Filipi 1:30 - Kálara Zyɛ̌m Edwán é mpʉ̌n

³⁰ No ó, bɨn mu ó lé elwimla dɔm egwar bɨn bé a bee me lé elwimla ɛ. Me dina ó lé elwimla dɔm laa, ze pyal é muh é dobo lɨ, mpʉ bɨn bé a joʼo e.

Kálar Nzyɛ̌m : Ejwán é Sáá

³⁰ Nó ó, bɨ̌n mû ó lɨ́ elwímla dɔ̂m empwár bɨ́n á bee me lɨ́ elwímla lɨ́. Mpʉ bɨ́n dí egʉ́a yɨ́, me dína ó, lɨ́ etô dóló le elwímla lê.

Filipi 1:30 ပူးပေါင်းရင်းမြစ်များ

1 Tesalonika 2:2

Bɨn bé egʉa nteme mpʉ bɨh bé a sia e tuu le cere é nkana Filipi, bɨh l'apa pyal bɨn ye e. É jɔʼ bɨh bé a pyal bɨn ye e, Zyɛm Sɔŋ wih a sa ó, bɨh tʉmɨ monyʉl, ó bɨh lɛŋɨ bɨn Mbɨambɨa Lɔɔ mo Krɨst teme bʉr o ndɨ esa bɨh mongan ɨ.

2 Timotɛ 4:7

Mɨ fwɛmla, tɛl mbɨmbɨa. Mɨ sa jwɨʼla mɨkam mokʉ, to pyal é l'odumo. Mɨ jyɛʼ taa buʼo yam boo Zyɛm, kʉ be mpʉ buʼo yina lé elɛɛ ɛ.

Ebrœ̂ 12:4

É mpʉ bɨn lé ebaran e Syem ɨ, bɨn bé apa sa mongan e Syem, to pyal é jɔʼ eto e motié lɨn, lɨ taba si ɨ.

Yʉanes 16:33

Me elɛɛ bɨn mɨlɔb mɨnɨ ó, bɨn nkʉʼ di é zyɛŋa ga wina, bɨn nkʉʼ di é motala. Bɨn bé ósia e mɨtuu lé edi é bebebebe si nwa. Dam be no, tʉmɨ ga monyʉl. Mɛm, mɨ ntaa nye é nkul!»

Mɨngwiha 12:11

Obɨɔ ga bɨna nteme, bɨ ntaa nye é dɔm, bula e l'esaa é koo, ebe motié mo Ma Ntœme, ndwe e mboʼla bé a boʼlo, tiibe e Yesʉs ɨ. Bim bé a kpɛl bɨtiʼ byɔɔ ɛ, bé a baaliʼa lé ebir bye, ntɔʼ jʉŋɔ, ebe mboʼla waa.

1 Timotɛ 6:12

Bɨn e bʉr lé ejyɛʼ taa buʼo yɔɔ boo Zyɛm ɨ, fwɛmla ga, tɛlɨ ga mbɨmbɨa, bɨn biʼe tiʼ molu mo mpoʼ mɨmɛh. Zyɛm a jebe go ó, go biʼe tiʼ yaa. Yé a pyal go ó, é jɔʼ go a mɛʼle ocyecye é mih mo bʉr é buobuo e.

Kolosi 1:29

Ebe no ó me lé ejaʼra e syɛɛ yiʼ ɨ. Me ebaran e mɨtuu bɨsyɛɛ ó, é nkul ndɨ eduho boo Krɨst ɨ. Nkul we waa ó ndɨ esea é me tʉŋlʉ.

Filipi 1:13

Obɔʼlʉ o mɨmbʉʼ bɨbɛh ndɨ wâʼ é bii mo njwɨɨbʉr ɨ, bé e bʉr ofih, bé mu ó lé ebɛa gʉa ó, me ó mbʉʼ é l'efu e syɛɛ mo Krɨst me lé esea ɛ.

Kolosi 2:1

Me ekpɛl ó, bɨn gʉŋa bim mɨtuu me lé ejaʼra e mye é l'efu lɨn ɨ. Myé ó é l'efu e bʉr o Laodisea nteme, ka kɛl baa bɨbɛh l'apa bee me mpom ɨ.

Ebrœ̂ 12:1

É paʼ ga wina, bɨna ga bé ó é sama bʉr baa tʉŋlʉ. Bé ebʉmra bɨna ga é nka, lé eboʼlo lɔɔ Zyɛm. Mpʉ bɨna ga ndɨ no e, gʉa ó, bɨna bé ejala le eliʼe ga mɨmbeʼ modile mimyɛh pihe, ndwe e mɨsyem ndɨ ejɨ kwable bɨna ga ɛ, mimyɛh. Bɨna dihba ga lé esa jwɨʼla mɨkam mokʉ, to pyal é njɨ Zyɛm a tulo e.