Éfɛsɔs 6:8 - Kálara Zyɛ̌m Edwán é mpʉ̌n

⁸ Gʉŋa ga ó, ǃɨ mʉr si sa syɛɛla ncwɨncwɨa nɛʼɛ, Da Yesʉs ódwe nye myɛna tɨ, nye dam be elʉa, nkʉ mʉr ndɨ é dia otî ɨ.

Kálar Nzyɛ̌m : Ejwán é Sáá

⁸ Gʉ́ŋáá gá ó, mʉ̂r séá mpǎŋ syɛ́ɛ́ nó, Tî Yésʉs ódwe nyé myɛ́na tɨ̂, nyě damá bě túʼǎ, nkʉ̂ mʉr dí nzyɛh nyá.

Éfɛsɔs 6:8 ပူးပေါင်းရင်းမြစ်များ

Kolosi 3:24

Gʉŋa ga ó, Tî ga wina ókʉ dwe bɨn myɛna tɨ. Bɨn bé óbi tiʼ molu mo mpoʼ mɨmɛh nye lé ekomo bʉr be e. Mpaŋ njwɨʼa bɨn lé esea e nye e, nye ó ndɨ Krɨst.

Lʉkas 14:14

ǃGo si sa no nɛʼɛ, go ósʉŋɔ mocyɛʼ mo mpom, ebe, bé abe e nkul ebuulo go embɨa lo enɨ. Embɨa laa, lé óka buulɔ ó, é moho ocɨcyel o bʉr, bé ópàh ɛ.»

Kolosi 3:11

É tiʼ edwan yaa, adu ga bwa mɨmbɛʼ ba: Nkʉ mʉr fih mʉr kɛ̀l, nye ó mʉr Grɛs, nkʉ nye ó Yʉden, nkʉ nye a be ó si saŋɔ mpʉn, nkʉ nye a baasaŋɔ mpʉn, nkʉ nye ó mʉr kul bʉr lé ebul cyɛlɔ ɛ, nkʉ nye ó mʉr kul bʉr o ndɨ ebul feha ɛ, nkʉ nye ó elʉa, nkʉ nye ó mʉr ndɨ é dia otî ɨ, ebe, Krɨst ó ndɨ lʉ sa yiyɛh é mɨpaʼ mimyɛh.

2 Korɛnt 5:10

Ebe, bɨna bé ó yɨma ó, bɨna pyala ga é mih mo Krɨst é dia tiʼà mɨlɔb ye. Mʉr nyiwɛh óbi myɛna nkʉ ntɨʼa ó, du mpʉ bɨsyɛɛla bye, byé a be nye é jɔʼ nye a be, nye dina é tiʼ si nwaʼ ɛ: nkʉ byé a be ó é mbɨa, nkʉ ó, byé a be ó é bebe.

Mataos 16:27

Ebe, Mwan mo Mʉr muno ze pyal é moncɛnba mo Sɔŋ we bé e beengles be. É jɔʼ yaa ó nye ódwe mʉr nyiwɛh myɛna, du mpʉ bɨsyɛɛla bye, byé a be e.

Mataos 6:4

é l'efu ó, edwɛna lo, lé nkʉʼ syɛɛ é mofo. Sɔŋ go lé ebee sa yiyɛh ndɨ fela ɛ, nye ódwe go mpaŋ myɛna tɨ.»

Ebrœ̂ 10:35

Ebe no, mʉr beʼ l'acyɛʼ nyʉl. É jɔʼ bɨn ndɨ etʉm monyʉl ɨ, yé óbe bɨn e myɛna monɨnɨ.

Ebrœ̂ 11:26

Laa ó nye tiʼa é lal Egipten lé ebi okum e l'ogbaa tɨ, nye a fuo mɛʼle ó, bé e Lœma mulo mo Zyɛm, bé lwɨɔ zyɛŋa. Nye a be ó lé esyɛm mih ó, nye beŋɨ myɛna Zyɛm a komo nye e.

Galásia 3:28

Ziila, nye aka gʉa be paʼra Yʉden bé e mʉr kul fih. Yé aka gʉa be ziila paʼra elʉa bé e mʉr ndɨ é dia otî ɨ, nkʉ paʼra mʉma bé e mʉrʉm, ebe, bɨn bɨ di é zyɛŋa win boo Yesʉs-Krɨst. Bɨn bɨbɛh mu ka di ó é dia mʉr ngwar: Yesʉs-Krɨst.

Mataos 6:1

«Diʼe ga ncye é lɔb esa lɛʼla. Adwiibɨ ga Zyɛm é mih mo bʉr, ó bɨn nkʉʼ beɔ. ǃBɨn si sa no nɛʼɛ, bɨn bé aŋa bi mpaŋ myɛna boo Sɔŋ win ndɨ é jobo kʉ ɨ.

Mataos 5:12

Soha ga! Mɨɨla ga, ebe, myɛna monɨnɨ le embɨa, byé ebono bɨn é jobo kʉ, ebe, bé ó b'a tíile nteme ogwiha o mɨlɔb bé a taare pyal e bɨn ɨ.»

Lʉkas 6:35

Sa gwar, é nko paʼ win, kpɛlɨ ga bʉr o dɔm bɨn. Saʼ ga be bɨsyɛɛla bɨ ncwɨncwɨa. Kʉlɨ ga bʉr mɔn. Daʼ pɛh baa bɨn lé ebuʼla ó, bé óbuulo bɨn ya ɛ. Bɨn bé ókʉ bi myɛna tɨ! No ó bɨn bé óbe bwan mo Zyɛm ndɨ Lʉ bɨsa bibyɛh ɛ, ebe, nye mʉr tɨ, nye elɛʼle bʉr o ndɨ elono nye e, ncwɨncwɨa, bé e bʉr o jeele e laŋ.

1 Korɛnt 12:13

Bɨna ga bɨbɛh bé a si nʉa ndubo ngwar, ntɔʼ ka di nyʉl ngwar é zi Sisim ngwar. Sisim ngwar ó b'a ze di é mɨleme ga mina. Bɨna ga bé ó jwɨʼ gwar yaa, mʉr dam be Yʉden, nkʉ mʉr kul fih, nye dam be elʉa, nkʉ mʉr ndɨ é dia otî ɨ.

Kolosi 3:25

Syɛl ebebe nyɛɛ óbi sa lé ejala e l'ebebe le e, ebe, Zyɛm, nye adwaabe bʉr é lɔb mompom mɔɔ.

Mataos 20:7

Bé ze bɨha e nye ó: “Ebe, mʉr baabaŋle bɨh bɛɛ ó, bɨh toʼ, to sea é peme ye.” Nye e be ó: “Bɨn bɛɛ nteme, laŋa ga. Toʼ, to sea ga é peme yam!”