Filipi 1:10 - Kálara Zyɛ̌m Edwán é mpʉ̌n

¹⁰ Ebe no ó bɨn bé óbe e nkul edweʼe sa ndɨ é bul jɨŋɔ ɛ. É dobo Krɨst óbula ze e, nye ókœb ó, bɨn mu ó bʉr o b'ocyecye, abe e mobe.

Kálar Nzyɛ̌m : Ejwán é Sáá

¹⁰ Sá tɨ̂ʼ ó bɨ́n ngá gʉ́a épɛ̂h bísâ bi dí ɨ́ buú mbɨa bí yɨ́. Ɨ́ jɔʼ Krîst óbáʼǎ nze yɨ́, nye ókœb ó, bɨ̌n mû ó e miléme ɨ́ sɔ́ɔ́ɔ́, abe e mebě.

Filipi 1:10 ပူးပေါင်းရင်းမြစ်များ

Rôm 12:2

Aka du ga mɨnjwɨr bʉr o mya wiʼ lé ekuhlo e. Yé ejala ó, Zyɛm dweʼ bɨn mɨpɛhla mɨdwan, ó nye dwirɨ bɨn mɨleme. É mbi waa ó bɨn bé ógʉa sa Zyɛm lé egwɨm ɨ, é kpɛhla. Bɨn bé ógʉa sa ndɨ é mbɨa ɛ, ndwe e yaa nye lé emɛʼle e, ka kɛl sa ndɨ mbɨmbɨa é mɨpaʼ mimyɛh ɛ.

1 Tesalonika 3:13

Nye gbaʼ bɨn nkul é monyʉl ó, mɨleme min, myé diʼe é sɔɔɔ, alɨŋa ba, abe e mobe é jɔʼ bɨn bé ócyɛb é mih mo Zyɛm Sɔŋ ga wina ɛ. Diʼe ga no, to pyal é dobo Tî ga wina Yesʉs óbula ze, bé e mɨsaŋ beengles mye mimyɛh ɛ.

1 Tesalonika 5:23

Mʉr lé esa ó, bʉr tiʼa é motala ɛ, nye mʉr tɨ, nye puba bɨn é mɨpaʼ mimyɛh. Nye baʼla mɨsisim min e mɨleme min, ndwe e monyʉl mɨn. Ebò e cyen lɨn, lé diʼe no, alɨŋa ba, to pyal é dobo Tî ga wina Yesʉs-Krɨst óbula ze e.

Rôm 2:18

Go elɛɛ-lɛɛ ó, mpʉ motie maa, mɨ bul tɨe go e, no ó go mu ó lé ekʉ gʉa sa Zyɛm lé egwɨm ó, go saʼ ɛ. Yé edib go zi ebɛʼ bɨsɔʼɔ, le epɛh yaa ndɨ é mbɨa ɛ.

Éfɛsɔs 5:10

Saŋa ga ó, bɨn dweʼa sa Da Yesʉs lé ebee mbɨmbɨa ɛ.

1 Yʉanes 4:1

Obɨɔ o kpɛl bam aa! Akpahbe buʼla ga mʉr nyiwɛh bɨn lé efuuba e nye, waa lé edwe-dwe bʉr bɨsikʉlʉ ɨ. Taara boblo ga mbi mʉr waa, bɨn nkʉʼ gʉa pie tɨʼ nkʉ sisim nye ndɨ e we e, wé eduho ó boo Zyɛm, ebe, mɨmpʉmpʉl mɨ ogwiha o mɨlɔb, myé mu ó si buo é si nwaʼ nyiwɛh.

Filipi 1:6

Mɨ kʉ gʉa ó, Zyɛm, nyi taare lé esa mpaŋ syɛɛla é mɨleme min tʉŋlʉ. Mɨ kʉ gʉa nteme ó, nye óto le esa no, to pyal é jɔʼ nye ósil komlo bɨn é dobo Yesʉs-Krɨst óbula ze e.

1 Tesalonika 5:21

Timla ga bɨsa bibyɛh. Sa ndɨ é mbɨa ɛ, mɛrɨ ga ye é kpɨɨɨ.

1 Korɛnt 1:8

Nye waa nteme ó ngo gba bɨn nkul é monyʉl, to pyal é l'esie, abe e sa ebebe nye a ngbaa nwahle bɨn e tɨʼ é dobo Tî ga wina Yesʉs-Krɨst óbula ze e.

Mɨngwiha 2:2

“Me egʉa lelelele syɛɛ bɨn lé ejaʼra e ye e, ndwe e mbi bɨn lé ejaʼra e mɨtuu ɨ. Me egʉa nteme ó, bɨn bé adihbe osyɛl be ebebe. Bɨn bɨ pahle bʉr o ndɨ elɛɛ ó, bé ó mɨlʉmlʉ mo Zyɛm ɨ, bɛɛ yɛɛ abe mye. Bɨn bɨ dweʼe ó, bé ó baanya-bɨkʉʉŋʉ.

Éfɛsɔs 5:27

Ebe, nye a kpɛl ó, wé nkʉʼ cyɛb é mih me é ncyɛh-ncyɛh: abe e l'ebar, nkʉ mɨlur, nkʉ yʉʉ sɔʼɔ ndɨ é bebe e. Wé ókʉ ka gumo ó njɨ e nye, abe e sa ebebe nye a ngbaa nwahle we e tɨ.

Yʉanes 1:47

É jɔʼ Yesʉs a bee Natanaɛl lé eze nko nye a be e, nye ó: «Go bana kʉ be cyecye mʉr Ɨzraɛl, abe e bɨkʉʉŋʉ!»

Mataos 16:23

Yesʉs ze dwibra, nye e Pyɛr ó: «Satan, pʉʼa me é mih! Akol me ebɔʼ lé ódumo me e. Mɨpɛhla myo, myé abe myaa mo Zyɛm, njɨ myaa mɨ bʉr.»

2 Korɛnt 1:12

Sa bɨh lé edoʼo e ye e, yé ó yi: mɨpɛhla mɨleme mih, myé eboʼlo ó, bɨh bé ekœʼ ebò e cyen egwar é mih mo bʉr bɨbɛh, ndwe é maa mɨn, ebò e cyen ndɨ ti é mih mo Zyɛm, laa ndɨ eduho bɨh é mɨmo si ɨ. Bɨh bé a baakœʼ le lé edu ocyoo o bʉr o si nwa. Bɨh bé a kœʼ ebò e cyen laa ó, lé edu bim ncwɨncwɨa Zyɛm a lɛʼle bɨh ɨ.

Rôm 12:9

Kpɛl, yé duha bɨn é mɨmo si. Bena ga sa yiyɛh ndɨ é bebe e. Kpɛlɨ ga sɔʼɔ, njɨ yaa ndɨ é mbɨa ɛ.

Rôm 8:7

Baa ndɨ edu njɨ bɨgwɨma bɨ nyʉl bɨpuno e, bé ó bʉr o dɔm mo Zyɛm. Bé agum ka du motie Zyɛm a tiile bʉr ɨ. Bé ákwoʼ mɛʼle du me.

Mataos 26:33

Pyɛr, nye e nye ó: «Dam be ó, bʉr bɨbɛh, bé óbɨm ebɔʼ laa é mɨleme, ntɔʼ duma, mɛm, me ákwoʼ bɨm le.»

Filipi 1:16

Bé esa no é lɔb kpɛl bé le ekpɛl me e, bɛɛ lé egʉa ó, Zyɛm a dil me wâʼ é mbʉʼ ó, me nkʉʼ kamle e Mbɨambɨa Lɔɔ.

Éfɛsɔs 6:24

Mocyɛʼ mo mpom mo Zyɛm, mé swɨŋɨ é mʉr nyiwɛh lé ekpɛl Tî ga wina Yesʉs-Krɨst kpɛl apurapura ɛ.

Éfɛsɔs 4:15

To kœb ó, ǃbɨna si lɛɛ ga ocyecye e leme ncwɨncwɨa nɛʼɛ, bɨna bé ógwɨe le ebwaʼ ga. Bɨna bé ódi ga é zyɛŋa ga wina boo Krɨst, ndɨ lʉ ga wina ɛ.

Galásia 5:11

Obɨɔ ga bam, nkʉ me be ó be, to dolo lé eyɨm bʉr ó, bé saŋɔ mpʉn nɛʼɛ, mpa yé aka be e mʉr lé etíile me! Waa nyiwɛh lé enyiŋ bʉr ó, bé saŋɔ mpʉn ɨ, nye ó ndɨ waa lé edwih ebɔʼ Zyɛm a kol oYʉden ɨ. Ebɔʼ laa, lé ó mbi efie Krɨst a dwè, cyèla é klos kʉ ɨ.

2 Korɛnt 8:8

Sa me mu ó lé elɛɛ bɨn yi, bɨn bé abe é nkara ó, bɨn saʼ ye. Me ekpɛl ó, me lɛʼla mpʉ kpɛl yin ndɨ eduho bɨn é mɨmo si ɨ. Me ejwɨʼ ye ó, e yaa bʉʉ bʉr o b'a be e mɨleme é ntɨɨɨŋ ó, bé dweʼ Zyɛm mɨndwɛa myɔɔ ɛ.

2 Korɛnt 6:3

Bɨh bé aŋa gba bʉr mobɔʼ é zi, lé ekpɛɛ ó, mʉr amu twe. No nteme ó bɨh bé ósa syɛɛ-Zyɛm, mʉr adwe bɨh mobe tɨʼ ɨ.

2 Korɛnt 2:17

No ó, bɨh bɛɛ, bé abe mpʉ obɛma o mɨlɔb mo Zyɛm. Zyɛm a lomo bɨh ó, loma. Lwib yaa, yé eduho bɨh é mɨmo si. Bɨh bé elwib mɨlɔb mye ó, é mih mo Zyɛm, é lɔb zyɛŋa wih boo Krɨst.

1 Korɛnt 10:32

Kœʼœ ga mpaŋ ebò e cyen é mbi ndɨ ó, bɨn l'ayi ka sa syɛɛla ndɨ ekol oYʉden ebɔʼ lé ódumo be e. Syɛhla ga nteme syɛɛla ndɨ ekol bʉr o bɨkul bɨfih ebɔʼ lé ódumo be e. Akol bʉr o Mbɛr-Zyɛm ebɔʼ lé ódumo be e.

1 Korɛnt 8:13

Yé be ó, yʉʉ doʼ, yé ó ebɔʼ mɨɔ wam ndɨ e nkul ebɨm, laa lé ódumo nye nɛʼɛ, me ófuo mɛʼle ó, me beʼ l'aka de tir cye tiʼ. Me amu jaa kol nye ebɔʼ nye óbɨm é leme e!

Rôm 16:17

No ó, obɨɔ ga bam, me ejwɨʼla e bɨn ó nɛɛ: bɨn bé à di ncye é nko paʼ bʉr o b'a tɨ mɨlɛa mih é jɔʼ bɨh bé a dwe bɨn sikʉlʉ ɨ. Bé esa mpɔʼa monkɔm lé ekol obɨɔ bɔɔ ebɔʼ bé óbɨm é mɨleme e. Cɛra ga e be!

Rôm 7:22

Gwɨma, yé eduho me é mo si ó, me duʼo motie mo Zyɛm.

Rôm 7:16

ǃMe si sa bɨsyɛɛla me ndɨ akpɛl sa nɛʼɛ, lɛɛ ó, mɨ mɛʼle ó, motie, mé é mbɨa.

Mɨlʉmlʉ 24:16

Ebe no, me egba nyʉl lé ekœʼ ebò e cyen ndɨ cɨcyel é mih mo Zyɛm le maa mo bʉr ɨ. Mɨpɛhla mɨ leme wam, wé ó é pyɛɛɛ.

Yʉanes 3:20

Mʉr nyiwɛh lé esa ebebe e, nye enwim myɛn waa. Nye abe lé eze fum myɛn lé epan ɨ, ebe, nye ekpɛɛ ó, ebebe le, lé amu jaa gwiha kʉl, bʉr ntɔʼ dwe nye mobe tɨ.

Filipi 2:16

Bɨn bé ólɛʼle be mɨlɔb mɨ tiʼ. Tɨʼ ó me óbi zi lé edoʼo e syɛɛ yam é dobo Krɨst óbula ze e. Me ógʉa é jɔʼ yaa ó, lelelele syɛɛ me a sea ɛ, yé a baadwè ntuʼ.