Filipi 1:5 - Kálara Zyɛ̌m Edwán é mpʉ̌n

⁵ ebe, mpʉ bɨn bé a syɛŋa mobo e me e, yé a be ó é mbɨa. Bɨn bé a si baʼra e me lé elɛɛ Mbɨambɨa Lɔɔ, taare é l'elu le efoʼ, ze pyal é muh é dobo lɨ.

Kálar Nzyɛ̌m : Ejwán é Sáá

⁵ Ebě, mpʉ bɨ́n á syɛŋa mebô e me yɨ́, yé á be ɨ́ mbɨa. Bɨ̌n bé á si bâʼra e me lɨ́ etúnǒ Mbɨambɨa Lɔ́ɔ, táare ɨ́ dʉ́ó lé ésôʼ, kumo mûh.

Filipi 1:5 ပူးပေါင်းရင်းမြစ်များ

Ebrœ̂ 3:14

Sa ndɨ tɨʼ ɨ, yé ó: ǃbɨna bé ódi ga e buʼo efoʼ, apɨŋla é buʼo, to pyal é l'efie nɛʼɛ, bɨna bé ódi ga bʉr o ndɨ e nkɔb é Krɨst ɨ.

Filemɔŋ 1:17

Ebe no, yé be ó, go emɛʼle ó, bɨna bé ó e mpaʼra nɛʼɛ, dɨʼe bɨlan e nye mpʉ go ngbaa bɨlan e me mʉr tɨʼ ɨ.

Filipi 1:7

Yé ejala nteme ó, me pahla lɔb win é mbi waa, ebe, me ecwɨa e bɨn é buobuo. Zyɛm a si cwɨa e bɨna ga bɨbɛh jwɨʼ gwar. Me dam be é mbɛr mɨmbʉʼ tʉŋlʉ mpʉ me mu ɨ, me dam be é dia otî lé eboʼlo Mbɨambɨa Lɔɔ ndɨ eduho boo Zyɛm ɨ, mocyɛʼ mo mpom mo Zyɛm, mé eswɨɨ é bɨna ga é mbi ngwar.

1 Yʉanes 1:3

Sa bɨh bé a bee e mih mɨh, joʼo e mogwal mɨh ɨ, yé ó bɨh lé etuno bɨn nteme, é mbi ndɨ ó, bɨna nkʉʼ di ga é zyɛŋa-mɨleme. Zyɛŋa bɨna bé ósyɛŋa ga ɛ, nye óbe ó é zyɛŋa ga wina boo Zyɛm Sɔŋ bé e Mwan we Yesʉs-Krɨst.

Éfɛsɔs 3:6

Lwib odim yaa ó yi: Mbɨambɨa Lɔɔ bɨna lé etuno ga ɛ, wé esa ó, bɨn, bʉr o ndɨ abe oYʉden ɨ, biʼe nteme mopoʼ boo Zyɛm, jala e nkɔb win, jwɨʼ gwar e gwar mpʉ oYʉden, bé óbi me e. Bɨn e boo nɔɔ mu ó bɨfum bɨ nyʉl ngwar. Bɨn e boo nɔɔ nteme mu ó bʉr bé óliʼ lé ebee mpʉ Zyɛm ósil dira monkɛʼ me e. Nye ódira monkɛʼ maa ó, é zi Yesʉs-Krɨst, duho é Mbɨambɨa Lɔɔ bɨna lé etuno ga ɛ.

2 Korɛnt 8:1

Obɨɔ ga bam aa! Bɨh bé ekpɛl ó, bɨn gʉŋa lɔb wi: Zyɛm a si kʉ sʉ mocyɛʼ mo mpom me é mɨmbɛr mɨ Zyɛm ndɨ é Masedwan ɨ.

Rôm 15:26

ebe, obuʼla o bɨpeh bɨ si bɨ Masedwan ndwe e Akayi, bé a tiʼe é mɨleme ó, bé syɛŋ ó bɨmɔn lé egul mɨsaŋ mɨ bʉr mo Zyɛm mu é l'enteʼe ɨ Yerʉsalɛm ɨ.

1 Yʉanes 1:7

Yé be ó, bɨna bé ekœʼ ga mbɨambɨa ebò e cyen é myɛn tʉŋlʉ, du mpʉ Zyɛm nye mʉr tɨʼ ndɨ é myɛn nɛʼɛ, lɛɛ ó, bɨna bé óbe ga é mpaŋ zyɛŋa-mɨleme é jɔʼ yaa. Motié mo Mwan we Yesʉs, mé ópubo bɨna ga, pɛʼ mɨsyem mimyɛh.

2 Pyɛr 1:1

Mɛm, Simɔn Pyɛr, ndɨ syɛl mosa mo Yesʉs-Krɨst, ndɨ nteme lʉmlʉ we e, ó lé etile bɨn kalara nwa. Me etile ó bʉr o b'a bi mbi buʼo bɨh ndɨ e ye e, buʼo ga yina e l'odime é mɨpaʼ mimyɛh. Bɨna bé a bi ga buʼo yaa ó, ebe syɛɛla mo Yesʉs-Krɨst yé a be cɨcyel ɨ. Nye ó Zyɛm ga wina le Tiʼbʉr ga wina.

Filipi 2:12

No ó, obɨɔ o kpɛl bam aa! Bɨn bé a be ó si sa Zyɛm mojoʼo é jɔʼ bɨna bé a be ga gumo gwar ɨ. No ó, banana, é mpʉ me mu é nko paʼ fih, aka be bɨn ye e, bɨn bé ejala le eto dolo lé esa no. Zyɛm, nyi tiʼ bɨn. No ó, sea ga e bʉa e mosaʼ é l'efu ó, bɨn kœʼœ ebò e cyen laa.

1 Korɛnt 1:9

Zyɛm, nye ó mʉr ebuʼla. Nye ó b'a jebe bɨn ó, bɨn diʼe é zyɛŋa win boo Mwan we, Tî ga wina Yesʉs-Krɨst.

Rôm 11:17

Mpoŋbʉr Ɨzraɛl, nye ó mpʉ lɨ olivye, yé a be-be e mɨlɔɔ myé a jala le esyɛh ɨ. Bé ze nʉa myʉʉ mɨlɔɔ mɨ lɨ olivye yé a pah é diʼ ɨ, ntɔʼ nɛr mye tɨʼ é kubo lɨ yaa. Jwɨʼ gwar e gwar yaa ó bɨn bé a nɛrɔ é kul oYʉden ɨ! Bɨn mu ó é zyɛŋa win boo nɔɔ lé egwɨm dira win nyɔm é mokana lé eduho é mɨkaale e.

Mɨlʉmlʉ 2:42

Bé a be ó lé ekʉ gba monyʉl é jɔʼ yiyɛh lé eto joʼlo sikʉlʉ mɨlʉmlʉ myé a dwe-dwe be e. Bé a di-di nteme ó, é zyɛŋa-mɨleme tʉŋlʉ, le ede-de nteme gumo gwar, le ejwɨʼla-jwɨʼla e Zyɛm.

Rôm 12:13

Dweʼ ga mɨsaŋ mɨ bʉr mo Zyɛm bɨsa lé esa be sɔɔlʉ ɨ. Dɨʼe bɨlan ga e l'ojyoo lé epyal bɨn ye e.

Filipi 1:12

Obɨɔ ga bam aa! Me egwɨm ó, bɨn gʉŋa ó, sa yé a pyal me e, yé ó b'a tine Mbɨambɨa Lɔɔ ó, wé bâʼla myɛma.

Filipi 1:16

Bé esa no é lɔb kpɛl bé le ekpɛl me e, bɛɛ lé egʉa ó, Zyɛm a dil me wâʼ é mbʉʼ ó, me nkʉʼ kamle e Mbɨambɨa Lɔɔ.

Filipi 1:27

Sa gwar, kœʼœ ga ebò e cyen lé ejala e bʉr o ndɨ ebuʼla Mbɨambɨa Lɔɔ mo Krɨst ɨ. ǃBɨn si sa no nɛʼɛ, me ójoʼo lɔɔ win, gʉa nteme ó, bɨn dina é zyɛŋa win boo Sisim ngwar ɨ, lé ecyɛb é nkʉʼʉ e twii ngwar, le ekœʼ ebò e cyen é zi buʼo mpʉ Mbɨambɨa Lɔɔ lé elɛʼle e. Me ójoʼo lɔɔ é lɔb ebò e cyen laa, me ntɔʼ soho, me dam be si pyal, bee bɨn e mih, me dam liʼ é guu paʼ, ntɔʼ joʼo njɨ lɔɔ e lɔɔ.

Filipi 2:22

Bɨn bʉr o tɨ, bé egʉa mpʉ Timote lé ebɛa di-di me mpʉ mwan ɨ, le mpʉ nye lé edihbe syɛɛ bɨh e nɔɔ lé esea lé elɛɛ Mbɨambɨa Lɔɔ ɛ. Ebò e cyen nye lé ekœʼ œ, lé ó dweʼle, sa lé ekʉ lɛʼle ó, nye e nyɔm ɨ.

Filipi 4:3

No ó, gwɔɔ mpaŋ mʉr nwan yam! Me ejwɨʼla nteme e go ó, go toʼ, to kɛm bʉba onɨ, ó bé diʼe twii, ebe, bé ó bʉr o bɨh e boo nɔɔ ndɨ é l'empomo e syɛɛ egwar ɨ, bé e Kelemaŋ ndwe e bʉʉ bʉr. Mie mɔɔ, mé ó mɨtila é kalara tiʼ tʉŋlʉ.