Éfɛsɔs 6:18 - Kálara Zyɛ̌m Edwán é mpʉ̌n

¹⁸ Jwɨʼla ga é jɔʼ yiyɛh mpʉ Mbɨambɨa Sisim lé etɨe bɨn ɨ, lé eto le edî le ejaʼ é mozi mɨmɛh. Tɨʼ nteme, diʼe ga nkehe é jɔʼ yiyɛh. Gbaʼ ga monyʉl lé esa mɨnjwɨʼla é l'efu e mɨsaŋ mɨ bʉr mo Zyɛm mimyɛh.

Kálar Nzyɛ̌m : Ejwán é Sáá

¹⁸ Sáʼ gá sâ yaá yɨ́yɛ̂h e minjɨʼla, le edî ó, Nzyɛ̌m súʼaa bɨ̌n. Jɨʼlaa gá ɨ́ jɔʼ yɨ́yɛ̂h ɨ́ mpʉ̌ Sísǐm mé Nzyɛ̌m dí etɨ́e bɨ́n yɨ́. Tɨ̂ʼ ntémé, atyɛʼ gá lɨ́ edi ɨ́ doho. Ɨ́ jɔʼ yɨ́yɛ̂h, tirwaa gá e syɛ́ɛ́ mínjɨʼla lɨ́ esú é bʉ̂r o mé Nzyɛ̌m bɨ́bɛ̂h.

Éfɛsɔs 6:18 ပူးပေါင်းရင်းမြစ်များ

1 Tesalonika 5:17

Jwɨʼla ga e Zyɛm é bɨjɔʼ bibyɛh.

Kolosi 4:2

Diʼe ga nkehe, lé esa Zyɛm mɨnjwɨʼla é jɔʼ yiyɛh, le edwe nye ekiba.

Filipi 4:6

Asyɛl ga ba e bɨn bʉr o tɨ, tiibe e yʉʉ sɔʼɔ. Jwɨʼla ga e Zyɛm é bɨjɔʼ bibyɛh, é bɨsa bibyɛh bɨn lé ejaʼ ɛ. Dweʼ ga nye ekiba é jɔʼ yiyɛh é lɔb bɨsa nye lé edwe bɨn ɨ.

1 Timotɛ 2:1

Ebe no, sa efoʼ me lé ejwɨʼla e go e, yé ó, go saʼ mɨnjwɨʼla é l'efu e bʉr bɨbɛh. Go jaʼa Zyɛm sa yiyɛh é l'efu e bʉr ofih, le ndwɛa ekiba nteme.

Yʉ̂d 1:20

Obɨɔ o kpɛl bam aa! Gwɨa ga é buʼo ti yin. Dɨʼe jwɨʼla ga nteme e Zyɛm é zi mo Mbɨambɨa Sisim.

Markus 14:38

Diʼe ga nkehe. Jwɨʼla ga e Zyɛm. Bé amu jaa boblo bɨn, bɨn duma. Sisim mo mʉr, wé e gwɨma esa mɨmpaŋ bɨsyɛɛla; mɨsʉn myɛɛ, akoʼo.»

Lʉkas 21:36

Diʼe ga nkehe. Jwɨʼla ga é jɔʼ yiyɛh, ó bɨn nkʉʼ syɛhle bɨsyɛɛla bɨ moho waa bibyɛh. Jwɨʼla ga nteme ó, bɨn nkʉʼ be e nkul ecyɛb é mih mo Mwan mo Mʉr.»

Mataos 26:41

Diʼe ga nkehe. Jwɨʼla ga e Zyɛm. Bé amu jaa boblo bɨn, bɨn duma. Sisim mo mʉr, wé e gwɨma esa mɨmpaŋ bɨsyɛɛla; mɨsʉn myɛɛ, akoʼo.»

Éfɛsɔs 1:16

me agwaʼ lé edwe nye ekiba é lɔb win é jɔʼ yiyɛh me lé etoŋlo bɨn ɨ.

Rôm 12:12

Diʼe ga e bɨsʉhʉ ebe mbɛla ndɨ bɨn lwɨŋla é mɨleme e. Dihba ga mɨtuu e mɨndɛl. Gbaʼ ga monyʉl lé esa mɨnjwɨʼla.

Markus 13:33

No ó, diʼe ga é doʼlo [lé esa mɨnjwɨʼla], ebe, bɨn bé agʉa jɔʼ yaa.

1 Pyɛr 4:7

Efuʼla e bɨsa bibyɛh, lé mu ó kunokuno le epyal. Ebe no, pahla ga mɨlɔb mpʉ mɨpɨpɨʼ. Mɛrɨ ga mɨleme é l'efu ó, bɨn nkʉʼ gʉa sa mɨnjwɨʼla.

Mɨlʉmlʉ 1:14

Mɨleme, myé a be ó be é ntɨɨɨŋ ó, bé gbaʼ monyʉl é syɛɛ mɨnjwɨʼla. Tɨʼ yé a be ó le obuʼla o bʉba, le Maaria, nyɔŋ mo Yesʉs, ndwe e l'obɨɔ mo Yesʉs.

Lʉkas 22:46

Nye ze jɨm be, le elɛɛ e be ó: «Ebe yé bɨn lé eja bɨdwo e? Mʉŋa ga si, saʼ ga mɨnjwɨʼla. Bé amu jaa boblo bɨn, bɨn duma.»

Ebrœ̂ 5:7

Jyɛm Yesʉs a tiʼe é si nwaʼ ɛ, nye a be-be lé ejwɨʼla e waa a be e nkul epɛʼ nye é l'efie e. Nye a si bʉ tim, jɨ kʉ kʉ, lé eto le edî le ejaʼ Zyɛm ngula. Zyɛm nyɛɛ ntɔʼ joʼo nye é lɔb mojoʼo Yesʉs a sa nye e.

2 Timotɛ 1:3

Me edwe Zyɛm ekiba é jɔʼ yiyɛh. Me esa zyee lé esa mɨnjwɨʼla é l'efu lo, moho e pum. Me esea syɛɛ ye ó e mɨpɛhla mɨ leme ndɨ é pyɛɛɛ ɛ, jwɨʼ gwar mpʉ bɨmpam byam, byé a dɨ sea nye ya ɛ.

Filipi 1:4

É jɔʼ yiyɛh me lé ejwɨʼla é l'efu lɨn ɨ, me ejwɨʼla ó e bɨsʉhʉ,

Éfɛsɔs 6:19

Jwɨʼla ga nteme e Zyɛm é l'efu lam, ó nye dweʼ me mokan me lwibɨ, abaawe sɔʼɔ e mʉr ɨ. Me pɛʼla lwib odim lé etiibe e Mbɨambɨa Lɔɔ ɛ, bʉr gʉŋa we é kpɛhla.

Mɨlʉmlʉ 12:5

Pyɛr a be ó kɛʼa é mbɛr mɨmbʉʼ, bʉr o Mbɛr-Zyɛm bɛɛ, lé esa zyee lé esa Zyɛm mɨnjwɨʼla é l'efu le.

Filemɔŋ 1:5

ebe, me ejoʼo-joʼo bé lé elɛɛ é lɔb go ó, go ekʉ jyɛʼ taa buʼo yo boo Da Yesʉs, le ekpɛl mɨsaŋ mɨ bʉr be bɨbɛh.

Mɨlʉmlʉ 10:2

Bé e mbɛr bʉr we wiwɛh, bé a be-be ó lé edwaabe Zyɛm. Nye a be nteme ó lé ebul gul baanteʼenteʼe o bʉr oYʉden, le ejwɨʼla e Zyɛm jɔʼ yiyɛh é buobuo.

Mɨlʉmlʉ 6:4

Bɨh bɛɛ, bé óka gba monyʉl ó, njɨ é syɛɛ mɨnjwɨʼla, le yaa elɛɛ bʉr lɔɔ Zyɛm.»

Éfɛsɔs 3:18

No nteme ó, bɨn e mɨsaŋ mɨ bʉr mimyɛh mo Zyɛm, bé óbi nkul egʉa kpɛl apurapura Krɨst ndɨ e ye é nko paʼ ga wina ɛ. Bɨn gʉŋa mpʉ kpɛl ye mu lé efuʼo bɨna ga é mozi mɨmɛh ɛ: é mpwaʼ le ejaa, lé eto e kʉ le edime e.

Éfɛsɔs 3:8

É sama mɨsaŋ mɨ bʉr mo Zyɛm bɨh e boo nɔɔ ndɨ ɨ, bʉʉ bɨbɛh, bé ejala le etaare nʉŋɔ, gbaŋɔ é nkɔb. Dam be no, Zyɛm a si lɛʼle me ncwɨncwɨa we, ó me lɛŋɨ Mbɨambɨa Lɔɔ mo Yesʉs-Krɨst boo bʉr o ndɨ abe oYʉden ɨ, ó bé gʉŋa okum e l'ogbaa Krɨst lé eze bɨna ga e wa ɛ, dam be ó, wé ákwoʼ gʉŋɔ wiwɛh.

Rôm 8:15

Sisim Zyɛm a ntɨh bɨn ɨ, wé abe lé edil bɨn é dia olʉa é l'efu ó, bɨn bâʼla joʼo bʉa. Wé etœʼ bɨn si, ze cyel bɨn é dia bwan o mobœʼa mo Zyɛm. Wé ó ndɨ esa ó, bɨna jeba ga Zyɛm kʉ kʉ ó: «Abba! Da!»

Éfɛsɔs 2:22

Da Yesʉs ó lé esa nteme ó, bɨn cyelɔ é bɨcye bin, mɨfuma é l'odia Zyɛm ódi ɨ. Sisim we ó ndɨ elɛʼle bɨgumo bɨn lé ejala le ecyɛb é odia waa ɛ.

Lʉkas 3:37

Lamɛk, mwan mo Matusala; Matusala, mwan mo Enɔk; Enɔk, mwan mo Yarɛd; Yarɛd, mwan mo Malelɛl; Malelɛl, mwan mo Kenam;

Kolosi 1:4

Bɨh bé a si joʼo lɔɔ é lʉ win, é mpʉ bɨn lé ejyɛʼ taa buʼo yin boo Yesʉs-Krɨst ɨ, e mbi bɨn lé ekpɛl mɨsaŋ mɨ bʉr mo Zyɛm mimyɛh ɛ.

Galásia 4:6

Ebe, bɨn mu ó bwan Zyɛm a ntɨh Sisim mo Mwan we e. Wi ze ni é mɨleme ga mina. Wé ó lé etine-tine bɨna ga ó, bɨna jeba ga Zyɛm, «Abba! Da!»

Lʉkas 3:26

Nagai, mwan mo Mat; Mat, mwan mo Matatias; Matatias, mwan mo Semeyɨn; Semeyɨn, mwan mo Yoseh; Yoseh, mwan mo Yoda;

Kolosi 1:3

Bɨh bé edwe Zyɛm, waa ndɨ Sɔŋ mo Tî ga wina Yesʉs-Krɨst ɨ, ekiba é bɨjɔʼ bibyɛh, é jɔʼ bɨh lé ejwɨʼla e nye é l'efu lɨn ɨ.

Mataos 17:21

No ó, wiʼ mbi eleme, wé edwihɔ ó, bé osi pa ti mode ndwe le esa mɨnjwɨʼla.]»