Filipi 1:14 - Kálara Zyɛ̌m Edwán é mpʉ̌n

¹⁴ Mpʉ me ndɨ wâʼ é mbʉʼ wiʼ ɨ, yé esa ó, bʉʉ obuʼla, bé gʉa jyɛʼ taa buʼo yɔɔ boo Da Yesʉs. Bé mu ó lé elɛɛ lɔɔ Zyɛm é hwɨm, abaawe sɔʼɔ e bʉr. Bé elɛɛ mye nteme ó, laa bim bé a taare lɛɛ-lɛɛ mye e.

Kálar Nzyɛ̌m : Ejwán é Sáá

¹⁴ Mpʉ mé dí wâʼ ɨ́ mbʉʼ wɨ̂ʼ yɨ́, yé lɨ́ esâ ó, bʉ́ʉ́ bɨ́ɔɔ́ gá bɨ́ná, bé dyɛ̂ʼwaa e Tî Yésʉs. Bé lɨ́ ebánǎ lɛ́ɛ̌ lɔ́ɔ́ mé Nzyɛ̌m ɨ́ hwɨ́m, abáawǒ sɔ̂ʼ. Bé lɛ́ɛ́ wé ó, laǎ bím bé á nyɛɛ lɨlɛ́ɛ wé yɨ́.

Filipi 1:14 ပူးပေါင်းရင်းမြစ်များ

1 Tesalonika 2:2

Bɨn bé egʉa nteme mpʉ bɨh bé a sia e tuu le cere é nkana Filipi, bɨh l'apa pyal bɨn ye e. É jɔʼ bɨh bé a pyal bɨn ye e, Zyɛm Sɔŋ wih a sa ó, bɨh tʉmɨ monyʉl, ó bɨh lɛŋɨ bɨn Mbɨambɨa Lɔɔ mo Krɨst teme bʉr o ndɨ esa bɨh mongan ɨ.

Lʉkas 1:74

nye ósyɛb bɨna ga é mobo mo bʉr o dɔm ga bɨna. No ó bɨna bé ódwiibɨ-dwiibɨ ga nye, aka kpɛɛ be e.

Kolosi 4:4

Saʼ ga Zyɛm mɨnjwɨʼla é l'efu lɨh, ó me tuna we, pɛʼle mokan mpʉ yé lé ejala ɛ.

Filipi 1:7

Yé ejala nteme ó, me pahla lɔb win é mbi waa, ebe, me ecwɨa e bɨn é buobuo. Zyɛm a si cwɨa e bɨna ga bɨbɛh jwɨʼ gwar. Me dam be é mbɛr mɨmbʉʼ tʉŋlʉ mpʉ me mu ɨ, me dam be é dia otî lé eboʼlo Mbɨambɨa Lɔɔ ndɨ eduho boo Zyɛm ɨ, mocyɛʼ mo mpom mo Zyɛm, mé eswɨɨ é bɨna ga é mbi ngwar.

Kolosi 4:7

Bɨsa bibyɛh lé etiibe e me e, Tisikos óka lɛɛ bɨn bya, nyɛɛ mʉr ndɨ mɨɔ kpɛl ga wina, le syɛl mosa mo Da Yesʉs ɨ. Nye ó mʉr ebuʼla, nye nteme mʉr bɨh e nɔɔ ndɨ é l'empomo e syɛɛ egwar ɨ.

Filipi 4:1

Obɨɔ o kpɛl bam aa! Me ekpɛl bɨn ndwe le egwɨm bâʼle bee bɨn. Bɨn o ndɨ edwe me buobuo bɨsʉhʉ é leme. Bɨn ó ngo sa ó, Zyɛm bœrɨ me epʉʼlʉ é lʉ. Ofo bam, cyɛba ga é nkʉʼʉ é zyɛŋa win boo Da Yesʉs.

Éfɛsɔs 3:13

Ebe no ó me lé ebene ó, monyʉl mɨn, mé cyɛʼɛ bɨn é lɔb mɨtuu me lé esia e mye é l'efu lɨn ɨ. É l'ocyecye, myé ó sa bɨn lé ejala le edoʼo e mye e.

2 Korɛnt 3:12

Ebe no ó mɨleme mih mu si loŋlo e mbɛla ɛ. Mbɛla waa, wé ó ndɨ edwe bɨh nkul ó, bɨh lwibɨ e bɨn é kpɛŋlɛm.

2 Korɛnt 7:4

Leme wam, wi loŋlo e mbɛla é lɔb win. Bɨh bé ó e nkul edoʼo e bɨn é buobuo. Nkul, nye mu ó lwɨŋla é leme wam. Bɨh dam be é mɨtuu e mɨndɛl tʉŋlʉ, bɨsʉhʉ byam, byé elaŋle!

Filipi 1:20

Leme wam, wé ó lwɨŋla e mbɛla ó, me ákwoʼ sɔma e yʉʉ syɛɛla yam gwar. Me ebuʼla ó, me óto le ekœʼ mpaŋ ebò e cyen é hwɨm, abaawe sɔʼɔ e bʉr, mpʉ me a bɛa sa-sa ɛ, é l'efu ó, bʉr toʼ dolo lé egumlo Krɨst. Dam be ó me etiʼe, dam be nteme ó, mɨ dwè: bé óto le egumlo Krɨst ebe me.

2 Timotɛ 2:9

Bʉr, bé a si kaʼ me monkara mpʉ sa lɛɛ ó, me a be ó zilngan. Me esia e mɨtuu ó ebe Mbɨambɨa Lɔɔ me lé elɛɛ ɛ. Dam be no, ntʉʼ lɔɔ ndɨ eduho boo Zyɛm ɨ, wé a kaʼɔ!

Markus 3:3

Yesʉs ze lwib e mʉr a be e mbo é fwam-fwam nɨ ó: «Cyɛba teme bʉr ba.»