Filipi 1:25 - Kálara Zyɛ̌m Edwán é mpʉ̌n

²⁵ Mɨ kʉ gʉa no, ndwe le egʉa nteme ó, me óto le etiʼe. Bɨna bé ódi ga é tiʼ. Yé óbe bɨn e nyɔm ó, bɨn toʼ dolo lé esoho é buʼo.

Kálar Nzyɛ̌m : Ejwán é Sáá

²⁵ Ebe mé dí ekʉ́ gʉ́a nó, me lɨ́ egʉ́a ntémé ó, me ótô le etiʼe. Mɨná bé ódi gá ɨ́ twiʼ. Yé óbe bɨ́n e nyɔm, ó bɨ̌n tôʼ dóló le esoho ɨ́ búʼó.

Filipi 1:25 ပူးပေါင်းရင်းမြစ်များ

Filipi 2:24

Da Yesʉs, nyi loŋlo leme wam e mbɛla ó, me ókpahbe ze gʉʼ bɨn ye.

2 Korɛnt 1:24

Bɨh bé alɛʼle bɨn mpel é nko paʼ buʼo. Bɨna ga bé ó é l'empomo e syɛɛ egwar é l'efu ó, bɨn soha é buobuo. Taa buʼo bɨn bé a jyɛʼ boo Zyɛm ɨ, yé ó ndɨ esa ó, bɨn cyɛba é nkʉʼʉ.

Rôm 15:13

No ó, Zyɛm lé egba bʉr mbɛla é mɨleme e, nye cyɛba bɨn é mɨleme, ó bɨn soha é jɔʼ yiyɛh. Mɨleme min, myé loŋla e motala ebe buʼo yin. No ó myé óloŋlo e mbɛla ebe nkul mo Mbɨambɨa Sisim ɨ.

Rôm 5:2

Yesʉs-Krɨst ó b'a kar zi é l'efu ó, Zyɛm nkʉʼ lɛʼle bɨna ga ncwɨncwɨa we. Bɨna mu ó lé ebi ga ncwɨncwɨa waa ó, é zi buʼo ga yina, lé ekʉ mɨɨla e mbɛla mu lé eloŋlo mɨleme ga mina ɛ. Bɨna bé ga e mbɛla é mɨleme ó, bɨna bé ópyal ga é dia kum mo Zyɛm.

Mɨlʉmlʉ 20:25

«Sa gwar me egʉa é bananaʼ ɛ, yé ó: abe e mʉr ngwar é l'esama lɨn óka bâʼle bee me, dam be bɨn bɨbɛh bé a bee me lé elaa-laa paʼra win, lé elɛɛ lɔɔ lé etiibe e jwɨ̀ʼa mo Zyɛm ɨ.

1 Pyɛr 1:8

Bɨn bé ekpɛl nye, bɨn l'apa bee yɛɛ nye. Bɨn bé ejyɛʼ taa buʼo yin boo nye, dam be ó bɨn bé apa bee nye, ze pyal é banana. Ebe no ó bɨn ndɨ lwɨŋla e bɨsʉhʉ, é mbi ndɨ ó, mʉr, nye abe e nkul etaŋle bye é lwib ɨ. Bɨn mu ó e kum, duho tɨ.

Rôm 15:29

Me egʉa ó, pyala me ópyal bɨn ye e, me óbe ó e mocyɛʼ mo mpom mo Yesʉs-Krɨst.

Rôm 15:18

Me aŋa lwib sa fih, njɨ syɛɛ Yesʉs-Krɨst a sea é zi wam, ó me dula bʉr o ndɨ abe oYʉden ɨ, pyal e be é mih mo Zyɛm. Bé mu ó lé esa nye mojoʼo ebe bɨlwib me a lwib-lwib ɨ, ndwe e bɨsyɛɛla me a sa-sa ɛ.

Mɨlʉmlʉ 14:22

Bé ze dwe ompʉn molele é mɨsisim, ndwe le etɨe be ó, bé toʼ dolo lé edu zi buʼo yɔɔ. Bé e be ó: «Yé é zi buobuo mokɔbla ó bɨna lé ekʉ jala le eni é jwɨ̀ʼa mo Zyɛm.»

Mɨlʉmlʉ 11:23

É jɔʼ nye a pyal gʉʼ ɨ, nye a ka bee mpʉ Zyɛm a bul cwɨa e l'ompʉn ɨ. Nye ntɔʼ soho, ze tɨe be ó, bé diʼe twii é zyɛŋa wɔɔ boo Da Yesʉs.

Lʉkas 22:32

Sa gwar, me a si jwɨʼla e Zyɛm é l'efu lo, ó buʼo yo, yé beʼ l'akur. É jɔʼ nye ósa no e, ǃgo nteme bâʼle ze boo me nɛʼɛ, go à gba obɨɔ bo nkul é monyʉl.»

Filipi 1:24

É guu paʼ, ebe bɨn, yé ekʉ jala ó, me bâʼla tiʼe mʉʉ molu é si nwa.

Filemɔŋ 1:22

Me egwɨm ó, go komla me tiʼe mbɛr é jɔʼ Onezimos ópyal gʉʼ ɨ, ebe, me ebuʼla ó, Zyɛm ólɛʼle bɨna ncwɨncwɨa é zi mɨnjwɨʼla min: nye ódwe me jɔʼ eze gʉʼ bɨn ye!