Filipi 1:11 - Kálara Zyɛ̌m Edwán é mpʉ̌n

¹¹ No ó bɨn bé ódi ocɨcyel o bʉr é zyɛŋa win boo Yesʉs-Krɨst ɨ. Bʉr, bé óbul dwe Zyɛm kum le eseʼle nye ebe bɨn.

Kálar Nzyɛ̌m : Ejwán é Sáá

¹¹ Nó ó bɨ́n ngá di ótîtyěl o bʉ̂r lɨ́ edû kʉ̌ tyen mpâ ɨ́ mpúhlá nyɨ́n e Yésʉs-Krîst yɨ́. Bʉr, bé óbuú dwě Nzyɛ̌m kûm le esêʼle nyé ɨ́ lɔ̌b wɨ́n.

Filipi 1:11 ပူးပေါင်းရင်းမြစ်များ

Ebrœ̂ 12:11

É jɔʼ nye mu lé eturo bɨna ga mɨlʉ ɨ, yé é kpaa é leme, anwɨɨla ó, yé ó sa esoho. É jɔʼ tuu waa ka laa ɛ, bʉr o ndɨ egʉa sa ndɨ tɨʼ ɨ, bé ntɔʼ ka gʉa ó, mpa wé ebana komlo be mɨleme. Bé eka liʼ lé esa pie tɨʼ ó, njɨ bɨsyɛɛla ndɨ cɨcyel ɨ, le ebi motala tɨ.

Yʉanes 15:8

Sɔŋ wam óbi kum ó, é jɔʼ bɨn bé ógumo buobuo mpumo, le edi ompʉn bam ɨ.

Kolosi 1:10

É mbi waa ó bɨn bé ókœʼ ebò e cyen lé ejala e Da Yesʉs ɨ, le esa sa nye lé ebul kpɛl ɨ. Bɨn bé óto dolo lé esa mɨmpaŋ bɨsyɛɛla bin bibyɛh, le egumo mɨmpaŋ mɨ mpumo lé ejala e nye e. Toʼ ga dolo lé egwɨe é pɨʼ, lé egʉa Zyɛm é kpɛhla.

Filipi 4:17

Me agwɨm ba ndwɛa win, wé mʉr tɨ. Me ekʉ ka gwɨm ó njɨ Zyɛm niʼa bɨn bɨbaa bɨ embɨa é lɔb sa bɨn bé ódwe-dwe me e.

Kolosi 1:6

Mbɨambɨa Lɔɔ, wé emyɛma é bɨn tʉŋlʉ, myɛma é si nwaʼ nyiwɛh, lé etɨe bʉr motum modwan, mpʉ wé esa é mbɛr Zyɛm win ɨ. Bɨn bé a be ó si joʼo bʉr lé elab lɔb ncwɨncwɨa mo Zyɛm, bɨn ntɔʼ gʉa jwɨʼ ocyecye ndɨ tɨʼ ɨ.

Rôm 6:22

Banana, Zyɛm, nyi sa ó, bɨn diʼe é dia otî é nko paʼ Syem. Bɨn mu ó é dia osyɛl o mosa mo Zyɛm. Mpumo lé ecyèl é bɨtiʼ bin ɨ, nye ó ndɨ ebò e cyen ndɨ ti é mih mo Zyɛm ɨ. Ndumlo tɨ, wé ó tiʼ molu mo mpoʼ mɨmɛh.

1 Pyɛr 2:9

Sa gwar, bɨn bé ó bʉr nye a bɛa pɛh ó, bɨn diʼe nye opara le kul bʉr ndɨ ti ɨ. Bɨn bé ó kul bʉr ndɨ yaa ye e, é l'efu ó, bɨn gumla mbɨambɨa njwɨr mo Mʉr a jebe bɨn ɨ. Njɨblɨ we waa, wé ó b'a dwih bɨn é l'edurʉ, cen bɨn é myɛn ndɨ é nge-ngɨ-nge e.

2 Tesalonika 1:12

No ó, bɨn bé ógʉa dwiibɨ Tî ga wina Yesʉs, nyɛɛ nteme seʼle bɨn ɨ, é zi ncwɨncwɨa mo Zyɛm Sɔŋ ga wina bé e Da Yesʉs-Krɨst.

Éfɛsɔs 5:9

Me elɛɛ no ó, ebe, bʉr o ndɨ é myɛn ɨ, bɛɛ ó ndɨ egumo mbɨambɨa mpumo mɨmbi mimyɛh: myaa mɨ ncwɨncwɨa e l'ocɨcyel ndwe e l'ocyecye.

Éfɛsɔs 1:14

Wé nteme, wé ó tɔɔ bɛn, sa lé elɛʼle tiʼ molu mo mpoʼ mɨmɛh nye lé ekomo bɨna ga ɛ. Bɨna bé óbi ga tiʼ molu mo mpoʼ mɨmɛh ó, jɔʼ nye óbe si sil lé edwih bɨna ga é mpila ebebe lɨna é pololo e. Bɨna dwiibɨ ga nye ebe mpwaʼ kum we.

1 Korɛnt 10:31

Ebe no, bɨn dam de mode nkʉ nyʉl monwoʼ, nkʉ bɨn dam sa yaa sɔʼɔ: saʼ ga syɛɛla yaa yiyɛh é l'efu le edwiibɨ Zyɛm tɨ!

Mataos 5:16

No ó myɛn win, wé ejala le epan é bʉr, ó bé nkʉʼ gʉa bee mɨmpaŋ bɨsyɛɛla bin, le edwiibɨ Sɔŋ win ndɨ é jobo kʉ ɨ.»

1 Pyɛr 4:14

Mocyɛʼ mo mpom e bɨn é jɔʼ bʉr lé elwɨɨ bɨn é lɔb mo Krɨst ɨ, ebe, Mbɨambɨa Sisim, Sisim kum, nye edi é bɨn é jɔʼ yaa.

1 Pyɛr 2:12

Kœʼœ ga mbɨambɨa ebò e cyen teme bʉr o ndɨ abuʼla ɛ. Bé dam fœʼ bɨn, bé óbana ka bee mɨmpaŋ bɨsyɛɛla bɨn lé esa-sa ɛ, ntɔʼ láa bɨn bɨbaa bɨ embɨa tɨʼ é dobo Zyɛm óbâʼle ze bee bɨna ga e boo nɔɔ ɛ.

1 Pyɛr 2:5

Zyɛm, nye efumo mbɛr, waa Sisim mo Zyɛm ódi tɨʼ ɨ. Diʼe ga mokoʼ mo mbɛr waa, maa lé etiʼe é mih mo Zyɛm, maa lé ebɨrɔ tɨʼ é fumo waa ɛ. Bɨn bé ófuʼla mɨsaŋ mɨ opara é mih mo Zyɛm. Motwina bɨn bé ódwe nye é zi Sisim we e, nye óbee me mbɨmbɨa ó, dumo e Yesʉs-Krɨst.

Éfɛsɔs 2:10

Bɨna ga bé ó baa Zyɛm a kpaʼ e mobo me nye mʉr tɨʼ ɨ. Nye ntɔʼ ze dil bɨna ga é Yesʉs-Krɨst dil dilɨ é l'efu ó, bɨna diʼe ga bʉr bé ósa bɨsyɛɛla bɨ ncwɨncwɨa ɛ. Zyɛm nye mʉr tɨʼ ó b'a bɛa tiʼe é leme we ó, bɨna saʼ ga nye bya.

Éfɛsɔs 1:12

Nye a kpɛl ó, bɨna dwiibɨ ga nye ebe mpwaʼ kum we, ebe, bɨna ga ó ndɨ bʉr o b'efoʼ nye a loŋlo mɨleme e mbɛla dumo e Krɨst ɨ.

2 Korɛnt 9:10

Zyɛm ó ndɨ mʉr lé edwe bʉr mompœʼ mo ebè e. Nye nteme ó ndɨ ekab bʉr mode bé óde e. Nye ódwe bɨn mompœʼ é ntuʼ-ntu-ntuʼ, sa nteme ó, mé bua. Nye ósa ó, bʉr é buobuo, bé nkʉʼ biʼ e bɨn ebe bɨsyɛɛ bɨn lé esea é l'ocɨcyel ɨ.

Yʉanes 15:16

Ntʉʼ bɨn bé a pɛh me. Mɛm ó b'a pɛh bɨn. Me ó b'a lomo bɨn ó, bɨn toʼ, to gumo mpumo. Mpumo waa ódi njʉmdia e njʉmdia. No ó, Sɔŋ wam ódwe bɨn sa yiyɛh bɨn bé ódî le ejaʼ nye, pere e die lam ɨ.

Yʉanes 15:2

Mɨlɔɔ mɨ tɨʼ mimyɛh ndɨ agumo mpumo e, nye etiʼe mye. No ó, mɨlɔɔ mimyɛh ndɨ e mpumo e, nye etiʼe-tiʼe bɨntoʼdu lé epah tɨʼ ɨ, le ekomlo mye ó, myé guma mpumo é buobuo.

Rôm 15:28

No ó, é jɔʼ me óbe si to be e ngula waa ɛ, le egʉa nteme ó, bɨ bi we e, é jɔʼ yaa ó me óka bula, to Panya, cwɨɨ gʉʼ bɨn ye e.

Títos 3:14

Yé ejala ó, bʉr o ndɨ paʼra ga wina ɛ, bé jwɨʼɨ lé esa mɨmpaŋ bɨsyɛɛla. Ebe no ó bɨn bé ógʉa egul baanteʼenteʼe, é mbi ndɨ ó bɨn beʼ l'aka baʼ mobo e.