Éfɛsɔs 5:8 - Kálara Zyɛ̌m Edwán é mpʉ̌n

⁸ Molu pihe, bɨn bé a be-be ó é l'edurʉ. No ó, banana, bɨn mu ó é myɛn, duho é zyɛŋa win boo Da Yesʉs. No ó, kœʼœ ga ebò e cyen ndɨ ejala e bʉr o ndɨ é myɛn ɨ.

Kálar Nzyɛ̌m : Ejwán é Sáá

⁸ Ɨ́ mimbú mí píhe, bɨ̌n bé á bɨbe ó, lɨ́ edúrʉ́ʉ́. Nó ó, ɨ́ báánâ mpʉ bɨ́n mû sí pûhla e Tî Yésʉs yɨ́, bɨ̌n mû ó ɨ́ myɛ́n. Nó ó, dúʼóó gá kʉ̌ tyen dí ejala e bʉr o dí ɨ́ myɛ́n bá wɨ́.

Éfɛsɔs 5:8 ပူးပေါင်းရင်းမြစ်များ

Yʉanes 8:12

Pie tɨ, Yesʉs ze lɛɛ e bʉr ó: «Me ó lé epɛn myɛn é si nwa. Mʉr ódu me e, nye óbi sa lé epɛn myɛn tiʼ ɨ. Nye aŋa ka ntime é l'edurʉ.»

1 Yʉanes 1:7

Yé be ó, bɨna bé ekœʼ ga mbɨambɨa ebò e cyen é myɛn tʉŋlʉ, du mpʉ Zyɛm nye mʉr tɨʼ ndɨ é myɛn nɛʼɛ, lɛɛ ó, bɨna bé óbe ga é mpaŋ zyɛŋa-mɨleme é jɔʼ yaa. Motié mo Mwan we Yesʉs, mé ópubo bɨna ga, pɛʼ mɨsyem mimyɛh.

Mɨlʉmlʉ 26:18

Me elomo go ó, go bɛŋɨ bʉr mih. Go dwihɨ be é l'edurʉ, cen be é myɛn; dwih be é mpel mo Satan, cen be nko bé e Zyɛm, bé ódɨ di ɨ. Me ópɛʼ bɨbaa me a niʼe é lɔb mɨsyem myɔɔ ɛ, lé edwe be dia é l'esama e bʉr o b'a jyɛʼ taa buʼo yɔɔ boo me, mɛm ntɔʼ pubo e.”

Kolosi 1:13

Zyɛm, nyi syɛb bɨna ga e boo nɔɔ é mpel mo Satan, ntɛŋ bɨna ga é jwɨ̀ʼa mo Mwan kpɛl we.

Yʉanes 12:46

Me a ze kaʼ é si nwaʼ ó, me pɛnɨ bʉr myɛn, ó mʉr nyiwɛh lé ejyɛʼ taa buʼo ye boo me e, nkʉʼ duho é l'edurʉ, to é myɛn ɔɔ!»

Éfɛsɔs 4:18

Bé ejeʼe mɨlɔb ndɨ edwɛʼ Zyɛm ɨ. Bé e boo nɔɔ, bé abe e nduula. Bé egʉʼla é mɨlɔb mye, le elɨl mɨlʉ myɔɔ.

Yʉanes 12:36

Jyɛʼɛ ga taa buʼo yin boo me, mʉr ndɨ mpaŋ njʉl ɨ, cye njʉl wam, wé dina lé epɛn myɛn ɨ. Ebe no ó bɨn bé ófuʼla bʉr o myɛn ɨ.» É jɔʼ Yesʉs a sil lwib no e, nye ze laa, to fwab be.

Éfɛsɔs 2:2

Bɨn bé a taare kœʼ ó, njɨ ebò e cyen le ebebe laa, jwɨʼ gwar e gwar e bʉr o mbi jɔʼ yiʼ bɨbɛh. Bɨn bé a tiʼe no ó, lé edu motɨɨ mo njwɨɨ mbi jɔʼ yi, waa ndɨ cyela é dia taʼa ye paʼra jobo e l'ejyoo le ebantɛn ɨ. Sisim waa ó lé ecyɛb bʉr é mɨleme é banana, baa lé esa Zyɛm ebɨh ɨ...

2 Korɛnt 4:6

Ebe, Zyɛm a lɛɛ ó: «Myɛn, wé pana, duho é l'edurʉ tʉŋlʉ.» Waa a lwib no e, a sa nteme ó, myɛn pana é mɨleme ga mina tʉŋlʉ. Myɛn waa ó lé esa ó, bɨna beŋɨ ga moncɛnba mo Zyɛm lé ebee Krɨst nye mʉr tɨ.

Títos 3:3

Ebe, bɨna bé a taare be ga nteme ó no: bɨgʉ, baajoʼo-motɨɨ, si gʉmla é bebebebe zi. Bɨna bé a di-di ga ó, molʉa mo Syem, lé edu bɨgwɨma mɨmbi mɨmbi. Bɨna bé a tiʼe-tiʼe ga ó, lé enwim bʉr. Bɛɛ nteme lé enwim bɨna. Bɨna bé a be ó lé esiila ga nteme paʼra ga wina.

Lʉkas 16:8

Njwɨʼa waa ze seʼle bɨbla mbɔʼlʉ ekuro waa, ebe, nye a si kuhlo pɨʼ waa no, ebe, mʉr mbi jɔʼ yi, nye ábɛa le entaa bʉr o jyɛɛ ye é pɨʼ, laa bʉr mo Zyɛm.

Éfɛsɔs 6:12

Ebe, yé abe ó, bɨna tɛl ga ó e bʉr o bɨpuno le motié. É l'ocyecye, bɨna bé elwimla ga ó e bɨcye bɨnɨnɨ bɨnâ mɨsisim mɨ apum: le mɨsisim mɨnɨnɨ, le myaa mɨ nkul, le myaa ndɨ e mojwɨ̀ʼa mo edurʉ ɨ, le myaa ndɨ é jobo e l'ejyoo le ebantɛn ɨ.

2 Korɛnt 3:18

No ó, egor laa, lɨ pʉʼa é mompom ga mɨna. Ebe no ó bɨna ga mu lé ekʉ bee ga moncɛnba mo Da Yesʉs é sʉlʉlʉ ɨ, moncɛnba mo tɨʼ lé ekʉ pan nteme, duho é bɨna ga. Bɨna mu ó lé edwirɔ ga é l'efu ó, bɨna nkʉʼ gʉa nwɨɨla ga e nye, ndwe le elɛʼle bʉr kum we. Da ó lé edwir bɨna ga no, nyɛɛ waa bɨna lé ejebe ga ó, Mbɨambɨa Sisim ɨ.

Lʉkas 1:79

Mɨmbah, myé ókʉn bɨna ga bʉr o b'a be-be é l'edurʉ, baa b'a be-be é ka foo e. Nye ólɛʼle bɨna ga ebò e cyen bɨna lé ejala le ekœʼ ga ɛ, bɨna ga e boo nɔɔ nkʉʼ tiʼe é motala.»

2 Korɛnt 6:14

É syɛɛ-Zyɛm yin, adɨ baʼra ga mobo yɛɛ e bʉr o ndɨ abuʼla ɛ, ebe, wáa mbi zyɛŋa-mɨleme cɨcyel mʉr bé e bɨbla mʉr, bé e nkul ebe e nye e? Myɛn e l'edurʉ, byé ó e nkul esyɛŋa nyá ɛ?

1 Korɛnt 1:30

Bɨn bé ó é zyɛŋa win boo Yesʉs-Krɨst ó, dumo e Zyɛm. Nye ó b'a sa nteme ó, bɨn biʼe ocyoo mo Yesʉs. Bɨn mu ó ocɨcyel o bʉr é mih me, dumo e Krɨst. Krɨst nteme ó b'a pubo bɨna ga. Nye ó b'a dwih bɨna ga é mpila ebebe é pololo.

Rôm 2:19

Gɨ kʉ bee ó, gwɔɔ ó jala le elɛʼle ontim zi! Nkʉ ó, gwɔɔ ó lé ejala le ekʉn bʉr o ndɨ é l'edurʉ ɨ, zi.

Yʉanes 1:9

Myɛn waa wé ome ó b'a kʉ be mpaŋ myɛn. Wé epan é si nwa, lé eze kʉn mʉr nyiwɛh.

Mataos 4:16

Baa b'a taare be é l'edurʉ ɨ, bɨ bee bwaʼbwaʼ myɛn! Bʉr o b'a di-di é ka foo e, bé mu ó é myɛn!»

Galásia 5:25

É mpʉ yé ndɨ ó, tiʼ ga yina mu ó zyɛŋa e Mbɨambɨa Sisim ɨ, bɨna bé ejala le ekœʼ ga ebò e cyen Sisim waa lé etɨe bɨna ga ɛ.

Rôm 1:21

Dam be ó, bé a be ó si kʉ gʉa ó, Zyɛm, nye ó tɨ, bé a baadwiibɨ nye mpʉ yé a jala ɛ, nkʉ dwe nye ekiba é lɔb bɨsyɛɛla bye. Bé a kʉ ka pahle sɔʼɔ ó njɨ bɨsa byaa ndɨ abe e nyɔm ɨ. Bé ze lihba ó, mɨmiʼ.

Éfɛsɔs 5:2

Kœʼœ ga ebò e cyen ndɨ elɛʼle leme ncwɨncwɨa win ɨ, mpʉ Krɨst a taare cwɨa e bɨna ga ɛ. Nye a si dwè, jala e bɨna ga, ó nye diʼe mpʉ mɨndwɛa ndwe e motwina. Motwina me maa, mé a be ó e monumo Zyɛm lé ebul kpɛl ɨ.

Mɨlʉmlʉ 17:30

«É jɔʼ mya, bɨmpam bin, byé a be-be ó, lé ejeʼe Zyɛm. Nye a baabul gba ebɨh laa é nkɔb. No ó, banana, nyi ka lɛɛ e bʉr bɨbɛh é bɨgumo bibyɛh ó, bé gwɨma mobebe mɔɔ le edwir mɨleme.

Mataos 3:8

Ebe no, guma ga mɨmpaŋ mɨ mpumo lé ejala e bʉr mu si gwɨma mobebe mɔɔ, dwir mɨleme e.

Yʉanes 12:35

Yesʉs, nye e be ó: «Njʉl, wé dina ó, lé epɛn myɛn bɨn ye tɔɔ ma jɔʼ. Kœʼœ ga é jɔʼ njʉl waa dina lé epɛn myɛn ɨ, ebe, edurʉ, lé amu jaa mara bɨn, ebe, mʉr lé eto le entime é l'edurʉ ɨ, nye agʉa nko nye lé eto e.

Rôm 13:12

Pum mu ó lé ekʉ laa. Mɛn, wé mu ó lé ekunbo. Bɨna birɨ ga be bɨsyɛɛla bɨ apum. Bɨna bwara ga mokʉa mo dɔm é l'efu ó, bɨna lwimla ga e me é moho.

Kolosi 1:12

Bɨh bé edwe Zyɛm Sɔŋ kum, ebe, bɨn bé a si bi dia yin é jwɨ̀ʼa ye jwɨʼ gwar e gwar e mɨsaŋ mɨ bʉr be bɨbɛh, baa bɨn e boo nɔɔ mu si cenɔ é myɛn tʉŋlʉ ɨ.