Filipi 1:21 - Kálara Zyɛ̌m Edwán é mpʉ̌n

²¹ No ó, é nko paʼ wam, tiʼ yam, yé ó me diʼe é zyɛŋa e Krɨst. Myɛna mam, mé ó efie.

Kálar Nzyɛ̌m : Ejwán é Sáá

²¹ Nó ó, ɨ́ wâm pâʼ, twiʼ yâm, yé ó Krîst. Myɛ́na mâm, mé ó eswie.

Filipi 1:21 ပူးပေါင်းရင်းမြစ်များ

Galásia 2:20

É jɔʼ bé a cyèl Yesʉs-Krɨst é klos kʉ ɨ, me nteme, me a si bomlɔ tɨ, bɨh e nɔɔ. Ntʉʼ me ndɨ etiʼe é banana. Yesʉs-Krɨst ó ndɨ etiʼe é me tʉŋlʉ. Tiʼ me lé eka tiʼe é si nwaʼ ɛ, me etiʼe ye ó, ebe taa buʼo me lé ejyɛʼ boo Mwan mo Zyɛm ɨ. Nye a si kpɛl me, ze dwe tiʼ ye é ziila e me.

2 Korɛnt 5:8

Me ekʉ lɛɛ ó, bɨna bɨ tʉm ga monyʉl. Bɨna bé ebee ga embɨa lé etwaʼ é nyʉl bɨpuno nwa é l'efu ó, bɨna toʼ, to fil ga é mbɛr mo Da Yesʉs.

2 Korɛnt 5:1

Bɨna bé egʉa ga ó, monyʉl ga mɨna, mé ó mpʉ bɨsaʼ. ǃMe si dwihɔ é saʼ yam, ndɨ nyʉl wam nwaʼ nɛʼɛ, me óbi odia ofih, waa óduho boo Zyɛm, ndɨ é jobo kʉ ɨ. Ntʉʼ bʉr bé a fumo odia waa. Wé ó ngo di njʉmdia e njʉmdia,

Filipi 1:23

Leme, wé ó me é mo é zaaama. É wiʼ paʼ, me egwɨm dime mih, to gbala boo Krɨst. Sa yaa ó ndɨ é bul mbɨa.

Kolosi 3:4

Krɨst ó ndɨ edwe bɨna ga tiʼ molu mo mpoʼ mɨmɛh. É jɔʼ nye óbâʼle nyin bʉr é mih é kpɛŋlɛm ɨ, bɨn e boo nɔɔ, bé ódweŋɔ kum sama.

2 Korɛnt 5:6

Ebe no ó bɨna ndɨ etʉm ga monyʉl é bɨjɔʼ bibyɛh ɛ. Bɨna bé egʉa ga nteme ó, cye yiyɛh bɨna dina lé edi ga é mɨmbor monyʉl bɨpuno tʉŋlʉ ɨ, yé ó jɔʼ bɨna ga e boo Da Yesʉs dina é ncɛra ɛ.

Filipi 1:20

Leme wam, wé ó lwɨŋla e mbɛla ó, me ákwoʼ sɔma e yʉʉ syɛɛla yam gwar. Me ebuʼla ó, me óto le ekœʼ mpaŋ ebò e cyen é hwɨm, abaawe sɔʼɔ e bʉr, mpʉ me a bɛa sa-sa ɛ, é l'efu ó, bʉr toʼ dolo lé egumlo Krɨst. Dam be ó me etiʼe, dam be nteme ó, mɨ dwè: bé óto le egumlo Krɨst ebe me.

Mɨngwiha 14:13

Me ze joʼo twii lé eduho é jobo kʉ. Nye e me ó: «Tila: “Mocyɛʼ mo mpom, mé e mʉr a dwè, nye mu é zyɛŋa wɔɔ boo Da Yesʉs ɨ.”» Mbɨambɨa Sisim, nye elɛɛ ó: «Yé ó no: banana, bé paʼ ka gbala syɛɛ-Zyɛm yɔɔ. Syɛɛ bé a sea-sea é jɔʼ bé a be e tiʼ ɨ, nyɔm lé eduho tɨʼ ɨ, wé ónyin é gumo bé mu lé edi ɨ.»

Galásia 6:14

Yé l'ayi kunbo ba e me ó, me doʼa e sa fih. Me ódoʼo njɨ e Tî ga wina Yesʉs-Krɨst, le mpʉ nye a cyèlɔ é klos kʉ, ntɔʼ dwè e. Efie le laa, lé ó b'a sa ó, bɨsa bɨ jobo yi, byé diʼe me mpʉ sa yé a bomlɔ é klos kʉ ɨ. Bʉr o si nwa, bé mu ó lé ebee me ó, mpʉ mʉr a cyèlɔ é klos kʉ ɨ.

1 Korɛnt 1:30

Bɨn bé ó é zyɛŋa win boo Yesʉs-Krɨst ó, dumo e Zyɛm. Nye ó b'a sa nteme ó, bɨn biʼe ocyoo mo Yesʉs. Bɨn mu ó ocɨcyel o bʉr é mih me, dumo e Krɨst. Krɨst nteme ó b'a pubo bɨna ga. Nye ó b'a dwih bɨna ga é mpila ebebe é pololo.

Filipi 2:21

Ebe, bʉʉ bʉr bɛɛ, bé esaa ó, njɨ mɨnyɔm myɔɔ. ǃBé si joʼo sa lé etiibe e Yesʉs-Krɨst nɛʼɛ, bé agum nʉa ye, gba é nkɔb.

1 Korɛnt 3:22

Dam be mɛm Pol bé e Apolos ndwe e Sefas, bé ó é l'efu lɨn, ka kɛl si nwaʼ bé e tiʼ ndwe e l'efie, jɔʼ yiʼ ndwe e bɨjɔʼ lé eze e, sa yiyɛh, yé ó yaa yin!

Filipi 1:22

ǃMe si to dolo lé etiʼe mʉʉ molu é si nwaʼ nɛʼɛ, yé óbe ó me e nyɔm lé ebâʼle gumo mpumo é syɛɛ-Zyɛm yam. Ebe no ó me ndɨ, agʉa sa me ópɛh ɛ: nkʉ efie, nkʉ tiʼ.