Éfɛsɔs 6:6 - Kálara Zyɛ̌m Edwán é mpʉ̌n

⁶ Mʉr asea syɛɛ njɨ é jɔʼ bé lé epala nye e. Mʉr beʼ l'asea é l'efu e moseʼla mo bʉr. Mpʉ bɨn mu osyɛl o mosa mo Krɨst ɨ, sea ga e be syɛɛ, lé eloŋlo gwɨma mo Zyɛm, e mɨleme min mimyɛh.

Kálar Nzyɛ̌m : Ejwán é Sáá

⁶ Mʉr aséa gá syɛ́ɛ́ njɨ ɨ́ jɔʼ bé dí epála nyé yɨ́. Mʉ̌r sá aséa lɨ́ esú é méswɨ̂ʼlʉ me bʉ̂r. Mpʉ bɨ́n mû osyɛ̂l o mésâ mé Krîst yɨ́, séáá gá bé syɛ́ɛ́, lɨ́ elóŋlǒ gwɨ́má mé Nzyɛ̌m, e milémé mín mímyɛ̂h.

Éfɛsɔs 6:6 ပူးပေါင်းရင်းမြစ်များ

1 Tesalonika 2:4

Bɨh bé a lwib e bɨn ó, lé edu mpʉ Zyɛm lé ekpɛl ɨ. Nye a ntɨh bɨh Mbɨambɨa Lɔɔ we ó, bɨh lɛŋɨ bʉr wa. Bɨh bé a baasaa enyin mbɨmbɨa é mih mo bʉr, njɨ é mih mo Zyɛm, waa lé epahle mɨleme ga mina ɛ.

Galásia 1:10

No ó, banana, bɨn bé etoŋlo é yé? Zê me lé ekʉ bul saa ó, bʉr dweʼ me mokebe ɛ? Zê me lé esaa ó, Zyɛm dweʼ me ma ɛ? Zê gwɨma yam, yé ó bʉr kpɛlɨ me ɛ? Nkʉ me be ó be, sa sa bʉr o si nwaʼ lé egwɨm nɛʼɛ, mpa me aka kunbo e syɛl mosa mo Krɨst.

Éfɛsɔs 5:17

Ebe no, adimle ga pɨʼ. Saŋa ga ó, bɨn saʼ bɨsyɛɛla Da Yesʉs a gwɨm é leme we ó, bɨn saʼ ɛ.

1 Pyɛr 4:2

Mbi mʉr waa, wé óka tiʼe-tiʼe é si nwaʼ ó, njɨ lé eloŋlo gwɨma mo Zyɛm. É jɔʼ nye dina mʉr si nwaʼ ɛ, nye ákwoʼ ka loŋlo bɨgwɨma bɨ nyʉl bɨpuno.

Filipi 2:12

No ó, obɨɔ o kpɛl bam aa! Bɨn bé a be ó si sa Zyɛm mojoʼo é jɔʼ bɨna bé a be ga gumo gwar ɨ. No ó, banana, é mpʉ me mu é nko paʼ fih, aka be bɨn ye e, bɨn bé ejala le eto dolo lé esa no. Zyɛm, nyi tiʼ bɨn. No ó, sea ga e bʉa e mosaʼ é l'efu ó, bɨn kœʼœ ebò e cyen laa.

Mataos 12:50

Mʉr nyiwɛh lé esa sa Sɔŋ wam ndɨ é jobo kʉ ɨ, lé egwɨm ɨ, nye ó ndɨ mɨɔ wam, kɛl wam ndwe e nyɔŋ wam.»

Ebrœ̂ 13:21

Nye komla bɨn é mɨpaʼ mimyɛh, ó bɨn saʼ bɨsyɛɛla bɨ embɨa bɨn lé ebee ó, byé lé edu gwɨma ye e, nye gʉa cyel bɨna ga é mih me dumo e Yesʉs-Krɨst, ndɨ e kum njʉmdia e njʉmdia ɛ. Amɛn.

Ebrœ̂ 10:36

Sa lé ejɨŋɔ é nko paʼ win ɨ, yé ó bihbe. ǃBɨn si be e bihbe waa nɛʼɛ, bɨn bé ósa gwɨma mo Zyɛm é jɔʼ yaa. Bɨn bé óbi sa nye a kɛʼ bɨn ɨ.

Kolosi 1:9

Ebe no ó bɨh dina lé ejwɨʼla e Zyɛm é l'efu lɨn, agwaʼ ɛ. Taare é jɔʼ bɨh bé a joʼo be lé elwib, tiibe e bɨn ɨ, ze pyal é muh é dobo lɨ, bɨh bé esa Zyɛm mɨnjwɨʼla, ó nye loŋla bɨn pɨʼ ndɨ ó, bɨn gʉŋa bɨgwɨma bɨ leme we. Nye dweʼ bɨn ocyoo wiwɛh, le esa ó, bɨn gʉŋa mɨlɔb Mbɨambɨa Sisim lé eyeʼle e.

Mataos 7:21

«Ntʉʼ mʉr nyiwɛh ólɛɛ ó: “Da ɔɔ, Da ɛɛ!” óni é jwɨ̀ʼa mo Da, njɨ waa nyiwɛh lé esa gwɨma mo Sɔŋ wam ndɨ é jobo kʉ ɨ.

1 Yʉanes 2:17

To kœb ó, bɨsa bɨ jobo yiʼ ndwe e byaa bʉr lé egwɨm tɨʼ ɨ, byé elaa ó laŋa. No ó, mʉr lé esa gwɨma mo Zyɛm ɨ, nyiha ó ndɨ ebi tiʼ molu mo mpoʼ mɨmɛh.

Rôm 6:17

Bɨna dweʼ ga Zyɛm ekiba! Bɨn bé a taare be ó mpʉ molʉa, lé esa mɨsyem. No ó, bɨn mu é bananaʼ ó, si sa mojoʼo e mɨleme min mimyɛh, lé edu mbi sikʉlʉ mu lé ebaʼle bɨn ɨ.

Kolosi 4:12

Epafras, mʉr a duho bɨn ye e, nye esoho bɨn. Nye ó kʉ be syɛl mosa mo Yesʉs-Krɨst. Nye esa Zyɛm mɨnjwɨʼla é jɔʼ yiyɛh é l'efu lɨn ó, bɨn kuma é l'ombɨmbɨa é mɨpaʼ mimyɛh, bɨn mu si gʉa bɨsyɛɛla Zyɛm lé egwɨm ɨ.

1 Pyɛr 2:15

Sa Zyɛm lé egwɨm é win paʼ, yé ó: bɨn cwɨa e bʉr, bɨgʉ nkʉʼ di é jwɨm, aka lwib sa ndɨ asiŋa ɛ.

1 Tesalonika 4:3

Ebe, sa Zyɛm lé egwɨm e bɨn ɨ, yé ó bɨn diʼe mɨsaŋ mɨ bʉr. Ebe no, mbuʼla nyiwɛh, nye ejala le edi é l'ecyooŋʉ, lé esyɛhle lɔb esa bɨmala e mɨfyɛba.

Markus 3:35

Mʉr nyiwɛh lé esa sa Zyɛm lé egwɨm ɨ, nye ó ndɨ mɨɔ wam, kɛl wam ndwe e nyɔŋ wam.»

1 Korɛnt 7:22

ebe, ǃɨ Da Yesʉs si jebe elʉa nɛʼɛ, kʉ gʉa ó, lé mu ó é dia otî é zyɛŋa wɔɔ boo Tî ga wina. ǃƗ Da si jebe mʉr ndɨ é dia otî nɛʼɛ, nye mu ó elʉa mo Krɨst pie njɨblɨ waa.