Filipi 2:13 - Kálara Zyɛ̌m Edwán é mpʉ̌n

¹³ Ebe, Zyɛm ó ndɨ edwe bɨn gwɨma edu mpaŋ zi waa. Nye nteme ó ndɨ edwe bɨn nkul ó, bɨn kœʼœ tɨʼ mbɨmbɨa.

Kálar Nzyɛ̌m : Ejwán é Sáá

¹³ Ebě, Nzyɛ̌m ó dí edwe bɨ́n gwɨ́má édû nzɨ́ mpâ nyaá. Nye ntémé ó dí edwe bɨ́n nkul ó, bɨ̌n jánaa tɨ̂ʼ mbɨ̂mbɨá.

Filipi 2:13 ပူးပေါင်းရင်းမြစ်များ

Ebrœ̂ 13:21

Nye komla bɨn é mɨpaʼ mimyɛh, ó bɨn saʼ bɨsyɛɛla bɨ embɨa bɨn lé ebee ó, byé lé edu gwɨma ye e, nye gʉa cyel bɨna ga é mih me dumo e Yesʉs-Krɨst, ndɨ e kum njʉmdia e njʉmdia ɛ. Amɛn.

2 Korɛnt 3:5

Yé akunbo ba e bɨh ó, bɨh lɛŋɨ ó, bɨh bé ó mbi bʉr o ndɨ ejala le esea nye syɛɛ yaa ɛ. Nkul ndɨ ó, bɨh sea nye ya ɛ, nye aduho é bɨh. Nye eduho ó, é Zyɛm.

2 Timotɛ 1:9

Nye a baajebe bɨna ebe mɨmpaŋ bɨsyɛɛla bina. Nye a dwe bɨna ga tiʼ molu mo mpoʼ mɨmɛh le ejebe bɨna ó, bɨna diʼe mɨsaŋ mɨ bʉr be. Nye a sa no ó, ebe pɛhla we nye mʉr tɨ, le ncwɨncwɨa nye a be e nye, waa nye a be ó, nye ólɛʼle bɨna ɛ. Nye a bɛa lɛʼle bɨna ncwɨncwɨa ó, kʉ e si apa cyeŋɔ, é zi mo Yesʉs-Krɨst.

Rôm 9:16

No ó, é jɔʼ Zyɛm lé ejebe mʉr ɨ, nye ejebe nye ó, ebe, nye ejwɨʼ nye nkoo. Yé abe ebe gwɨma mʉr tɨʼ ndɨ e ye e, nkʉ ebe nye egba nyʉl lé esa mɨmpaŋ bɨsyɛɛla.

1 Korɛnt 15:10

Dam be no, me ó lʉmlʉ we, ebe mocyɛʼ mo mpom Zyɛm a sʉ me e. Nye a baasʉ me ma, mocyɛʼ mo mpom l'aliʼe bɨdweʼle. Nye a sʉ me ma ó, me nkʉʼ dɨ sea, laa myʉʉ mɨlʉmlʉ mye mimyɛh. (É l'ocyecye, ntʉʼ me lé esea. Mocyɛʼ mo mpom nye a sʉ me e, mé ó ndɨ esa ó, me sea no.

Yʉanes 3:27

Yʉanes, nye e be ó: «ǃƗ Zyɛm si bene lé edwe mʉr sɔʼɔ nɛʼɛ, nye abe e nkul ebi ye.

Éfɛsɔs 1:11

Bɨh oYʉden, bɨ syɛŋa é Yesʉs-Krɨst tʉŋlʉ ebe pɛha Zyɛm a pɛh bɨh ó, bɨh diʼe baa be, lé edu mɨtiila mɨ leme we. Nye ó mʉr lé egba nyʉl é sa ye yiyɛh, waa ndɨ esa ó, bɨsa bibyɛh, byé duʼo bɨgwɨma bɨ leme we e.

1 Korɛnt 12:6

Yé é buo mɨmbi bɨsyɛɛla Mbɨambɨa Sisim ndɨ e nkul esa é zi bʉr ɨ. To kœb ó, Sisim ngwar e ngwar waa ó lé esa bibyɛh é bʉr be bɨbɛh.

2 Tesalonika 1:11

É paʼ waa nteme ó bɨh lé ejwɨʼla é bɨjɔʼ bibyɛh é l'efu lɨn ó, nye beŋɨ mbɨmbɨa ó, bɨn bé ekœʼ ebò e cyen nye a jebe bɨn ó, bɨn kœʼœ œ. Bɨh bé ejwɨʼla nteme ó, nye cyɛba bɨn é mɨleme ó, bɨn loŋla bɨsyɛɛ bibyɛh bɨn mu lé ebuʼla ó, bɨn bé ejala le esea nye e.

Éfɛsɔs 1:5

nye a bɛa tiile é leme we ó, nye cyel bɨna ga é dia bwan o mobœʼa be ó, dumo e Yesʉs-Krɨst. Nye a sa no ó, njɨ ebe kpɛl ye ndwe e bɨgwɨma bɨ leme we.

Éfɛsɔs 2:8

Ebe, bɨn bé a bi tiʼ molu mo mpoʼ mɨmɛh ó, é zi ncwɨncwɨa mo Zyɛm, é zi buʼo. Tiʼ yaa, yé aduho é bɨn bʉr o tɨ. Yé ó etʉm Zyɛm a ntɨh bɨn ɨ.

Lʉkas 12:32

«Bɨn bʉr o ndɨ ma daa e bɨntœme lam ɨ, ajoʼo ga bʉa. Sɔŋ win, nye ebee embɨa lé eniŋle bɨn é jwɨ̀ʼa ye.

Éfɛsɔs 1:9

Nye ecyɛb bɨna ga é mɨleme ó, bɨna gʉŋa ga jwɨʼ nye a bɛa bà, yaa yé a lɛɔ é lwib odim ɨ. Yé ó sa nye a ka sa é gwɨma ye nye mʉr tɨʼ ɨ.

Yʉanes 6:65

Nye ntɔʼ bâʼle lɛɛ e be ó: «Ebe no, me elɛɛ e bɨn ó nɛɛ: mʉr, nye abe e nkul eze boo me, nyɛɛ l'apa bi nkul boo Sɔŋ wam.»

Rôm 9:11

Zyɛm a lɛɛ nye ó: «Tʉl óbe ó syɛl mosa mo ncyom we.» É jɔʼ Zyɛm a lɛɛ no e, lʉʉ egbah, lé a baapa byɛl, apa sa syɛɛla gwar, nkʉ mpaŋ syɛɛla ngwar, nkʉ syɛɛla ebebe gwar. Zyɛm a sa no ó, lé elɛʼle ó, nye esa bɨsa bye ó mpʉ nye lé ekpɛl ɨ. Nye epɛh mʉr, le ejebe nye ó, lé edu mɨtiʼa mɨ leme we nye mʉr tɨ. Nye apɛh mʉr é dɔɔ mɨmpaŋ bɨsyɛɛla mʉr waa a taare sa ɛ.

Yʉanes 6:45

Ogwiha o mɨlɔb, bé a tile é Kalara Zyɛm ó: “Zyɛm ó ngo yeʼle bɨbɛh.” Me elɛɛ ó, mʉr nyiwɛh ójoʼo Zyɛm Sɔŋ, le ejwɨʼ sikʉlʉ nye lé edwe e, nye óze boo me.

1 Pyɛr 1:3

Bɨna gumla ga Zyɛm Sɔŋ mo Tî ga wina Yesʉs-Krɨst. Nyi bul jwɨʼ bɨna ga nkoo, ntɔʼ dwe bɨna ga nkul ebyɛl jɔʼ mba é l'efu ó, mɨleme ga mina, myé diʼe lwɨŋla e mbɛla. Mbɛla waa, wé ekubla é mɨleme ga mina. Wé eduho ó, é nkul pɛ̀ha nye a pɛ̀h Yesʉs-Krɨst é foo e.

Mɨlʉmlʉ 11:21

Nkul mo Da a be ó e be. Bʉr, bé a si bul dwir mɨleme, jyɛʼɔ taa buʼo yɔɔ boo Da Yesʉs.

Lʉkas 2:14

«Kum mo Zyɛm, nye bera kʉ, laa jobo e l'ejyoo le ebantɛn. Bʉr o si nwa, bé diʼe é motala, ebe, Zyɛm, nyi bee be mbɨmbɨa.»

Rôm 12:3

Zyɛm a si lɛʼle me ncwɨncwɨa we. É zi ncwɨncwɨa we waa ó me lé elɛɛ e mʉr nyiwɛh ndɨ é l'esama lɨn ó: mʉr beʼ l'abul láa nye mʉr tɨ. Nye seʼla nye mʉr tɨ, antaa njɨ. Mʉr nyiwɛh, nye pahla nye mʉr tɨ, nye nkʉʼ gʉa mbi mʉr nye ndɨ ɨ, lé edu mbi buʼo Zyɛm a gba nye é leme e.