Éfɛsɔs 6:11 - Kálara Zyɛ̌m Edwán é mpʉ̌n

¹¹ Biʼe ga mokʉa mo dɔm mɨmɛh Zyɛm lé elulo bɨn ɨ, é mbi ndɨ ó, é jɔʼ Njwɨɨ moleme óze bɛŋ bɨn ɨ, bɨn cyɛba é nkʉʼʉ, nyɛɛ l'antaa bɨn é pɨʼ.

Kálar Nzyɛ̌m : Ejwán é Sáá

¹¹ Bwáráá gá mimbór mí dɔ̂m Nzyɛ̌m dí edwe bɨ́n mí, mbi dí ó, jɔʼ sɔ́ŋ meleme ónzě sáa édímle bɨ́n ɨ́ nzɨ̌ mikóo myé yɨ́, bɨ̌n tyɛ́bɨɨ mekʉ̌ sí ɨ́ sɨ́ŋ.

Éfɛsɔs 6:11 ပူးပေါင်းရင်းမြစ်များ

2 Korɛnt 10:4

ebe, mokʉa mo dɔm ga mɨna, mé abe mɨfwana e nkul lé eduho é ma mʉr ɨ. Nkul ndɨ é mokʉa mo dɔm ga mɨna ɛ, nye eduho ó boo Zyɛm. Nkul waa ó lé esa ó, bɨna buʼa ga bɨpɨpɨm bɨ dɔm.

Rôm 13:12

Pum mu ó lé ekʉ laa. Mɛn, wé mu ó lé ekunbo. Bɨna birɨ ga be bɨsyɛɛla bɨ apum. Bɨna bwara ga mokʉa mo dɔm é l'efu ó, bɨna lwimla ga e me é moho.

1 Tesalonika 5:8

Sa gwar, bɨna ga bé ó bʉr o moho. Bɨna bé ejala le emɛr ga mɨleme. Diʼe ga nteme e buʼo ndwe e kpɛl tɔɔ bɨnkoho bɨnkɔɔ lé ebuuro mompɨr e tɨʼ ɨ. Dɨʼe baʼle ga mbɛla é mɨleme ó, bɨn bé óbi tiʼ molu mo mpoʼ mɨmɛh. Mbɛla waa, wé diʼe tɔɔ kʉŋʉ dɔm lé ekamle e lʉ nkɔɔ ɛ.

Éfɛsɔs 6:13

Ebe no, biʼe ga mɨmbi mokʉa mo dɔm mimyɛh Zyɛm lé entɨh bɨn ɨ. É jɔʼ bebebebe moho waa, wé óbe si pyal bɨn ɨ, bɨn bé óbe ó e nkul esa mʉr dɔm win mongan. Bɨn bé óbe ó si ngan é mbi wiwɛh, cyɛb é nkʉʼʉ, apɨŋla é bebebebe jɔʼ yaa.

1 Pyɛr 5:8

Mɛrɨ ga mɨleme. Diʼe ga nkehe. Mʉr lé epur bɨn ɨ, Njwɨɨ moleme, nye elie bɨn é mɨpaʼ mimyɛh é nka-nka-nka, mpʉ ngbampwɨɨ lé emuulo le esaa mʉr nye deʼ.

2 Korɛnt 2:11

Bɨna sa ga no ó, Satan nkʉʼ be, akpah bɨna ga sɔʼɔ é zi bɨkʉʉŋʉ, ebe, bɨna bé ajeʼe ga mopɨʼ me.

Éfɛsɔs 4:14

É jɔʼ yaa ó bɨna bé ópʉʼa ga é l'oncyom é nko paʼ buʼo e. Bɨsikʉlʉ bɨfih, byé aŋa ka ncyeŋ bɨna ga, nkʉ gomlo bɨna ga é zi fih, waa baanya-bɨkʉʉŋʉ ndɨ edu ɨ. Bé egwɨm ó, bé ntaŋa bɨna ga é pɨʼ wɔɔ, le nteme ó, bɨna buʼla sikʉlʉ yɔɔ yaa.

Kolosi 3:10

Bɨn bɨ bwar mɨkan modwan: nyʉl dwan ndɨ edwanba é ngwɨa ocyecye e. Nyʉl dwan waa, nye edu dweʼle mo Zyɛm Kwihbʉr.

Rôm 13:14

Diʼe ga é zyɛŋa win boo Da Yesʉs-Krɨst. Bwara ga nye mpʉ kan. Acen ga mɨleme min é nko paʼ bɨsyɛɛla nyʉl bɨpuno win lé egwɨm sa ɛ.

2 Korɛnt 11:3

Me ejoʼo bʉa. Me ekpɛɛ ó, bɨn bé amu jaa gomlo bɨbɛh é bebebebe zi ebe bɨkʉʉŋʉ. Bɨn bé amu dwibra e Krɨst jɔʼ gwar é dwirɨ, jwɨʼ gwar e gwar e mpʉ nyʉa a kʉa Efa, nye ntɔʼ bil é bɨkʉʉŋʉ ɨ. Bɨn bé amu jaa gwaʼ lé edwiibɨ Krɨst ntinɨ e ntinɨ.

2 Korɛnt 6:7

é tuno bɨh lé etuno ocyecye e, é nkul nɨnɨ mo Zyɛm, é mokʉa mo dɔm bɨh lé eguho, nkʉ ntɔʼ monkuo bɨh lé epemle mokʉa mo bʉʉ bʉr e tɨʼ ɨ. Mokʉa mo dɔm mɨh maa, mé ó ocɨcyel wih.

Mɨngwiha 2:24

No ó, bɨn, bʉr o ndɨ ɨ Tiatir, baa ndɨ ajoʼo bɨbla sikʉlʉ yiʼ ɨ, bɨn bé adu mɨfela bɨsikʉlʉ Satan lé edwe, byaa bʉʉ bʉr lé elɛɛ-lɛɛ ó, byé ó cyecye e. Me ako bɨn nuu mbeʼ modile fih.

Éfɛsɔs 4:24

Bɨn bé ófuʼla modwan mo bʉr, tiʼ yin lé enwɨɨla e yaa mo Zyɛm. Nye óbâʼle cye bɨn mɨsaŋ mɨ bʉr mye, baa ndɨ ekœʼ ebò e cyen é l'ocyecye e.

Ebrœ̂ 7:25

Ebe no, bʉr o ngo dihle kunokuno e Zyɛm dumo e nye e, nye e nkul edwe be tiʼ molu mo mpoʼ mɨmɛh. Nye ekʉ pɛʼ mobebe mɔɔ mɨmɛh. Mpʉ nye lé edi njʉmdia e njʉmdia ɛ, no nteme ó nye ndɨ e nkul esa Zyɛm mɨnjwɨʼla é l'efu lɔɔ é jɔʼ yiyɛh ɛ.

Yʉ̂d 1:24

Kum, nye beʼ e mʉr ndɨ e nkul ekamle e bɨn ó, bɨn beʼ l'aduma, waa nteme ndɨ e nkul ecyel bɨn é mih me, waa ndɨ é moncɛnba ɛ, abe e sa ebebe nye a ngbaa nwahle bɨn e tɨ. Bɨn bé óbe nteme ó e bɨsʉhʉ é buobuo.

2 Korɛnt 4:4

Bʉr o ndɨ abuʼla ɛ, bé abe e pɨʼ ndɨ ó, bé joʼa lɔɔ wih, ntɔʼ buʼla we, ebe, Njwɨɨ mbi jɔʼ yiʼ a si dimle be pɨʼ. Nye esa no ó, nye kamla be lé ebee mɨmbah lé epan, duho é moncɛnba mo Krɨst ɨ. Nye ebene ó, bé amu bee moncɛnba maa é zi Mbɨambɨa Lɔɔ mo Yesʉs, bé ntɔʼ gʉa ó, Yesʉs ó ndɨ bana kʉ be gulo mo Zyɛm.

1 Korɛnt 10:13

Mobʉbla bɨn bé a ntaa ɛ, mé epyal bɨn e bʉr bɨbɛh no. To kœb ó, Zyɛm, nye ó mʉr ebuʼla. Nye aŋa bir ó, bɨn boblɔ e mbi mobʉbla wé óntaa bɨn é nkul ɨ. É jɔʼ mobʉbla, mé ópyal-pyal bɨn ɨ, nye ókar bɨn zi fih. Bɨn bé òjyɛl tɨ, bɨn nteme l'aka sa bɨsyɛɛla bɨ ebebe bɨn bé a ngbaa sa ɛ.

Markus 13:22

ebe, mɨmpʉmpʉl mɨlœma mɨ mulo mo Zyɛm, myé e mɨmpʉmpʉl mɨ ogwiha o mɨlɔb, myé ópyal, lé eze le esa bɨdweʼle bɨ nkul wɔɔ e bɨsa bɨ jehe, lé esaa egomlo bʉr o Zyɛm a pɛh ɛ, é bebebebe zi, nkʉ bé ókoʼo.

Mɨngwiha 19:20

Tir waa bé e mpʉmpʉl ngwiha mɨlɔb we, bé ntɔʼ mɛrɔ. Mpʉmpʉl ngwiha mɨlɔb waa ó b'a sa-sa bɨdweʼle bɨ nkul we é mih mo tir waa. Nye a be ó si gomlo bʉr é bebebebe zi lé elɛʼle be bɨdweʼle bye byaa. Ebe no ó bé a cɨma bɨtwii bye é monyʉl mɔɔ ɛ. Bé a be ó si dwiibɨ nteme baŋabaŋa dweʼle ye. Jɔʼ bé a mɛr tir waa bé e mpʉmpʉl ngwiha mɨlɔb we e, bé ze guho be é Bɨ-siʼe mɨkublakubla. Siʼe e pir, byé eduo tɨʼ ó moho e pum mɨcye.

Jacques 4:7

Ebe no, filɨ ga monyʉl si é mih mo Zyɛm. Saʼ ga Njwɨɨ moleme mongan. Nye ókpɛɛ bɨn.