Filipi 2:11 - Kálara Zyɛ̌m Edwán é mpʉ̌n

¹¹ No nteme ó mʉr nyiwɛh ómɛʼle ó, Yesʉs-Krɨst ó ndɨ bwaʼbwaʼ Njwɨɨ, lé edwe Zyɛm Sɔŋ kum é zi waa.

Kálar Nzyɛ̌m : Ejwán é Sáá

¹¹ Nó ntémé ó mʉ̂r nyɨnyɛ̂h ókam ó, Yésʉs-Krîst ó dí Tî yɨ́. Nye ósâ nó ó, lɨ́ ebeʼ kûm mé Nzyɛ̌m Sɔ́ŋ.

Filipi 2:11 ပူးပေါင်းရင်းမြစ်များ

1 Yʉanes 4:15

Yé be ó, mʉr, nyi lɛɛ ó: «Yesʉs, nye ó Mwan mo Zyɛm» nɛʼɛ, lɛɛ ó, Zyɛm, nye etiʼe é mʉr waa; mʉr waa, nye nteme ódi é zyɛŋa wɔɔ boo Zyɛm.

Rôm 14:11

ebe, yé ó tila é Kalara Zyɛm ó: «Da, nye ekáale ó: “Neme me ndɨ kublakubla, me ókʉ bana sa ó, mʉr nyiwɛh kurɨ moboo si é mih mam. Mʉr nyiwɛh gumlo me, mɛm, mʉr ndɨ Zyɛm ɨ.”»

Yʉanes 13:13

Bɨn bé ejebe-jebe me ó, “Yeʼle wih”, nkʉ ntɔʼ “Tî wih”. Bɨn bé ekʉ gʉa jebe, ebe, me ó ndɨ kʉ be nye!

1 Yʉanes 4:2

Bɨn bé ódweʼe Mbɨambɨa Sisim ó, é mbi wi: Waa nyiwɛh lé elɛɛ ó: «Yesʉs-Krɨst a ze é si nwaʼ ó e nyʉl mʉr» ɨ, mʉr waa, nye ó waa mo Zyɛm.

Rôm 14:9

Ebe, Lœma mulo mo Zyɛm nye mʉr tɨʼ a si dwè, ze pàh, ó nye diʼe Tî wina é l'efu e mɨkubla le odwè e.

1 Korɛnt 12:3

No ó, me mu ó lé eze tɨe bɨn é nko paʼ waa: mʉr ndɨ elwib é zi Sisim mo Zyɛm ɨ, nye abe e nkul elɛɛ ó: «Yesʉs, nye e bɨkɔ́ɔlʉ!» Ndwe nteme, ǃɨ Mbɨambɨa Sisim be l'abe é mʉr tʉŋlʉ nɛʼɛ, kʉ gʉa ó, mʉr waa, nye abe e nkul elɛɛ ó: «Yesʉs ó ndɨ Tî!»

Yʉanes 14:13

Me óntɨh bɨn sa yiyɛh bɨn bé ódî le ejaʼ Sɔŋ wam, pere e die lam ɨ. É mbi waa ó bʉr, bé ógumlo Zyɛm Sɔŋ ebe Mwan mo Zyɛm ɨ.

1 Pyɛr 1:21

Krɨst ó b'a sa ó, bɨn jyɛʼɛ taa buʼo yin boo Zyɛm, waa a pɛ̀h nye é foo, waa a dwiibɨ nye nteme e. Ebe no ó buʼo yin ndwe e mbɛla win lé etiibe njɨ e Zyɛm ɨ.

1 Korɛnt 8:6

é mbea ga wina, bɨna ga bé ó njɨ e Zyɛm ngwar, waa ndɨ Sɔŋ ga wina ɛ. Nye ó b'a cye sa yiyɛh. Bɨtiʼ ga bina, byé ekʉ dwɛʼ ó njɨ nye e nye. Yé nteme, yé ó njɨ Tî ngwar, Yesʉs-Krɨst. Sa yiyɛh, yé a cyeŋɔ ó, é zi we. Bɨna bé etiʼe ga ó, é zi we.

Mɨngwiha 3:5

Mʉr nyiwɛh óbe si ntaa, bula e l'esaa é koo e, me óbœr nye kan pumo. Me aŋa cyam die le é kalara tiʼ. Me ólɛɛ Sɔŋ wam, bé e beengles be ó: Waa wam ó nwa!

Mataos 10:32

«Ebe no, ǃɨ mʉr si kuro bɨr, gban me é mih mo bʉr nɛʼɛ, mɛm nteme, me ógban nye é mih mo Sɔŋ wam ndɨ é jobo kʉ ɨ.

Mɨlʉmlʉ 10:36

Bɨn bé egʉa lɔɔ Zyɛm a ntɨh bwa b'Ɨzraɛl ɨ. Mbɨambɨa Lɔɔ waa, wé ó wi: Zyɛm óbula gba mʉr motala é leme ó, dumo e Yesʉs-Krɨst, ndɨ Tî bʉr bɨbɛh ɛ.

Mɨlʉmlʉ 2:36

Pyɛr ze ko tɨʼ ó: «Bʉr o ndɨ kaʼ é lal Ɨzraɛl ɨ, bé ejala le ekʉ gʉa lɔb wi: mʉr bɨn bé a cyèl é klos kʉ ɨ, die le Yesʉs, nye ó waa Zyɛm a cyel é dia Tî ga wina le é dia Lœma mulo mo Zyɛm!»

Yʉanes 9:22

Tina, yé ó, obyɛl be, bé a lwib no ó, ebe, bé a be ó lé ekpɛɛ oYʉden, ebe, oYʉden baa, bé a be ó si di twii paʼra wɔɔ ó, ǃɨ mʉr si kʉ lɛɛ ó, Yesʉs, nye ó Lœma mulo mo Zyɛm nɛʼɛ, nye ócyelɔ é pɨŋ, aka to é mpah mɨnjwɨʼla wɔɔ.

Yʉanes 5:23

ó bʉr bɨbɛh, bé dwiibɨ Mwan mo Zyɛm jwɨʼ gwar e gwar é mbi bé lé edwiibɨ Zyɛm Sɔŋ ɨ. Mʉr ndɨ adwiibɨ Mwan mo Zyɛm ɨ, nye adwiibɨ nteme Zyɛm Sɔŋ, mʉr a ntɨh nye e.

2 Yʉanes 1:7

Ebe, baanya-bɨkʉʉŋʉ, bé mu ó si buo é si nwaʼ nyiwɛh. Bé akpɛl mɛʼle ó, Yesʉs-Krɨst a ze é si nwaʼ ó e nyʉl bɨpuno. Mʉr lé esoŋlo ó, buʼo ga yina, yé abe cyecye e, nye ó ndɨ anya-bɨkʉʉŋʉ le mʉr dɔm mo Krɨst.

1 Korɛnt 15:47

Adam efoʼ a meŋɔ ó e bɨbwah. Adam mba a duho ó, é jobo kʉ.

Rôm 15:9

Nye a ze sea nteme ó, é l'efu e bʉr o bɨkul bɨfih, ó byé gʉŋa mpʉ Zyɛm lé ejwɨʼ bʉr nkoo e, byé nkʉʼ gumlo nye tɨ. Yé ó tila é Kalara Zyɛm ɨ. Yé ó tila ó: «Ebe no, me ógumlo go teme bɨkul bɨfih. Me ójɛɛ go osam lé eseʼle die lo.»

Yʉanes 20:28

Tomas ze lɛɛ e nye ó: «Go ó Tî wam ndwe e Zyɛm wam!»

Yʉanes 17:1

É jɔʼ Yesʉs a sil lwib no e, nye ze bɨn mih kʉ. Nye ó: «Da, ewala, lɨ pyal! Lɛʼla bʉr kum mo Mwan go, é mbi ndɨ ó, nye lɛʼla nteme bʉr kum go,

Yʉanes 12:42

Dam be no, bʉʉ otamabʉr é kul oYʉden é buobuo, bé a be ó lé ekʉ jyɛʼ taa buʼo yɔɔ boo Yesʉs. Sa gwar, bé a baalɛɛ bʉr no. Bé a be ó lé ekpɛɛ oFarizyɛŋ, ebe, bé amu cyelɔ é pɨŋ, aka to é mompah mɨnjwɨʼla mɔɔ.

Lʉkas 2:11

É pum wi, é nkana mo David, Tiʼbʉr win, nyi byɛl! Nye ó Lœma mulo mo Zyɛm le Tî ga wina.

Yʉanes 14:23

Yesʉs ze bɨha e nye ó: «Mʉr lé ekpɛl me e, nye óbaʼle sikʉlʉ me a dwe bɨn ɨ, ndwe le edu ye. Sɔŋ wam ókpɛl nye. No ó, bɨh e Sɔŋ wam, bé óze boo nye, ze komlo odia wih tɨ.

Yʉanes 13:14

ǃMɛm, Yeʼle win le Tî win, si jwɨ̀ɨ bɨn mokʉ nɛʼɛ, bɨn nteme bé ejala le ejwɨ̀ɨla mokʉ paʼra win.