Filipi 1:26 - Kálara Zyɛ̌m Edwán é mpʉ̌n

²⁶ No ó é jɔʼ me óbula ze di kunokuno e bɨn ɨ, bɨn bé óbul mɨɨla ebe syɛɛla Yesʉs-Krɨst a sa me e.

Kálar Nzyɛ̌m : Ejwán é Sáá

²⁶ Nó ɨ́ jɔʼ mé óbáʼǎ nzě dǐ bǎʼ e bɨ̌n yɨ́, bɨ̌n bé óbuú soho ɨ́ syɛ́ɛlǎ Yésʉs-Krîst dí esâ mé yɨ́.

Filipi 1:26 ပူးပေါင်းရင်းမြစ်များ

2 Korɛnt 5:12

É l'ocyecye, bɨh bé aseʼle bɨh bʉr o tɨʼ é mih mɨn. Sa bɨh tile e, yé ó, ebe, bɨn nkʉʼ be e l'ekan le elɛɛ é jɔʼ bɨn kpɛl mɨɨla e me e. Ebe no ó bɨn bé óbe e nkul ebɛʼ e bʉr o ndɨ edoʼo e bɨsa lé enyin kʉl ɨ. Bé adoʼo yɛɛ e byaa ndɨ be é mɨmo si ɨ.

Filipi 4:4

Diʼe ga jɔʼ yiyɛh e bɨsʉhʉ ebe zyɛŋa win boo Da Yesʉs. Me ebâʼle lɛɛ ó, soha ga.

Filipi 3:3

Bɨna ga bɛɛ ó ndɨ e mpaŋ sɛa mpʉn. Bɨna ga ó lé edwiibɨ Zyɛm é zi Sisim we. Bɨna bé edoʼo ga ó, njɨ e lɔb mo Yesʉs-Krɨst. Bɨna bé ajyɛʼ ga taa buʼo yina é bɨpuno ga bina.

Filipi 4:10

Me ebul soho bɨn é mih mo Da, ebe, é jɔʼ yi, bɨn bɨ bâʼle toŋlo me mpʉ bɨn bé a bɛa toŋlo-toŋlo me e. Sa gwar, bɨn bé a taare be ó, abe e l'epʉla ó, bɨn cwɨa e me.

Filipi 3:1

Obɨɔ ga bam aa! Sa me lé eka tile bɨn é l'epihe e, yé ó nɛɛ: soha ga é zyɛŋa win boo Da Yesʉs. Yé akɔbla me ó, me bâʼla tile sa me taare tile bɨn ɨ. Yé nteme ó me muno ze sa ebe nyɔm win ɨ.

2 Korɛnt 7:6

To kœb ó, Zyɛm, nye ekɛm bʉr o ndɨ e monyʉl mɨfila si ɨ. Nye a si gba bɨh nkul é monyʉl é jɔʼ Tit a pyal ɨ.

Yʉanes 16:24

Ze pyal é banana, bɨn bé apa dî le ejaʼ Sɔŋ wam sɔʼɔ, pere e die lam. Jaʼa ga, bɨn nkʉʼ bi. Bɨsʉhʉ bin, byé nkʉʼ di ntinɨ e ntinɨ.»

Yʉanes 16:22

Jwɨʼ gwar e gwar yaa, banana, bɨn bɨ joʼo mompime ebe mpɔʼa ga wina. To kœb ó, me óbâʼle bee bɨn. Bɨn bé òjoʼo bɨsʉhʉ. Abe e mʉr óka pɛʼ bɨn bya é mɨleme.

2 Korɛnt 7:4

Leme wam, wi loŋlo e mbɛla é lɔb win. Bɨh bé ó e nkul edoʼo e bɨn é buobuo. Nkul, nye mu ó lwɨŋla é leme wam. Bɨh dam be é mɨtuu e mɨndɛl tʉŋlʉ, bɨsʉhʉ byam, byé elaŋle!

2 Korɛnt 7:14

Yé cyecye ó, me a si doʼo e bɨn é mih me. Sa gwar, me a baasɔma. Mpʉ bɨh bé a lwib-lwib e bɨn é l'ocyecye é jɔʼ yiyɛh ɛ, Tit a si bee nteme no, ebe, bɨsyɛɛla bin, byé a si lɛʼle nye ó, bɨh bé a lwib ó e l'ocyecye lé edoʼo e bɨn.

Galásia 6:4

Mʉr nyiwɛh, nye ejala le epahle syɛɛ ye nye mʉr tɨ. ǃYé si ka nyin mbɨmbɨa nɛʼɛ, lɛɛ ó, nye ódoʼo e syɛɛ nye mʉr tɨʼ a sea ɛ. Syɛɛ ye, yé aŋa jwɨʼɔ e yaa bʉʉ bʉr.