Filipi 1:13 - Kálara Zyɛ̌m Edwán é mpʉ̌n

¹³ Obɔʼlʉ o mɨmbʉʼ bɨbɛh ndɨ wâʼ é bii mo njwɨɨbʉr ɨ, bé e bʉr ofih, bé mu ó lé ebɛa gʉa ó, me ó mbʉʼ é l'efu e syɛɛ mo Krɨst me lé esea ɛ.

Kálar Nzyɛ̌m : Ejwán é Sáá

¹³ Odwéela o mímbʉʼ bɨ́bɛ̂h dí wâʼ kwá mé njwɨ́ɨ bá, bé e bʉr oswîh, bé mû ó lɨ́ eboó gʉ́a ó, me ó mbʉʼ ɨ́ lɔ̌b syɛ́ɛ́ mé Krîst mé dí eséa yɨ́.

Filipi 1:13 ပူးပေါင်းရင်းမြစ်များ

2 Timotɛ 2:9

Bʉr, bé a si kaʼ me monkara mpʉ sa lɛɛ ó, me a be ó zilngan. Me esia e mɨtuu ó ebe Mbɨambɨa Lɔɔ me lé elɛɛ ɛ. Dam be no, ntʉʼ lɔɔ ndɨ eduho boo Zyɛm ɨ, wé a kaʼɔ!

Éfɛsɔs 3:1

No ó, mɛm Pol, mʉr ndɨ mbʉʼ é syɛɛ mo Yesʉs-Krɨst é lɔb win, bʉr o ndɨ abe oYʉden ɨ...

Filipi 1:7

Yé ejala nteme ó, me pahla lɔb win é mbi waa, ebe, me ecwɨa e bɨn é buobuo. Zyɛm a si cwɨa e bɨna ga bɨbɛh jwɨʼ gwar. Me dam be é mbɛr mɨmbʉʼ tʉŋlʉ mpʉ me mu ɨ, me dam be é dia otî lé eboʼlo Mbɨambɨa Lɔɔ ndɨ eduho boo Zyɛm ɨ, mocyɛʼ mo mpom mo Zyɛm, mé eswɨɨ é bɨna ga é mbi ngwar.

Éfɛsɔs 6:20

Yé ó é modila mo Krɨst ó me mu é nkara é lɔb Mbɨambɨa Lɔɔ ɛ. Jwɨʼla ga e Zyɛm, ó me pɛʼla we é kpɛŋlɛm, abe e bʉa, mpʉ wé lé ejala le epɛʼlɔ ɛ.

Mɨlʉmlʉ 26:29

Pol, nye ó: «Dam be é banana, nkʉ é molu lé eze e, me ejwɨʼla e Zyɛm ó, abe é l'efu lo, go ome. Me ejwɨʼla nteme ó, é l'efu e bʉr bɨbɛh lé ejoʼlo me muh ɨ, ó bɨn diʼe mpʉ me ndɨ yi... abe yɛɛ é nkara mpʉ me mu ɨ.»

Filipi 4:22

Mɨsaŋ mɨ bʉr mo Zyɛm mimyɛh ndɨ kaʼ ɛ, myé esoho bɨn, kʉ bul be baa ndɨ é mbɛr mo Kɛɛza tʉŋlʉ ɨ.

Mɨlʉmlʉ 28:30

No ó Pol a ze di mɨmbu mɨmba tɨʼ é mbɛr nye mʉr tɨʼ a jɛna-jɛna ɛ. Nye a nʉa-nʉa ó bʉr bɨbɛh, bé a ze bee-bee nye e.

Mɨlʉmlʉ 28:20

Ebe no ó me a be lé ekpɛl bee bɨn, le elwib e bɨn ɨ. Me mu é nkara ó, ebe mbɛla bɨna ga e boo bwa b'Ɨzraɛl ndɨ e tɨʼ é mɨleme e.»

Mɨlʉmlʉ 28:17

Molu molɛl, mé osi laa nɛʼɛ, Pol ntɔʼ baŋle ojwɨɨ be oYʉden bé a di ɨ Rom ɨ, bé ntaʼ, ze gwɨhla é mbɛr we. É jɔʼ bé a fwal ɨ, nye e be ó: «Obɨɔ ga bam aa! Me apa sa syɛɛla gwar ó, me lwimla e lal ga wina, nkʉ pyeh mɨnjwɨr bɨmpam ga bina byé a liʼe e. Dam be no, bé a si naʼ me mobo é nyʉl ɨ Yerʉsalɛm, ze ntɨhɔ me kaʼ Rom.

Mɨlʉmlʉ 26:31

toŋɔ é l'empàh, to diŋɔ bʉm. Bé ze lɛɛla ó: «Mʉr nwaʼ a baasa syɛɛla ebebe gwar ndɨ ejala ó, nye dwèʼ tɨʼ ɨ, nkʉ yaa ndɨ ó, nye toʼ é mbʉʼ tɨʼ ɨ.»

Éfɛsɔs 4:1

Ebe no, mɛm, mʉr ndɨ mbʉʼ é zyɛŋa wɔɔ boo Da Yesʉs ɨ, me ejwɨʼla e bɨn ó, bɨn kœʼœ mbɨambɨa ebò e cyen Zyɛm a lɛɛ bɨn ó, bɨn kœʼœ œ.

Filipi 1:30

No ó, bɨn mu ó lé elwimla dɔm egwar bɨn bé a bee me lé elwimla ɛ. Me dina ó lé elwimla dɔm laa, ze pyal é muh é dobo lɨ, mpʉ bɨn bé a joʼo e.