Filipi 1:9 - Kálara Zyɛ̌m Edwán é mpʉ̌n

⁹ Mɨnjwɨʼla me lé ejwɨʼla é l'efu lɨn ɨ, myé ó: kpɛl yin, yé bwaʼa bwaʼa. Kpɛl yin, yé gwɨa é l'ocyoo le pɨʼ.

Kálar Nzyɛ̌m : Ejwán é Sáá

⁹ Minjɨʼla mé dí ejɨʼla lɨ́ esú lɨ́n mí, myé ó: ó kpɛ̌l yɨ́n, yé bwáʼaa bwaʼáa. Kpɛ̌l yɨ́n, yé gwɨ́aa lɨ́ ocwóó le pɨʼ.

Filipi 1:9 ပူးပေါင်းရင်းမြစ်များ

1 Tesalonika 3:12

Da Yesʉs cyɛba bɨn é mɨleme, ó leme ncwɨncwɨa bɨn ndɨ e we e, wé nyinɨ. Nye saʼ nteme ó, bɨn kpɛlɨ nteme bʉr ofih é buobuo, kpɛl yaa, yé nkʉʼ bwaʼ. Yé syɛŋɨ no, bɨn kpɛlɨ be mpʉ bɨh lé ekpɛl bɨn ɨ.

Kolosi 1:9

Ebe no ó bɨh dina lé ejwɨʼla e Zyɛm é l'efu lɨn, agwaʼ ɛ. Taare é jɔʼ bɨh bé a joʼo be lé elwib, tiibe e bɨn ɨ, ze pyal é muh é dobo lɨ, bɨh bé esa Zyɛm mɨnjwɨʼla, ó nye loŋla bɨn pɨʼ ndɨ ó, bɨn gʉŋa bɨgwɨma bɨ leme we. Nye dweʼ bɨn ocyoo wiwɛh, le esa ó, bɨn gʉŋa mɨlɔb Mbɨambɨa Sisim lé eyeʼle e.

Filemɔŋ 1:6

Mpʉ bɨna ndɨ é zyɛŋa wina ɛ, bɨna mu ó e buʼo gwar. Bɨna mu ó lé egʉa nteme bɨsa bɨ embɨa bibyɛh bɨna ndɨ e bye é zyɛŋa wina boo Krɨst ɨ. No ó, zyɛŋa-mɨleme waa, nye ejala le egwɨe le eto dolo.

Kolosi 3:10

Bɨn bɨ bwar mɨkan modwan: nyʉl dwan ndɨ edwanba é ngwɨa ocyecye e. Nyʉl dwan waa, nye edu dweʼle mo Zyɛm Kwihbʉr.

1 Pyɛr 1:22

Njoʼa bɨn bé a joʼo ocyecye e, wi pubo bɨn é nko paʼ mɨsyem min ndwe le elɛʼle bɨn mpʉ bɨn lé ejala le ekpɛla paʼra win ɨ. Yé ó mpaŋ kpɛl: kpɛl lé eduho é mɨmo si ɨ.

2 Korɛnt 8:7

Bɨn bé ó obil o bɨsa é mih mo Zyɛm, laa bʉʉ bʉr. Bɨn bé é bul laa bʉʉ bʉr é bim buʼo yin ndɨ ɨ. Bɨn bé elwib e mokan é lʉo-lʉo, laa bʉʉ bʉr, ndwe le egʉa ocyecye, ka kɛl bim bɨn lé egba monyʉl mɨn lé esa syɛɛ-Zyɛm ɨ, le é bim bɨn lé ekpɛl bɨh ɨ. É mpʉ yé ndɨ no e, saʼ ga mbɨambɨa syɛɛ yaa e mɨleme min mimyɛh, nteme laa bʉʉ bʉr!

1 Korɛnt 14:20

Obɨɔ ga bam aa! Daʼ pahle ga mpʉ bwɔɔncyom! Diʼe ga mpʉ bwɔɔncyom é nko paʼ ebɨ-leme. Sa gwar, é nko paʼ mɨpɛhla min, biʼe ga pɨʼ otamabʉr,

2 Tesalonika 1:3

Obɨɔ ga bam aa! Bɨh bé ejala le edwe Zyɛm ekiba é bɨjɔʼ bibyɛh é lɔb win. Yé ekʉ jala nteme no, ebe, bɨn bé eto le ejyɛʼ taa buʼo boo Zyɛm. Kpɛl bɨn lé ekpɛl bʉr ɨ, yé ebwaʼ ó bwaʼa.

2 Pyɛr 3:18

Toʼ le egwɨe ga ebe ncwɨncwɨa Tî ga wina le Tiʼbʉr ga wina Yesʉs-Krɨst lé elɛʼle bɨn ɨ. Bɨn bé à gwɨe nteme ebe bɨn bɨ gʉa nye. Nye ome ó ndɨ ejala e kum, taare é banana, to pyal é njʉmdia e njʉmdia. Amɛn.

Ebrœ̂ 5:14

Otamabʉr bɛɛ ó lé ejala e mpaŋ mode. Bɛɛ bé ome ó ndɨ e pɨʼ lé esa ó, bé gʉŋa mbɛʼ paʼra embɨa e l'ebebe e. Bé ebi pɨʼ waa ó, ebe zyee bé lé esa tɨʼ ɨ.

Éfɛsɔs 5:17

Ebe no, adimle ga pɨʼ. Saŋa ga ó, bɨn saʼ bɨsyɛɛla Da Yesʉs a gwɨm é leme we ó, bɨn saʼ ɛ.

1 Tesalonika 4:1

Ebe no, obɨɔ ga bam aa! Sa me lé eka tile bɨn é l'epihe e, yé ó nɛɛ: bɨh bé a si tɨe bɨn mpʉ bɨn lé ejala le ekœʼ ebò e cyen Zyɛm lé ekpɛl ó, bʉr kœʼœ œ. Bɨn nteme mu ó lé esa no. Dam be no, bɨh bé ejwɨʼla e bɨn, le etɨe bɨn é die mo Da Yesʉs ó, bɨn toʼ le esa no é buobuo.