Éfɛsɔs 6:10 - Kálara Zyɛ̌m Edwán é mpʉ̌n

¹⁰ Sa me lé eka tile bɨn é l'epihe e, yé ó: lela ga nkul é zyɛŋa win boo Da Yesʉs tʉŋlʉ, é mpwaʼ nkul we.

Kálar Nzyɛ̌m : Ejwán é Sáá

¹⁰ Ekǎn lé épíhé mé mû o nzě lɛ́ɛ bɨ́n lɨ̂, lé ó, bɨ̌n gbâʼ nkul ɨ́ mpúhlá nyɨ́n e Tî Yésʉs. Biʼee gá pîm nɨ́nɨ́ɨ́, duho e né.

Éfɛsɔs 6:10 ပူးပေါင်းရင်းမြစ်များ

Filipi 4:13

Me ó e nkul esa bɨsa bibyɛh no é Krɨst, mʉr lé edwe me nkul ɨ.

1 Korɛnt 16:13

Diʼe ga nkehe. Cyɛba ga é nkʉʼʉ é buʼo. Diʼe ga e leme onkɔɔ. Lela ga nkul.

1 Pyɛr 5:10

Zyɛm, nye ó mʉr lé elɛʼle bɨna ga ncwɨncwɨa we é bɨjɔʼ bibyɛh ɛ. Nye nteme ó b'a jebe bɨna ga ó, bɨna toʼ, to di ga é moncɛnba me é zi mo Krɨst. Moncɛnba maa, mé ódi njʉmdia e njʉmdia. ǃBɨn si sia e mɨtuu, tɔɔ ba ma peh jɔʼ nɛʼɛ, Zyɛm óbâʼle komlo bɨn. Nye cyelɨ bɨn mokʉ si é kpɨɨɨ. Nye bâʼla gba bɨn nkul é monyʉl. Nye fuma bɨn si é piʼi.

Kolosi 1:11

Bɨh bé esa nye mɨnjwɨʼla nteme ó, nye gulɨ bɨn é mɨleme, ó bɨn sea bɨsyɛɛ bɨ nkul mɨmbi mimyɛh é zi nkul we bɨna lé egumlo ga ɛ. Bɨn bé esea-sea no ó e bihbe, lé ejaʼra e mɨtuu, bɨn yɛɛ e bɨsʉhʉ.

Éfɛsɔs 1:19

Me ejwɨʼla nteme ó, bɨn gʉŋa mpwaʼ nkul we, waa lé elaa sa yiyɛh ɛ. Bɨn gʉŋa nteme mpʉ nye lé eze bɨna ga é nkɔm e mpwaʼ nkul waa ɛ. Nye egba nyʉl lé efuʼo bɨna ga, bʉr o b'a jyɛʼ taa buʼo yina boo nye e.

Éfɛsɔs 3:16

Me ejwɨʼla e nye ó, nye gbaʼ bɨn nkul é monyʉl é zi Sisim we é l'efu ó, bɨn diʼe e tɨʼ lwɨŋla, lé edu mpwaʼ kum we.

2 Timotɛ 4:17

Tî wam ó b'a ze me é nkɔm, ndwe le egba me nkul é nyʉl. Nye a sa no ó, nye nkʉʼ cen mpaŋla waa é zi wam, mɛm cyela mɨtuno we, lé esa ó, bʉr o bɨkul bibyɛh nkʉʼ joʼo nye. No nteme ó me a syɛbɔ é nʉm ngbampwɨɨ ɨ.

2 Timotɛ 2:1

Mwan wam aa! Lela nkul é zi mocyɛʼ mo mpom Zyɛm a sʉ go, maa ndɨ epyal bɨna ga é zyɛŋa ga wina boo Yesʉs-Krɨst ɨ.

Filipi 4:8

Obɨɔ ga bam aa! Sa me óka tile bɨn é l'epihe e, yé ó nɛɛ: pahla ga bɨsa ndɨ cyecye e ndwe e byaa bɨ duu, bɨsa ndɨ cɨcyel ɨ. Pahla ga bɨsa ndɨ é pememe le ebul kpɛlɔ ɛ. Pahla ga mɨlɔb bʉr lé ebul mɛʼle e, le bɨsa ndɨ é mbɨa le egumlɔ ɛ.

2 Korɛnt 13:11

Obɨɔ ga bam aa! Sa me óka tile bɨn é l'epihe e, yé ó nɛɛ: diʼe ga mbɨmbɨa. Dɨʼe komla ga paʼra win. Dɨʼe gba ga nkul é nyʉl mo mɨɔ nyiwɛh paʼra win. Dɨʼe toŋlo ga sa gwar. Tiʼa ga é motala. No ó Zyɛm lé eze bɨna ga e ncwɨncwɨa ndwe e motala ɛ, nye ódi e bɨn.

1 Pyɛr 3:8

Sa epihe, yé ó nɛɛ: diʼe ga e mbi pɛhla ngwar. Joʼa ga njwɨʼa-nkoo ngwar. Kpɛla ga paʼra win kpɛl obuʼla. Lɛʼla ga kpɛl ndɨ eduho é leme tʉŋlʉ ɨ. Filɨ ga monyʉl si paʼra win.

Filipi 3:1

Obɨɔ ga bam aa! Sa me lé eka tile bɨn é l'epihe e, yé ó nɛɛ: soha ga é zyɛŋa win boo Da Yesʉs. Yé akɔbla me ó, me bâʼla tile sa me taare tile bɨn ɨ. Yé nteme ó me muno ze sa ebe nyɔm win ɨ.

1 Pyɛr 4:11

ǃƗ mʉr si sa ó, nye pyɛl ó mokan nɛʼɛ, yé beʼ yɛɛ maa mé óntɛŋ bʉr mokan mo Zyɛm ɨ. Yé be ó, nye fuʼo ó bʉʉ bʉr nɛʼɛ, nye fuʼa be e nkul Zyɛm nye mʉr tɨʼ a ntɨh nye e. No ó Zyɛm ódwiibɔ é zyɛŋa ga wina boo Yesʉs-Krɨst ɨ. Kum e nkul, byé dweŋɔ nye, njʉmdia e njʉmdia. Amɛn.

1 Yʉanes 2:14

Osɔŋ ee! Me etile bɨn ó, ebe, bɨn bɨ gʉa mʉr a bɛa be, kʉ e si apa cyeŋɔ ɛ. Mɨsoho ee! Me etile bɨn ó, ebe, bɨn bé ó e nkul. Lwib mo Zyɛm, yé ekubla é bɨn. Bɨn nteme bɨ ntaa Bɨbla-mʉr é nkul dɔm.