Filipi 1:17 - Kálara Zyɛ̌m Edwán é mpʉ̌n

¹⁷ No ó, bʉr onɨ, bé elɛɛ lɔɔ mo Krɨst lé esa zyee lé efuo bɨdia e me, bɛɛ lé ejwɨʼ ó, bé óko me tuu fih cye yiyɛh me dina é mbʉʼ ɨ. Sa yaa, yé aduho be é mɨmo si.

Kálar Nzyɛ̌m : Ejwán é Sáá

¹⁷ Nó ó, bʉr ónɨ̌, bé lɨ́ etúnǒ lɔ́ɔ́ mé Krîst ó, lɨ́ epɨra e me. Sâ yaá, yé aduho bé ɨ́ milémé mímpâ. Bé lɨ́ epɨra e me, bɨ́ɛ lɨ́ ejwɨʼ ó, bé óko mé túú swîh tyé yɨ́yɛ̂h mé dína ɨ́ mbʉʼ yɨ́.

Filipi 1:17 ပူးပေါင်းရင်းမြစ်များ

Filipi 2:3

Asa ga zyee lé efuo bɨdia paʼ win. Ankɛɛ ga monyʉl. Mʉr nyiwɛh, nye dweʼ bʉʉ bʉr duu, laa mpʉ nye lé ebee nye mʉr tɨʼ ɨ.

Filipi 1:7

Yé ejala nteme ó, me pahla lɔb win é mbi waa, ebe, me ecwɨa e bɨn é buobuo. Zyɛm a si cwɨa e bɨna ga bɨbɛh jwɨʼ gwar. Me dam be é mbɛr mɨmbʉʼ tʉŋlʉ mpʉ me mu ɨ, me dam be é dia otî lé eboʼlo Mbɨambɨa Lɔɔ ndɨ eduho boo Zyɛm ɨ, mocyɛʼ mo mpom mo Zyɛm, mé eswɨɨ é bɨna ga é mbi ngwar.

2 Timotɛ 4:16

É jɔʼ efoʼ me a komo nkar wam si ɨ, abe e mʉr a ze me é nkɔm; bɨbɛh, bé a si ntwiŋ me! Zyɛm beʼ yɛɛ l'aniʼe be baa ebebe tɨ.

1 Timotɛ 2:7

Zyɛm ze cyel me é bɨdia bɨba: yaa cyela mɨtuno, ndwe e yaa lʉmlʉ we—me ekʉ lɛɛ ó ocyecye; me alɛɛ mpʉl—, me ó yeʼle mɨlɔb mo Zyɛm é l'efu e bʉr o ndɨ abe oYʉden ɨ, lé elɛʼle be é zi buʼo ga yina le ocyecye mo Zyɛm.

Mɨlʉmlʉ 26:24

É mpʉ Pol a be, nye dina lé ekomo nkar we si ɨ, Fɛstwis ze tiʼe nye lwib, lé eyɨm twii ó: «Pol, go mu ó lé ekaa ogʉ! É mpʉ go ndɨ é bul jwɨʼ bɨsikʉlʉ ɨ, bi sa ó, go lihba gʉ.»

Mɨlʉmlʉ 26:1

No ó, Agripa a lɛɛ e Pol ó: «Go mu ó e nkul elwib é l'efu le ekamle e go mʉr tɨ.» No ó Pol a ze bɨn mbo kʉ, ze taare lé ekar lɔb we é mbi wi:

Mɨlʉmlʉ 22:1

Pol, nye ó: «Mbɛngɛɛ, obɨɔ bam e l'osɔŋ bam aa! Joʼla ga é mpʉ me mu lé ekomo nkar si é mih mɨn yi ɔɔ!»

Lʉkas 21:14

Ebe no, bɛa tiʼe ga é mɨleme min ó: bɨn bé ákwoʼ syɛl ba e bɨn bʉr o tɨʼ, tiibe e nkar bɨn bé ófuo monyʉl mɨn e tɨʼ ɨ,

Rôm 2:8

Bʉʉ bʉr bɛɛ, bé ó baanya-evuŋo. Bé esa epɨh lé edu sa ndɨ cɨcyel ɨ, bula du sa ndɨ ozyɛhozyɛh ɛ. Bɨha, bé ó baa Zyɛm óbul kpaa empime e be e.

Filipi 1:18

Bɨna bé ólɛɛ ga é yé? Sa ndɨ tɨʼ yé ó, bé etuno lɔɔ mo Krɨst. Wé mu ó lé etunɔ é mozi mɨmɛh, dam be ó é zi bɨkʉʉŋʉ, dam be ó é l'ocyecye. Yé ó sa lé esa ó, me soha. Me óbâʼle to dolo lé esoho,

2 Timotɛ 2:9

Bʉr, bé a si kaʼ me monkara mpʉ sa lɛɛ ó, me a be ó zilngan. Me esia e mɨtuu ó ebe Mbɨambɨa Lɔɔ me lé elɛɛ ɛ. Dam be no, ntʉʼ lɔɔ ndɨ eduho boo Zyɛm ɨ, wé a kaʼɔ!