Éfɛsɔs 6:19 - Kálara Zyɛ̌m Edwán é mpʉ̌n

¹⁹ Jwɨʼla ga nteme e Zyɛm é l'efu lam, ó nye dweʼ me mokan me lwibɨ, abaawe sɔʼɔ e mʉr ɨ. Me pɛʼla lwib odim lé etiibe e Mbɨambɨa Lɔɔ ɛ, bʉr gʉŋa we é kpɛhla.

Kálar Nzyɛ̌m : Ejwán é Sáá

¹⁹ Jɨʼlaa gá ntémé e Nzyɛ̌m ɨ́ lɔ̌b wâm, ó nye dwêʼ me mekǎn mé lwíbɨɨ ɨ́ hwɨ́m, abáawǒ sɔ̂ʼ má. Me pâʼlaa lwǐb ódîm dí edumo e Mbɨambɨa Lɔ́ɔ yɨ́, bʉr gʉ́ŋaa yê.

Éfɛsɔs 6:19 ပူးပေါင်းရင်းမြစ်များ

Kolosi 4:3

Saʼ ga mɨnjwɨʼla nteme é l'efu lɨh, ó nye dibɨ bɨh zi ó, bɨh tuna Mbɨambɨa Lɔɔ we, ó bɨh pɛʼla lwib odim lé etiibe e Krɨst ɨ. Me kɛʼa é mbʉʼ ó, ebe lɔɔ me lé ebɛa tuno-tuno e.

Mɨlʉmlʉ 4:29

No ó, Da, banana, joʼla mpʉ bé lé ebɛŋ bɨh ɨ. Dibɨ osyɛl o mosa bo zi ó, bé lɛŋɨ lɔɔ go é kpɛŋlɛm, abaawe sɔʼɔ e bʉr.

2 Tesalonika 3:1

Obɨɔ ga bam aa! Bɨh bé eka tile bɨn ó, bɨn jwɨʼla e Zyɛm é l'efu lɨh, ó lɔɔ lé etiibe e Da Yesʉs ɨ, wé toʼ dolo kam e kam, ó bʉr dweʼ lɔɔ waa duu, du mpʉ bɨn bɛɛ mu lé edwiibɨ we e.

1 Tesalonika 5:25

Obɨɔ ga bam aa! Saʼ ga Zyɛm mɨnjwɨʼla é l'efu lɨh.

Ebrœ̂ 13:18

Dɨʼe sa ga mɨnjwɨʼla é l'efu lɨh. Bɨh bɨ kʉ gʉa ó, mɨpɛhla mɨleme mih, myé ó njɨ myaa ndɨ é pyɛɛɛ ɛ. Bɨh bé e gwɨma ó, bɨna kœʼœ ga ebò e cyen ndɨ cɨcyel ɨ, é bɨcye bibyɛh.

Mɨlʉmlʉ 4:31

Jɨh tɨʼ bé a kʉ sil jwɨʼla e Zyɛm, gumo bé a syɛŋa ɛ, yé ntɔʼ ze ncyeŋa. Mbɨambɨa Sisim ze loŋlo bɨbɛh é mɨleme, bé ntɔʼ taare lé elɛɛ lɔɔ Zyɛm é kpɛŋlɛm, abaawe sɔʼɔ e mʉr.

1 Tesalonika 2:2

Bɨn bé egʉa nteme mpʉ bɨh bé a sia e tuu le cere é nkana Filipi, bɨh l'apa pyal bɨn ye e. É jɔʼ bɨh bé a pyal bɨn ye e, Zyɛm Sɔŋ wih a sa ó, bɨh tʉmɨ monyʉl, ó bɨh lɛŋɨ bɨn Mbɨambɨa Lɔɔ mo Krɨst teme bʉr o ndɨ esa bɨh mongan ɨ.

2 Korɛnt 8:7

Bɨn bé ó obil o bɨsa é mih mo Zyɛm, laa bʉʉ bʉr. Bɨn bé é bul laa bʉʉ bʉr é bim buʼo yin ndɨ ɨ. Bɨn bé elwib e mokan é lʉo-lʉo, laa bʉʉ bʉr, ndwe le egʉa ocyecye, ka kɛl bim bɨn lé egba monyʉl mɨn lé esa syɛɛ-Zyɛm ɨ, le é bim bɨn lé ekpɛl bɨh ɨ. É mpʉ yé ndɨ no e, saʼ ga mbɨambɨa syɛɛ yaa e mɨleme min mimyɛh, nteme laa bʉʉ bʉr!

Éfɛsɔs 1:9

Nye ecyɛb bɨna ga é mɨleme ó, bɨna gʉŋa ga jwɨʼ nye a bɛa bà, yaa yé a lɛɔ é lwib odim ɨ. Yé ó sa nye a ka sa é gwɨma ye nye mʉr tɨʼ ɨ.

1 Korɛnt 4:1

Bɨn bé ejala le enʉa bɨh bɛɛ mɨlʉmlʉ mo Krɨst mpʉ osyɛl o mosa be. Bɨh bé ó baa ndɨ egʉa ebaʼle lwib odim mo Zyɛm ɨ.

Mɨlʉmlʉ 28:31

Nye a be nteme lé elɛɛ-lɛɛ Mbɨambɨa Lɔɔ é lɔb jwɨ̀ʼa mo Zyɛm, le eyeʼle bʉr mɨlɔb lé etiibe e Da Yesʉs-Krɨst ɨ, é kpɛŋlɛm, abaawe sɔʼɔ e mʉr, abe e ntɨʼa.

Mɨlʉmlʉ 19:8

Pol ze to-to é mpah mɨnjwɨʼla oYʉden, tɔɔ ongɔn olɛl. Nye a yeʼle be mɨlɔb mo Zyɛm ó, é kpɛŋlɛm, abe e bʉa, é lɔb jwɨ̀ʼa mo Zyɛm, ndwe le esaa edulo bʉr o b'a joʼlo nye e.

Mɨlʉmlʉ 13:46

Pol bé e Barnabas ze lwib e be é kpɛŋlɛm, abe e bʉa. Bé ó: «Yé a jala ó, lɔɔ Zyɛm, wé taara lɛɔ bɨn ye, oYʉden. Sa gwar, bɨn mu ó lé ebene we, bɨn bé ebee ó, mbi bɨbɨbla bɨ bʉr bɨn ndɨ ɨ, yé ajala ó, bɨn biʼe tiʼ molu mo mpoʼ mɨmɛh. Mpʉ bɨn sa no e, bɨn bé esa ó, bɨh laŋa, lé eto lɛɛ lɔɔ waa boo bʉr o ndɨ abe oYʉden ɨ,

Filemɔŋ 1:22

Me egwɨm ó, go komla me tiʼe mbɛr é jɔʼ Onezimos ópyal gʉʼ ɨ, ebe, me ebuʼla ó, Zyɛm ólɛʼle bɨna ncwɨncwɨa é zi mɨnjwɨʼla min: nye ódwe me jɔʼ eze gʉʼ bɨn ye!

Kolosi 2:2

Me ejaʼra e mɨtuu myaa ó, me gbaʼ bɨn nkul é monyʉl, le esa ó, bɨn syɛŋa é leme ncwɨncwɨa. Bɨn nkʉʼ gʉa buʼo ga yina é kpɛhla, sa ndɨ bɨn e buobuo nyɔm ɨ. Bɨn gʉŋa nteme Krɨst, mʉr Zyɛm a fol é lwib odim ɨ.

2 Korɛnt 3:12

Ebe no ó mɨleme mih mu si loŋlo e mbɛla ɛ. Mbɛla waa, wé ó ndɨ edwe bɨh nkul ó, bɨh lwibɨ e bɨn é kpɛŋlɛm.

1 Korɛnt 1:5

É zyɛŋa win boo nɔɔ, bɨn bé a si tiʼe é mopoʼ, mɨmbi mimyɛh, é laŋle laŋle gumo bɨn bé a dweŋɔ ngwɨa é nko paʼ ocyoo o lwib ndwe e ngwɨa bɨsɔʼɔ ɛ.

Mɨlʉmlʉ 14:3

Pol bé e Barnabas, bé a si bul bɛa é nkana Ikoniʉm, lé ekʉ gʉa lwib e nkul mo Da Yesʉs é kpɛŋlɛm, abe e bʉa. Bé a dɨ lwib ó, é lɔb ncwɨncwɨa mo Yesʉs. Yesʉs nyɛɛ ze boʼlo lɔɔ waa é zi bɨdweʼle bɨ nkul we ndwe e bɨsa bɨ jehe nye a sa é zi mobo mɔɔ ɛ.

Mɨlʉmlʉ 9:27

No ó Barnabas a ze nʉa nye, bé e nɔɔ to nko mɨlʉmlʉ myé a be e. Nyɛɛ ntɔʼ taŋle be lɔɔ mo Sol, le mpʉ nye a bee Da Yesʉs temezi ɨ, le ekan Da Yesʉs a lɛɛ e nye e. Nye a si lɛɛ nteme mpʉ Sol a to Damas, le elɛɛ lɔɔ Zyɛm é nkul die mo Yesʉs é kpɛŋlɛm, abe e bʉa ɛ.

1 Timotɛ 3:16

Yé ejala ó, buʼo yina, yaa ndɨ é lwib odim ɨ, yé é laŋle bwaʼ. Yé ó: «Nye a ze nyin é si nwaʼ ó e nyʉl bɨpuno. Mbɨambɨa Sisim ze lɛʼle bɨna ga nya, bɨna gʉŋa ga ó, nye abe e mobe. Beengles, bé a si siŋle nye. Bʉr o bɨkul bɨfih, bé a si joʼo lɔɔ lé etiibe e nye e. Bʉr o si nwa, bé a si jyɛʼ taa buʼo yɔɔ boo nye. Nye a si to é jobo kʉ, é fum nye a dweŋɔ kum ɨ.»

2 Korɛnt 7:4

Leme wam, wi loŋlo e mbɛla é lɔb win. Bɨh bé ó e nkul edoʼo e bɨn é buobuo. Nkul, nye mu ó lwɨŋla é leme wam. Bɨh dam be é mɨtuu e mɨndɛl tʉŋlʉ, bɨsʉhʉ byam, byé elaŋle!

2 Korɛnt 1:11

ebe, bɨn bé óze bɨh é nkɔm é zi mɨnjwɨʼla min. Ebe no ó Zyɛm óbul dweŋɔ ekiba é jɔʼ buobuo bʉr, bé óbe si sa nye mɨnjwɨʼla é l'efu lɨh ɨ.

1 Korɛnt 2:7

Bɨh bé eyeʼle bʉr ó, ocyoo mo Zyɛm. Wé a taare be ó é lwib odim, sa Zyɛm a bɛa fol ɨ. Nye l'apa cye kʉ e si, nye a bɛa bà jwɨʼ ó, nye dwe ó bɨna ga ocyoo waa ndwe e kum tɨ.

Rôm 15:30

No ó, obɨɔ ga bam aa! Sa me lé edî e bɨn é die mo Tî ga wina Yesʉs-Krɨst, le é kpɛl Mbɨambɨa Sisim lé egba é mɨleme ga mina, yé ó bɨn kœbɨ me é dɔm lɨ, lé ejwɨʼla e Zyɛm é l'efu lam.

Mɨlʉmlʉ 18:26

Nye ze taare lé elwib é mpah mɨnjwɨʼla oYʉden tʉŋlʉ é kpɛŋlɛm, abe e bʉa. É jɔʼ Priska bé e Akilas, bé a joʼo nye e, bé ze nʉa nye, ntɔʼ kʉ pɛʼle nye zi mo Da Zyɛm, laa mpʉ nye a taare dweŋɔ sikʉlʉ tɨʼ ɨ.

Mɨlʉmlʉ 4:13

Bʉr o bʉm ntɔʼ jehe lé ejoʼo mpʉ Pyɛr bé e Yʉanes, bé a lwib e be, anyam mɨnʉm, bɛɛ yɛɛ abe bʉr o b'a sa sikʉlʉ ɨ. Bé ntɔʼ ka ze dweʼe ó, bé a kʉ be ó é sama bʉr o b'a kœʼ-kœʼ e Yesʉs ɨ.

Mɨlʉmlʉ 2:4

Bɨbɛh, bé a be ó, bé mu lwɨŋla e Mbɨambɨa Sisim. Bé ntɔʼ taare lé elwib bɨlwib bɨfih, byaa Sisim waa, wé a dwe be nkul ó, bé lwibɨ ɨ.

Mɨlʉmlʉ 9:29

Nye a si lwib nteme e l'oYʉden bé a be lé edu egʉa esa ndwe e motum mo bʉr o Grɛs ɨ, ze taare lé epɨra mokan e be. Bɛɛ ze saa ejʉ nye.

Rôm 16:25

A bwaʼ nkul Zyɛm ndɨ e nye ee! Nkul waa ó mu lé elɨl bɨn lé edu mpʉ Mbɨambɨa Lɔɔ me lé elɛɛ ɛ, ndɨ ɨ. Mpaŋla waa, nye etiibe ó e Yesʉs-Krɨst. Nye edu nteme lwib odim yé a taare be mɨfela mɨmbu é buobuo,

2 Korɛnt 6:11

Bɨh bé a si lwib e bɨn é l'ocyecye, obɨɔ bɨh, bʉr o Korɛnt. Bɨh bé ekpɛl bɨn é buobuo, kpɛl yaa lé eduho bɨh é mɨmo si.

Éfɛsɔs 3:9

Nye a dwe me syɛɛ nteme ó, me pɛʼla lwib odim nye a bɛa fol ɨ, pyɛl ye é myɛn. Molu pihe, Zyɛm, waa a cye bɨsa bibyɛh ɛ, a be ó si taare fol jwɨʼ ye yaa.