleme.

Kálar Nzyɛ̌m : Ejwán é Sáá

¹⁴ Sáʼ gá sá yɨ́yɛ̂h abe e ntʉ̌, nkʉ̂ mpɨ̌r!

Filipi 2:14 ပူးပေါင်းရင်းမြစ်များ

1 Pyɛr 4:9

Dɨʼe bɨlan ga e bʉʉ obuʼla. Atʉʼra ga é jɔʼ bɨn lé esa no e.

1 Korɛnt 10:10

Atooro ga Zyɛm, mpʉ bʉʉ bʉr o sama yɔɔ, bé a dɨ tooro nye e, engles efie ntɔʼ jʉ be.

Filipi 2:3

Asa ga zyee lé efuo bɨdia paʼ win. Ankɛɛ ga monyʉl. Mʉr nyiwɛh, nye dweʼ bʉʉ bʉr duu, laa mpʉ nye lé ebee nye mʉr tɨʼ ɨ.

Jacques 5:9

Obɨɔ ga bam aa! Asa ga bɨpura paʼra win, ebe, Zyɛm nkʉʼ be, atiʼe bɨn lɔb tɨ. Tiʼà mɨlɔb ga wina mu ó kunokuno le epyal!

Rôm 12:18

Yé bana bɨn nɛʼɛ, saʼ ga mbi wiwɛh é nko paʼ win ó, bɨn e bʉr bɨbɛh, diʼe é motala.

1 Tesalonika 5:15

Mʉr abuulo ebebe e l'ebebe. Saʼ ga bɨsyɛɛla bɨ ncwɨncwɨa paʼra win boo bʉr bɨbɛh.

Jacques 1:20

ebe, é jɔʼ mʉr ndɨ e leme é twii kʉ ɨ, nye abe e nkul eka sa syɛɛla gwar ndɨ cɨcyel é mih mo Zyɛm ɨ.

Galásia 5:26

Bɨna l'ayi nkɛɛ ga monyʉl ga mɨna. Bɨna bé ajala le egba ga bʉʉ bʉr mompime é mɨleme. Bɨna bé ajala le egwɨm ga bɨsa byoonkan.

Galásia 5:15

Sa gwar, ǃbɨn si koʼla, le etɛl paʼra win, mpʉ otir o montiʼ lé esa nɛʼɛ, bɨn bé à di ncye. Bɨn bé amu jaa sie lé ejwɨɨla paʼra win.

Jacques 3:14

Sa gwar, yé be ó, bɨn bé esiila paʼ win ndwe le esa zyee lé efuo bɨdia nɛʼɛ, adoʼo ga mbɛh e syɛɛla nɨ, nkʉ lɛɛ ó, bɨn ó ndɨ e buʼo, sa ndɨ abe e l'ocyecye e,

Rôm 14:1

Beŋla ga mbuʼla l'apa nʉa pim é buʼo e. ǃƗ buʼo ye le yaa yin be e ziila nɛʼɛ, apɨra ga mokan e nye ebe bwa mɨlɔb lé epahlɔ mɨmbi mɨmbi é Mbɛr-Zyɛm tʉŋlʉ ɨ.

Yʉ̂d 1:16

Bʉr baa, bé ó jɔʼ yiyɛh lé elwib é bebebebe, tiibe e Zyɛm. Bé é jɔʼ yiyɛh ó, lé etine-tine nkɔb nye a dwe-dwe be e. Bé ekʉ ka du ó njɨ bɨgwɨma byɔɔ le elwib bɨlwib bɨ jaale. Bé ekʉa bʉr é zi moseʼla, bɛɛ lé egʉa ó, bé ódira nyɔm wɔɔ e moseʼla maa.

1 Pyɛr 3:11

Nye gwɨma ebebe nye a dɨ sa ɛ, le edwir leme. Nye dɨʼe sa njɨ embɨa. Nye saŋa zi edi é motala paʼra bʉr e bʉr, le ekœʼ nteme tɨ.

Ebrœ̂ 12:14

Gbaʼ ga monyʉl lé egba motala paʼra win boo bʉr bɨbɛh. Baʼla ga bɨn bʉr o tɨʼ ti. ǃƗ mʉr si lɨŋa é paʼ ebò e cyen le nɛʼɛ, nye ákwoʼ bee Da.

Rôm 16:17

No ó, obɨɔ ga bam, me ejwɨʼla e bɨn ó nɛɛ: bɨn bé à di ncye é nko paʼ bʉr o b'a tɨ mɨlɛa mih é jɔʼ bɨh bé a dwe bɨn sikʉlʉ ɨ. Bé esa mpɔʼa monkɔm lé ekol obɨɔ bɔɔ ebɔʼ bé óbɨm é mɨleme e. Cɛra ga e be!

Mɨlʉmlʉ 15:2

No ó Pol bé e Barnabas, bé a be ó lé ebul gœa e be, le esaŋɔ mosono. Bé ka ze twe twii ó, Pol bé e Barnabas ndwe e bʉʉ bʉr o Antios, bé toʼ Yerʉsalɛm, lé ebâʼle to timle lɔb waa, bé e mɨlʉmlʉ mo Yesʉs, ndwe e l'ocyɛb be efoʼ o Mbɛr-Zyɛm.

Mɨlʉmlʉ 6:1

É molu maa, mpʉ ompʉn mo Yesʉs, bé a be, bé mu si bul buo e, oYʉden bé a be lé edu egʉa esa ndwe e motum mo bʉr o Grɛs ɨ, bé ze taare lé etooro oYʉden bé a be lé edu njɨ egʉa esa ndwe e motum mo bʉr o b'Ebrœ œ. Bé a lɛɛ-lɛɛ ó, bɨha, bé a be ó lé elɨha-lɨha mɨkuho myɔɔ é nkɔb mode.

1 Tesalonika 5:13

Bɨn bé ejala le edwaabe be, le ekpɛl be ebe syɛɛ yɔɔ bé lé esea ɛ. Tiʼa ga é motala paʼra win.

2 Korɛnt 12:20

ebe, me ekpɛɛ ó, me amu be, abâʼle bɔma e bɨn lé epyal lam mpʉ me lé egwɨm ɨ. Bɨn bé amu kœb me, abe mpʉ bɨn lé egwɨm ɨ. Yé amu be nteme ó, me kœbɨ bɨn lé esa mpɔʼa monkɔm, zii, mompime, zyee lé efuo bɨdia, movoʼ, mpuʼ, nkɛa nyʉl, le bɨntʉ.

Mɨlʉmlʉ 15:39

No ó bé a ze bul gœa é gœa gœa, ze bɔʼa mosama, nwaʼ aka syɛŋa zi ngwar e nuu. É mpʉ bé a sa no e, Barnabas a ze nʉa Markus, bé e nɔɔ ze toŋɔ Siprʉs.

Mɨlʉmlʉ 15:7

Jɔʼ bé a be, bé osi do é po e, Pyɛr ze cyɛb cɨcyel, le elɛɛ ó: «Obɨɔ ga bam aa! Bɨn bé egʉa ó, Zyɛm a bɛa pɛh me é bʉr o sama yin tʉŋlʉ ó, me lɛŋɨ Mbɨambɨa Lɔɔ é bʉr o ndɨ abe oYʉden ɨ, ó bé joʼa lɔɔ waa, le ebuʼla we.

Markus 14:5

Yé kʉ jala ó, bɛma ye bɛma bɛma é tɔɔ mɨsaŋ mɨ odenie mɨnter mɨlɛl, ntɔʼ dwe baanteʼenteʼe!» Bʉr baa ntɔʼ bâm e mʉma waa é buobuo.

Mataos 20:11

É jɔʼ bé a sil nʉa, mʉr nyiwɛh we saŋ denie e, bé ze tooro mʉr peme.

Markus 9:14

No ó, é jɔʼ Yesʉs bé e l'ompʉn baa, bé a bula, toŋɔ nko bʉʉ ompʉn bé a liʼ ɨ, bé a to kœb ó, ntuntuma bʉr, yé a be ó lé ebʉmra be é nka, kœbɔ nteme ó, oyeʼle o motie, bé a be ó lé epɨra mokan e be.

Lʉkas 5:30

OFarizyɛŋ bé e l'oyeʼle o motie bé e boo nɔɔ, bé a be nkɔm ngwar ɨ, bé ze taare lé etooro ompʉn mo Yesʉs, le elɛɛ ó: «Ebe yé bɨn lé emɛʼle lé ede mode le enyʉl monwoʼ, bɨn lé epuhba mobo e l'onwɨa o tœa ndwe e bʉr o ndɨ é bul jwɨ̂ʼlɨ e mɨsyem ɨ?»