Éfɛsɔs 6:20 - Kálara Zyɛ̌m Edwán é mpʉ̌n

²⁰ Yé ó é modila mo Krɨst ó me mu é nkara é lɔb Mbɨambɨa Lɔɔ ɛ. Jwɨʼla ga e Zyɛm, ó me pɛʼla we é kpɛŋlɛm, abe e bʉa, mpʉ wé lé ejala le epɛʼlɔ ɛ.

Kálar Nzyɛ̌m : Ejwán é Sáá

²⁰ Me, mʉr milʉ́mlʉ́, mû kɛ́ʼá ménkara ó, ɨ́ lɔ̌b Mbɨambɨa Lɔ́ɔ. Jɨʼlaa gá e Nzyɛ̌m, ó me pâʼlaa wé ɨ́ hwɨ́m mpʉ wé jálá le epâʼlɔɔ yɨ́.

Éfɛsɔs 6:20 ပူးပေါင်းရင်းမြစ်များ

2 Korɛnt 5:20

Ebe no ó bɨh ndɨ mɨlʉmlʉ mo Krɨst ɨ. É jɔʼ bɨh lé ejebe bɨn ɨ, yé ó mpʉ sa lɛɛ ó, Zyɛm nye mʉr tɨʼ ó ndɨ ejebe bɨn. Ebe no ó bɨh lé ejwɨʼla e bɨn é zyɛŋa wih boo Krɨst ó, mɛʼla ga ó, bɨn diʼe baa Zyɛm a de mpʉn e be e!

Kolosi 4:4

Saʼ ga Zyɛm mɨnjwɨʼla é l'efu lɨh, ó me tuna we, pɛʼle mokan mpʉ yé lé ejala ɛ.

2 Timotɛ 2:9

Bʉr, bé a si kaʼ me monkara mpʉ sa lɛɛ ó, me a be ó zilngan. Me esia e mɨtuu ó ebe Mbɨambɨa Lɔɔ me lé elɛɛ ɛ. Dam be no, ntʉʼ lɔɔ ndɨ eduho boo Zyɛm ɨ, wé a kaʼɔ!

Filipi 1:7

Yé ejala nteme ó, me pahla lɔb win é mbi waa, ebe, me ecwɨa e bɨn é buobuo. Zyɛm a si cwɨa e bɨna ga bɨbɛh jwɨʼ gwar. Me dam be é mbɛr mɨmbʉʼ tʉŋlʉ mpʉ me mu ɨ, me dam be é dia otî lé eboʼlo Mbɨambɨa Lɔɔ ndɨ eduho boo Zyɛm ɨ, mocyɛʼ mo mpom mo Zyɛm, mé eswɨɨ é bɨna ga é mbi ngwar.

Mɨlʉmlʉ 26:29

Pol, nye ó: «Dam be é banana, nkʉ é molu lé eze e, me ejwɨʼla e Zyɛm ó, abe é l'efu lo, go ome. Me ejwɨʼla nteme ó, é l'efu e bʉr bɨbɛh lé ejoʼlo me muh ɨ, ó bɨn diʼe mpʉ me ndɨ yi... abe yɛɛ é nkara mpʉ me mu ɨ.»

1 Yʉanes 3:16

É mbi wiʼ ó bɨna lé edweʼe ga sa ndɨ mpaŋ kpɛl ɨ: Yesʉs-Krɨst a si dwè, jala e bɨna ga. No nteme ó bɨna mu ó e mpɔla boo bʉʉ obuʼla ɛ. Bɨna bé ejɛna ga mpɔla waa ó, lé edwè, jala e l'obuʼla.

2 Timotɛ 1:16

Da Yesʉs saʼ mbɛr bʉr mo Onesiforos mombɨa mɨmɛh, ebe, nye a be ó si bul lɛʼle me nkʉnkoo, zɔʼ e zɔʼ. Nye ajoʼo ba fwon ebe me ndɨ é nkara é mbɛr mɨmbʉʼ.

1 Tesalonika 2:2

Bɨn bé egʉa nteme mpʉ bɨh bé a sia e tuu le cere é nkana Filipi, bɨh l'apa pyal bɨn ye e. É jɔʼ bɨh bé a pyal bɨn ye e, Zyɛm Sɔŋ wih a sa ó, bɨh tʉmɨ monyʉl, ó bɨh lɛŋɨ bɨn Mbɨambɨa Lɔɔ mo Krɨst teme bʉr o ndɨ esa bɨh mongan ɨ.

Filipi 1:20

Leme wam, wé ó lwɨŋla e mbɛla ó, me ákwoʼ sɔma e yʉʉ syɛɛla yam gwar. Me ebuʼla ó, me óto le ekœʼ mpaŋ ebò e cyen é hwɨm, abaawe sɔʼɔ e bʉr, mpʉ me a bɛa sa-sa ɛ, é l'efu ó, bʉr toʼ dolo lé egumlo Krɨst. Dam be ó me etiʼe, dam be nteme ó, mɨ dwè: bé óto le egumlo Krɨst ebe me.

Éfɛsɔs 6:19

Jwɨʼla ga nteme e Zyɛm é l'efu lam, ó nye dweʼ me mokan me lwibɨ, abaawe sɔʼɔ e mʉr ɨ. Me pɛʼla lwib odim lé etiibe e Mbɨambɨa Lɔɔ ɛ, bʉr gʉŋa we é kpɛhla.

Éfɛsɔs 4:1

Ebe no, mɛm, mʉr ndɨ mbʉʼ é zyɛŋa wɔɔ boo Da Yesʉs ɨ, me ejwɨʼla e bɨn ó, bɨn kœʼœ mbɨambɨa ebò e cyen Zyɛm a lɛɛ bɨn ó, bɨn kœʼœ œ.

Éfɛsɔs 3:1

No ó, mɛm Pol, mʉr ndɨ mbʉʼ é syɛɛ mo Yesʉs-Krɨst é lɔb win, bʉr o ndɨ abe oYʉden ɨ...

Mɨlʉmlʉ 28:31

Nye a be nteme lé elɛɛ-lɛɛ Mbɨambɨa Lɔɔ é lɔb jwɨ̀ʼa mo Zyɛm, le eyeʼle bʉr mɨlɔb lé etiibe e Da Yesʉs-Krɨst ɨ, é kpɛŋlɛm, abaawe sɔʼɔ e mʉr, abe e ntɨʼa.

Mɨlʉmlʉ 28:20

Ebe no ó me a be lé ekpɛl bee bɨn, le elwib e bɨn ɨ. Me mu é nkara ó, ebe mbɛla bɨna ga e boo bwa b'Ɨzraɛl ndɨ e tɨʼ é mɨleme e.»

Mɨlʉmlʉ 5:29

No ó, Pyɛr bé e mɨlʉmlʉ, bé a ze bɨha e be ó: «Yé ekʉ jala ó, bɨh joʼa Zyɛm, laa ó bɨh joʼa bʉr.

Yʉ̂d 1:3

Obɨɔ o kpɛl bam aa! Me a taare bee ó, sa ndɨ ekʉ jala ɛ, yé a be ó, me tila bɨn é lɔb tiʼ molu mo mpoʼ mɨmɛh, e mpʉ bɨna bé a bi ga tiʼ yaa mbi ngwar ɨ. No ó, me a ze bee ó, me ófuo ka tile bɨn ó, bɨn lwimla dɔm. Dɔm laa, lé ó, bɨna kamla ga e buʼo ga yina, yé diʼe mpʉ Zyɛm a bɛa ntɨh mɨsaŋ mɨ bʉr be ya ɛ.

Filemɔŋ 1:10

Me ejwɨʼla e go ó, é lɔb mo mwan wam Onezimos. Ngbaa me mu wâʼ é mbʉʼ, mɨ bya nye é zi elɛɛ nye Mbɨambɨa Lɔɔ.

Mɨlʉmlʉ 21:33

No ó njwɨɨ bɨzima nɨnɨ a ze naʼ nye mobo é nyʉl, ntɔʼ dwe nkul ó, bé kaʼa nye e mɨkʉkob mɨmba. No ó nye a dî mbi mʉr nye a be e, ndwe e sa ebebe nye a pa kʉ sa ɛ.

2 Korɛnt 3:12

Ebe no ó mɨleme mih mu si loŋlo e mbɛla ɛ. Mbɛla waa, wé ó ndɨ edwe bɨh nkul ó, bɨh lwibɨ e bɨn é kpɛŋlɛm.

Kolosi 4:3

Saʼ ga mɨnjwɨʼla nteme é l'efu lɨh, ó nye dibɨ bɨh zi ó, bɨh tuna Mbɨambɨa Lɔɔ we, ó bɨh pɛʼla lwib odim lé etiibe e Krɨst ɨ. Me kɛʼa é mbʉʼ ó, ebe lɔɔ me lé ebɛa tuno-tuno e.

Filemɔŋ 1:9

Dam be no, me alwib e go é mbi waa, ebe, me ekpɛl go. Me ejwɨʼla e go ó, jwɨʼla. Me ó lé elwib e go, mɛm Pol, ndɨ tamamʉr e go e. Me ó bananaʼ é mbʉʼ ó, é lɔb buʼo lé etiibe e Yesʉs-Krɨst ɨ.