Filipi 1:6 - Kálara Zyɛ̌m Edwán é mpʉ̌n

⁶ Mɨ kʉ gʉa ó, Zyɛm, nyi taare lé esa mpaŋ syɛɛla é mɨleme min tʉŋlʉ. Mɨ kʉ gʉa nteme ó, nye óto le esa no, to pyal é jɔʼ nye ósil komlo bɨn é dobo Yesʉs-Krɨst óbula ze e.

Kálar Nzyɛ̌m : Ejwán é Sáá

⁶ Me lɨ́ ekʉ́ gʉ́ǎ sá yɨ̂: ó Nzyɛ̌m, nyɨ́ táare édwir mílémé mín mbɨ̂mbɨá. Me lɨ́ egʉ́a ntémé ó, nye ótô le esâ nó, tó pyâl ɨ́ jɔʼ nyé ósîl ékomlo bɨ́n ɨ́ dʉ́ó Yésʉs-Krîst óbáʼǎ nze yɨ́.

Filipi 1:6 ပူးပေါင်းရင်းမြစ်များ

Filipi 2:13

Ebe, Zyɛm ó ndɨ edwe bɨn gwɨma edu mpaŋ zi waa. Nye nteme ó ndɨ edwe bɨn nkul ó, bɨn kœʼœ tɨʼ mbɨmbɨa.

Éfɛsɔs 4:12

Nye esa no ó, é l'efu e mɨsaŋ mɨ bʉr mo Zyɛm, ó myé beʼ bʉr o ndɨ e nkul eloŋlo syɛɛ ye e. Nye elɛʼle be lé esa no ó, é l'efu le egwɨl Mbɛr-Zyɛm, ndɨ nyʉl mo Krɨst ɨ.

1 Pyɛr 5:10

Zyɛm, nye ó mʉr lé elɛʼle bɨna ga ncwɨncwɨa we é bɨjɔʼ bibyɛh ɛ. Nye nteme ó b'a jebe bɨna ga ó, bɨna toʼ, to di ga é moncɛnba me é zi mo Krɨst. Moncɛnba maa, mé ódi njʉmdia e njʉmdia. ǃBɨn si sia e mɨtuu, tɔɔ ba ma peh jɔʼ nɛʼɛ, Zyɛm óbâʼle komlo bɨn. Nye cyelɨ bɨn mokʉ si é kpɨɨɨ. Nye bâʼla gba bɨn nkul é monyʉl. Nye fuma bɨn si é piʼi.

1 Korɛnt 1:8

Nye waa nteme ó ngo gba bɨn nkul é monyʉl, to pyal é l'esie, abe e sa ebebe nye a ngbaa nwahle bɨn e tɨʼ é dobo Tî ga wina Yesʉs-Krɨst óbula ze e.

2 Tesalonika 1:11

É paʼ waa nteme ó bɨh lé ejwɨʼla é bɨjɔʼ bibyɛh é l'efu lɨn ó, nye beŋɨ mbɨmbɨa ó, bɨn bé ekœʼ ebò e cyen nye a jebe bɨn ó, bɨn kœʼœ œ. Bɨh bé ejwɨʼla nteme ó, nye cyɛba bɨn é mɨleme ó, bɨn loŋla bɨsyɛɛ bibyɛh bɨn mu lé ebuʼla ó, bɨn bé ejala le esea nye e.

Ebrœ̂ 10:35

Ebe no, mʉr beʼ l'acyɛʼ nyʉl. É jɔʼ bɨn ndɨ etʉm monyʉl ɨ, yé óbe bɨn e myɛna monɨnɨ.

Yʉanes 6:29

Yesʉs, nye e be ó: «Mpaŋ syɛɛla Zyɛm lé egwɨm e bɨn ɨ, yé ó, bɨn jyɛʼɛ taa buʼo yin boo mʉr nye a ntɨh bɨn ɨ.»

Filipi 1:10

Ebe no ó bɨn bé óbe e nkul edweʼe sa ndɨ é bul jɨŋɔ ɛ. É dobo Krɨst óbula ze e, nye ókœb ó, bɨn mu ó bʉr o b'ocyecye, abe e mobe.

Ebrœ̂ 12:2

Mih ga mɨna, mé dwɛʼa sɔʼɔ, njɨ Yesʉs, ebe, nye ó etin e buʼo ga yina. Nye nteme ó b'a sa ó, buʼo ga yina diʼe é l'ombɨmbɨa é mɨpaʼ mimyɛh. Nye a mɛʼle ó, nye sia e mɨtuu, bé jʉʼo nye, lé ecyèl nye é klos kʉ. Nye a si pyeh fwon mʉr lé ebi é mbi efie laa ɛ. Nye a fuo mɛʼle ó, nye dwèʼ no ó, nye nkʉʼ bi bɨsʉhʉ Zyɛm a bɛa komo nye e. Banana, nye mu ó si é die é mbo ejʉm mo Zyɛm Sɔŋ, mʉr ndɨ é dia taʼa ɛ.

1 Tesalonika 1:3

É mɨnjwɨʼla bɨh lé ejwɨʼla e Zyɛm Sɔŋ ga wina ɛ, bɨh bé etoŋlo syɛɛ bɨn bé a sea ebe buʼo yin ɨ. Yé a be nteme ó, e kpɛl bɨn lé ekpɛl Zyɛm ɨ. Bɨh bé etoŋlo nteme mɨtuu bɨn bé a sia e tíila ebe taa buʼo bɨn ndɨ ejyɛʼ boo Tî ga wina Yesʉs-Krɨst ɨ. Bɨh bé esa no ó, é mih mo Zyɛm Sɔŋ ga wina.

Filemɔŋ 1:21

Me etile go kalara nwaʼ ó, mɛm lé egʉa ó, go ósa sa me lé ejɨ, laa bim me lé elɛɛ ɛ.

Filipi 1:29

Nye a dwe bɨn tiʼ molu mo mpoʼ mɨmɛh ó, bɨn gumla Krɨst, abe njɨ é jɔʼ bɨn lé ejyɛʼ taa buʼo yin boo nye e, kʉ bul be é jɔʼ bɨn mu lé ebɔma e mɨtuu ebe zyɛŋa win boo nɔɔ ɛ.

2 Tesalonika 3:4

Da Yesʉs, nye egba me mbɛla é leme é lɔb win, ebe, me ebuʼla ó, sa me a lɛɛ bɨn ɨ, yé ó yaa bɨn mu lé esa ɛ. Me ebuʼla nteme ó, bɨn bé óto dolo lé esa sa gwar yaa.

Kolosi 2:12

É zi ndubo bɨn bé a nʉa ɛ, bɨn bé a si debe, bɨn e boo Krɨst é jɔʼ gwar e gwar yaa, bɨn e boo nɔɔ nteme ntɔʼ pàh, ebe, bɨn bé ebuʼla nkul nɨnɨ mo Zyɛm Sɔŋ, mʉr a pɛ̀h nye é foo e.

2 Korɛnt 7:16

Me mu ka bul soho ó, bɨn bɛɛ, ebe, bɨn bɨ sa ó, me tʉmɨ nyʉl é mɨlɔb mimyɛh.

Mɨlʉmlʉ 11:18

Jɔʼ bé a sil joʼo mɨlɔb myaa ɛ, mɨleme ze fila be si. Bé ze dwe Zyɛm kum. Bé ó: «Yé ó no: Zyɛm, nyi toŋlo nteme baa ndɨ abe oYʉden ɨ, ndwe le edib be zi egwɨma mobebe mɔɔ, le edwir mɨleme, bé nkʉʼ bi tiʼ molu mo mpoʼ mɨmɛh.»

Mɨlʉmlʉ 16:14

Nuu mʉma a be ó tɨʼ é bʉba baa, die le Lidia, sile nkana Tiatir. Nye a bɛma-bɛma ó, bɨdime mɨkan mɨ akaa-e-kaa. Nye a be ó si taare lé edwaabe Zyɛm oYʉden. Nye ze joʼo bɨh, Da ze dib nye zi ó, nye gʉa joʼlo sa Pol a lwib-lwib ɨ.

Galásia 5:10

Da Yesʉs, nyi loŋlo leme wam e mbɛla ó, bɨn bé ópahle mpʉ me lé epahle e. Me egʉa nteme ó, mʉr lé elɨr bɨn buʼo e, Zyɛm ókab nye ntɨʼa, nye dam be wáa mbi mʉr.

2 Pyɛr 3:10

É dobo Da Yesʉs óbula ze e, nye ópyal bʉr ó, motwɨra, é mpʉ ndiblʉ. Jobo e l'ejyoo le ebantɛn, byé ójaa e bwaʼbwaʼ duu. Bɨsa bɨtwaʼa Zyɛm a cye, ntɔʼ me kʉ e si e tɨʼ ɨ, bibyɛh, byé ójɔa siʼe, ntɔʼ dinba. Si nwaʼ ndwe e bɨsa bibyɛh bʉr lé esa tɨʼ ɨ, byé óka gʉa gʉŋɔ.

2 Korɛnt 9:4

Yé ajala ó, é jɔʼ bɨh e bʉr o Masedwan bé ópyal bɨn ye e, bɨh kœbɨ bɨn lé ejabla, bɨh ntɔʼ sɔma é mih mɔɔ. (Me agum lɛɛ bɨn bɛɛ!) Bɨh bé amu bil fwon, ebe, bɨh bé a si buʼla bɨn é nko paʼ jwɨʼ yin yaa.

2 Korɛnt 2:3

Me a tile kalara waa ó, ǃme si ze gʉʼ bɨn ye nɛʼɛ, me l'aka kpaa empime é lɔb bɨsyɛɛla bin, bʉr o jala le edwe me bɨsʉhʉ ɨ, ebe, me a be ó e buʼo é nko paʼ win bɨn bɨbɛh ó, é jɔʼ bɨn bé óbe si láa nye e, bɨna bé ójoʼo ga bɨsʉhʉ jwɨʼ gwar.

2 Korɛnt 1:15

No ó, ebe mbɛla waa, me a tiʼe é leme wam ó, me ótaare kœb bɨn. Me a kpɛl ó, bɨn nkʉʼ bee me zɔʼ ba, ntɔʼ gbaŋɔ nkul é monyʉl é bɨjɔʼ bɨba.

Filipi 2:12

No ó, obɨɔ o kpɛl bam aa! Bɨn bé a be ó si sa Zyɛm mojoʼo é jɔʼ bɨna bé a be ga gumo gwar ɨ. No ó, banana, é mpʉ me mu é nko paʼ fih, aka be bɨn ye e, bɨn bé ejala le eto dolo lé esa no. Zyɛm, nyi tiʼ bɨn. No ó, sea ga e bʉa e mosaʼ é l'efu ó, bɨn kœʼœ ebò e cyen laa.

Filipi 2:16

Bɨn bé ólɛʼle be mɨlɔb mɨ tiʼ. Tɨʼ ó me óbi zi lé edoʼo e syɛɛ yam é dobo Krɨst óbula ze e. Me ógʉa é jɔʼ yaa ó, lelelele syɛɛ me a sea ɛ, yé a baadwè ntuʼ.