Filipi 1:20 - Kálara Zyɛ̌m Edwán é mpʉ̌n

²⁰ Leme wam, wé ó lwɨŋla e mbɛla ó, me ákwoʼ sɔma e yʉʉ syɛɛla yam gwar. Me ebuʼla ó, me óto le ekœʼ mpaŋ ebò e cyen é hwɨm, abaawe sɔʼɔ e bʉr, mpʉ me a bɛa sa-sa ɛ, é l'efu ó, bʉr toʼ dolo lé egumlo Krɨst. Dam be ó me etiʼe, dam be nteme ó, mɨ dwè: bé óto le egumlo Krɨst ebe me.

Kálar Nzyɛ̌m : Ejwán é Sáá

²⁰ Mě e mpûʼla ɨ́ léme ó, me ákóʼó sɔ́ma bá ɨ́ yʉ́ʉ́ syɛ́ɛla yâm e yʉ́ʉ́. Me ntémé, mě e mpûʼla ó, me ótô le edû kʉ̌ tyen mpâ ɨ́ hwɨ́m, abáawǒ sɔ̂ʼ mpʉ mé á boo sɨsâ yɨ́, lɨ́ esú ó, bʉr tôʼ dóló le egúmlǒ Krîst. Mě damá tiʼe, nkʉ̂ ntémé dwe, bé ótô le egúmlǒ Krîst ɨ́ lɔ̌b wâm.

Filipi 1:20 ပူးပေါင်းရင်းမြစ်များ

1 Pyɛr 4:16

Sa gwar, mʉr lé ebɔma e bɨntɨʼa ebe nye ndɨ kristen ɨ, nye l'ayi joʼo fwon ebe bɨntɨʼa byaa. Nye gumla njɨ Zyɛm, ebe, nyi mɛʼle ó, nye nkɛŋɨ die mo Krɨst.

1 Korɛnt 6:20

ebe, Zyɛm a si jɛna bwaʼbwaʼ tɔɔ é jɔʼ nye a kʉr bɨn ɨ. No ó, dwiibɨ ga Zyɛm, le ebaʼle monyʉl mɨn ti.

1 Tesalonika 5:23

Mʉr lé esa ó, bʉr tiʼa é motala ɛ, nye mʉr tɨ, nye puba bɨn é mɨpaʼ mimyɛh. Nye baʼla mɨsisim min e mɨleme min, ndwe e monyʉl mɨn. Ebò e cyen lɨn, lé diʼe no, alɨŋa ba, to pyal é dobo Tî ga wina Yesʉs-Krɨst óbula ze e.

1 Yʉanes 2:28

No ó, bwa o bwan bam, diʼe ga é zyɛŋa win boo Krɨst, é mbi ndɨ ó, é dobo nye óbula ze e, bɨna bé ótʉm ga monyʉl ndwe le ecyɛb ga é mih me é nkʉʼʉ. Bɨna bé aŋa bil fwon.

Filipi 2:17

Bɨn mu ó lé esa Zyɛm syɛɛ nye lé egwɨm ɨ, duho é buʼo yin. Bɨn bé edwe nye bɨtiʼ bin tɔɔ motwina. Dam be mpʉ motié mam mu lé eswɨɨ é mɨndwɛa mɨn kʉ ɨ, me esoho. Bɨna bé esoho ga tɨ.

Rôm 8:19

Ebe, mɨcyea bɨsa bibyɛh, byé egwɨm bee dobo Zyɛm ólɛʼle bye bwan be é pono e.

2 Korɛnt 10:8

Da Yesʉs a dwe me nkul mojwɨ̀ʼa ó, me gbaʼ bɨn nkul é monyʉl, abe é l'efu le elɨr bɨn. Me óbɛm doʼo e nkul mojwɨ̀ʼa wam waa, me l'abil fwon.

2 Korɛnt 4:10

Bɨjɔʼ bibyɛh, bɨh bé enkɛɛ efie mo Yesʉs é monyʉl mɨh, é mbi ndɨ ó, tiʼ mo Yesʉs nkʉʼ nyin bʉr é mih é zi bɨtiʼ bih.

1 Korɛnt 7:34

Nye mu ó lé edu bɨcwɨa bɨba é jɔʼ gwar. Nkʉ zihle mʉma, nkʉ esehe ndɨ e l'etie ó, lé óba ɛ, nye ekʉ du ó, njɨ mɨlɔb mo Tî ga wina é l'efu ó, nye diʼe saŋ mʉr we, taare é nyʉl we, to kumo é sisim. Mbɛa mʉma wɛɛ pebre-pebre sɔʼɔ ó, njɨ bɨsa bɨ jobo yi, ó wé nkʉʼ sa bɨsyɛɛla njʉm lé egwɨm ɨ.

Rôm 5:5

ǃƗ mbɛla si loŋlo mʉr é leme nɛʼɛ, mʉr waa, nye aŋa ka bil fwon, ebe, Zyɛm, nyi lɛʼle bɨna ga mpʉ nye lé ekpɛl bɨna ga ɛ. Nye a lɛʼle bɨna ga no ó, é zi Mbɨambɨa Sisim, waa nye a ntɨh bɨna ga ɛ.

Kolosi 1:24

Banana, me mu ó lé ejoʼo bɨsʉhʉ ebe mɨtuu me lé ejaʼra e mye é l'efu lɨn ɨ. Mɨtuu Yesʉs-Krɨst a bwiʼ ɨ, myé ó me lé efwahle é bɨpuno byam mi. Me ejoʼo mogumba mo tɨʼ ó, é l'efu e nyʉl mo Krɨst, ndɨ Mbɛr-Zyɛm ɨ.

Rôm 12:1

No ó, obɨɔ ga bam, me ejwɨʼla e bɨn é nkoo Zyɛm a jwɨʼ bɨna ga ɛ, ó bɨn timla nye monyʉl mɨn ntinɨ e ntinɨ, ebe, monyʉl mɨn, mé ó sa bɨn lé ejala le edwe nye tɔɔ mɨkubla motwina ndɨ ti é mih me e. Nye óbee bɨtiʼ bin byaa mbɨmbɨa. É jɔʼ bɨn bé ósa no e, bɨn bé ódwiibɨ nye é mbi nye ógwɨm ɨ, é mɨsisim min.

Filipi 1:14

Mpʉ me ndɨ wâʼ é mbʉʼ wiʼ ɨ, yé esa ó, bʉʉ obuʼla, bé gʉa jyɛʼ taa buʼo yɔɔ boo Da Yesʉs. Bé mu ó lé elɛɛ lɔɔ Zyɛm é hwɨm, abaawe sɔʼɔ e bʉr. Bé elɛɛ mye nteme ó, laa bim bé a taare lɛɛ-lɛɛ mye e.

2 Korɛnt 7:14

Yé cyecye ó, me a si doʼo e bɨn é mih me. Sa gwar, me a baasɔma. Mpʉ bɨh bé a lwib-lwib e bɨn é l'ocyecye é jɔʼ yiyɛh ɛ, Tit a si bee nteme no, ebe, bɨsyɛɛla bin, byé a si lɛʼle nye ó, bɨh bé a lwib ó e l'ocyecye lé edoʼo e bɨn.

2 Korɛnt 5:15

Nye a si jala e bʉr bɨbɛh é l'efu ó, bɨbɛh biʼe tiʼ molu mo mpoʼ mɨmɛh. Cye yiyɛh bé dina kʉ ɨ, bɨtiʼ byɔɔ, byé ejala le ebe e nyɔm é l'efu e mʉr a jala e be, ntɔʼ pàh ɛ. Bé aka jala le eka saa myɔɔ mɨnyɔm.

1 Korɛnt 15:31

Obɨɔ ga bam aa! Yé cyecye ó, me epamla efie dobo lɨlɛh. Yé cyecye nteme ó, me edoʼo e bɨn é mih mo Tî ga wina Yesʉs-Krɨst.

Rôm 9:33

Yé ó tila ó: «Dwɛʼa ga: Mɨ gba ekoʼ lé edumo bʉr ɨ, é nkana Sion. Lé ó ebɔʼ me a kol, laa bé óbɨm é mɨleme e. No ó, mʉr nyiwɛh ójyɛʼ taa buʼo ye é l'ekoʼ laa ɛ, nye aŋa sɔma.»

Rôm 6:19

Me elwib ó, é mpʉ bʉr lé ebɛa sa-sa ɛ. Me esa no ó, ebe ecyɛʼ bɨn ndɨ e le é mɨsisim ɨ. Bɨn bé a be é jɔʼ mya ó, si kʉ lomo bɨfum bɨ nyʉl win, ó bɨn diʼe é dia olʉa. É cye yaa ó bɨn bé a be ó molʉa lé elama fwon lé edu njɨ bɨjyɛʼ bin ɨ. Bɨn bé a be nteme ó, ontɔɔ o motie mo Zyɛm. Efuʼla e tɨʼ, lé a jaa be ó njɨ entaa motie mo Zyɛm! Banana, loma ga bɨfum bɨ nyʉl win ó, byé sea Zyɛm syɛɛ ndɨ é l'ocɨcyel ɨ. Efuʼla e tɨʼ, lé ó, bɨn bé ódi mɨsaŋ mɨ bʉr é mih me.

Rôm 6:13

Abɨlan ga e bɨfum bɨ nyʉl bin ó, byé dɨʼe sea Syem syɛɛ. Syem, wé amu jaa nʉa bye, ze sa bɨsyɛɛla bɨ ozyɛhozyɛh bye e tɨ. Bɨn bɨ dwihɔ é l'odwè, ntɔʼ dweŋɔ tiʼ molu mo mpoʼ mɨmɛh. Timla ga Zyɛm bɨn bʉr o tɨ, ndwe e bɨfum bɨ nyʉl bin, bɨsa nye óbɨlan e bye, ka to le esa mɨmpaŋ bɨsyɛɛla bye e tɨʼ ɨ!

Mɨlʉmlʉ 21:13

Nye a bɨha ó: «Ebe yé bɨn lé ejɨ, le esaa ó, me tʉlɨ e l'edwe ɛ? Ebe, é nko paʼ wam, mɨ mɛʼle sa yaa yiyɛh, abe njɨ ekaʼɔ monkara. Me ó é car ó, me dwèʼ ɨ Yerʉsalɛm é l'efu e die mo Da Yesʉs.»

Mɨlʉmlʉ 20:24

mɛm yɛɛ lé ebee ó, tiʼ yam, yé abe me dime sɔʼɔ. Nyɔm wam, wé njɨ ó, me fimɨ é duò bɨjʉʉ, to pyal é l'odumo, le efwahle syɛɛ Da Yesʉs a liʼe me e. Syɛɛ yaa, yé ó lé eto le eboʼlo Mbɨambɨa Lɔɔ, waa ndɨ elɛʼle ncwɨncwɨa mo Zyɛm ɨ.

Yʉanes 21:19

(Yesʉs a lwib no ó, lé elɛʼle mbi efie Pyɛr ódwè e. Mbi efie we waa, wé ósa ó, bʉr dweʼ Zyɛm kum.) Yesʉs, nye e nye ó: «Duʼo me.»

Mɨlʉmlʉ 4:31

Jɨh tɨʼ bé a kʉ sil jwɨʼla e Zyɛm, gumo bé a syɛŋa ɛ, yé ntɔʼ ze ncyeŋa. Mbɨambɨa Sisim ze loŋlo bɨbɛh é mɨleme, bé ntɔʼ taare lé elɛɛ lɔɔ Zyɛm é kpɛŋlɛm, abaawe sɔʼɔ e mʉr.

2 Korɛnt 3:12

Ebe no ó mɨleme mih mu si loŋlo e mbɛla ɛ. Mbɛla waa, wé ó ndɨ edwe bɨh nkul ó, bɨh lwibɨ e bɨn é kpɛŋlɛm.

2 Korɛnt 7:4

Leme wam, wi loŋlo e mbɛla é lɔb win. Bɨh bé ó e nkul edoʼo e bɨn é buobuo. Nkul, nye mu ó lwɨŋla é leme wam. Bɨh dam be é mɨtuu e mɨndɛl tʉŋlʉ, bɨsʉhʉ byam, byé elaŋle!