Éfɛsɔs 5:5 - Kálara Zyɛ̌m Edwán é mpʉ̌n

⁵ Gʉŋa ga ó, bʉr o ndɨ esa bɨmala e mɨfyɛba ɛ, e baa lé elœʼ bé bʉr o tɨʼ é mih mo Zyɛm ɨ, e baa lé ecen mih é bɨsa byoonkan ɨ, mʉr ndɨ ekœʼ ebò e cyen laa ɛ, nye ákwoʼ niŋlɔ é jwɨ̀ʼa mo Krɨst, ndɨ jwɨ̀ʼa mo Zyɛm ɨ. Gʉŋa ga ó, waa ndɨ ecen mih é bɨsa byoonkan ɨ, syɛɛla ye yaa, yé ekʉ lɛʼle ó, mʉr tɨ, nye edwiibɨ bɨbaŋabaŋa bɨdweʼle bɨ ozyɛm!

Kálar Nzyɛ̌m : Ejwán é Sáá

⁵ Gʉ́ŋáá gá ó, mʉr dí elœʼ nyʉ́l nyé ɨ́ nzɨ̌ bijoó nyá, le waá dí edulo mpîr ɨ́ nye mʉr tɨ̂ʼ nyá, le waá dí egbâ mîh ɨ́ bisá byé onkán bá, mʉr dí e mbi bísyɛ́ɛla byaá nyá, nye ákóʼó bi nkɔ̂b ɨ́ Mpóʼo mé Krîst, dí nyaá mé Nzyɛ̌m nyɨ́. Ɨ́ jɔʼ mʉ̂r gbá mîh ɨ́ bisá byé onkán yɨ́, syɛ́ɛla yaá kʉ́ lɛ̂ʼle ó, mʉr waá, nye lɨ́ edwe bíkpɛʼkpɛ̂ʼ bí ónzyɛ̌m kûm.

Éfɛsɔs 5:5 ပူးပေါင်းရင်းမြစ်များ

Galásia 5:21

esa bɨgwɨma, efwaʼ monwoʼ, elɔʼba lé ebwal mozɔɔ ndɨ ambɨa ɛ, to-to ó toʼ. Mpʉ me a bɛa lɛɛ bɨn é l'etɔɔrʉ ɨ, me ebâʼle lɛɛ e bɨn ó, bʉr o ndɨ esa mɨmbi bɨsyɛɛla byaa ɛ, bé ákwoʼ dweŋɔ dia é jwɨ̀ʼa mo Zyɛm.

Mɨngwiha 22:15

No ó, baa lé etiʼe mpʉ ompye e, bé e l'oleme, ndwe e l'osyɛl o mɨfyɛba bɛɛ, bé óliʼ kʉl. Ojʉl o bʉr nteme, ndwe e baa lé edwiibɨ bɨbaŋabaŋa bɨdweʼle e, ndwe e baa lé ekpɛl mɨlɔɔ mɨ mpʉl ɨ, bé nteme, bé óliʼ kʉl.

Kolosi 3:5

Bɨfum bɨ nyʉl bin ndɨ eduho é si nwaʼ ɛ, teʼla ga bye. Yé ó ndɨ: elœʼ nyʉl é zi bɨduo, elama fwon lé edu njɨ bɨjyɛʼ, empime, esa bɨgwɨma bɨ ebebe, ecen mih é bɨsa byoonkan. (Ebe, mʉr ndɨ ecen mih é bɨsa byoonkan ɨ, nye ó asiila ba e waa lé edwiibɨ bɨbaŋabaŋa bɨdweʼle e!)

Éfɛsɔs 5:3

Sa gwar, mʉr ayi joʼo lʉʉ dobo ó, mʉr fih mʉr kɛ̀l, nye ó é mbɛr Zyɛm win, nye nteme lé elœʼ nyʉl é zi bɨduo, nkʉ lé elama fwon lé edu njɨ bɨjyɛʼ bye, nkʉ lé ecen mih é bɨsa byoonkan. Mɨsaŋ mɨ bʉr mo Zyɛm, myé ajala le ebul jwɨ̂ʼlɨ e bɨsyɛɛla binɨ.

Mɨngwiha 21:8

Baabʉbʉa bɛɛ ndwe e bʉr o ndɨ abuʼla Zyɛm ɨ, bʉr o ndɨ efœʼ monyʉl mɔɔ ɛ, ojʉl o bʉr, e l'osyɛl o mɨfyɛba, oleme ndwe e baa lé edwiibɨ bɨbaŋabaŋa bɨdweʼle e, ndwe e baanya-bɨkʉʉŋʉ bɨbɛh, bɛɛ, bé ókʉ ka kœb odia wɔɔ ó njɨ é Bɨ-siʼe. Yé ó lwɨŋla e siʼe ndwe e pir. Tɨʼ ó bʉr lé edwè efie emba ɛ.»

Galásia 5:19

Bɨsyɛɛla nyʉl bɨpuno ga wina lé egwɨm ɨ, byé asa dɨʼ. Byé ó: elœʼ nyʉl é zi bɨduo, elama fwon lé edu njɨ bɨjyɛʼ, esa bɨmala zam e l'ekomo,

Ebrœ̂ 13:4

Dweʼ ga eba duu. Sa ndɨ elœʼ mʉr é mih mo Zyɛm ɨ, yé ajala le esaŋɔ fum mɨmbɛa mɨ bʉr ndɨ esyɛŋa ɛ. Gʉŋa ga ó, Zyɛm ótiʼe osyɛl o bɨmala bé e l'osyɛl o mɨfyɛba mɨlɔb myɔɔ.

1 Timotɛ 6:10

ebe, kpɛl mɔn, yé ó etin e bɨsa bɨ ebebe bibyɛh. Bʉʉ bʉr o b'a taare buʼla Zyɛm ɨ, bé a si bi gwɨma ebi bɨmɔn, bé ntɔʼ gʉmla é bebebebe zi waa. Bɨ daʼre mɨtuu é buobuo é monyʉl mɔɔ.

1 Timotɛ 6:17

Cyelɨ obil o bɨsa é mbi jɔʼ yiʼ mpene ó, bé l'ankɛɛ monyʉl. Mɨleme myɔɔ, myé l'ayi loŋlo e mbɛla é lɔb okum e l'ogbaa, sa ndɨ elaa mpʉ ngul mpaa ɛ. Bé jyɛʼɛ taa buʼo yɔɔ njɨ boo Zyɛm, waa lé epa dwe bɨna ga bɨsa byaa é ntuʼ-ntu-ntuʼ, lé egba bɨna ga bɨsʉhʉ é mɨleme e.

Mɨlʉmlʉ 8:21

Go abe e nkul etœb lɔb wi. Go abe e nuu nkɔb tɨ, ebe, leme go, wé abe cɨcyel é mih mo Zyɛm.

Mɨlʉmlʉ 20:32

«No ó, banana, me etimle bɨn é mobo mo Zyɛm. Nyi lɛʼle bɨn ncwɨncwɨa we é zi mokan me. Nye baʼla bɨn e mokan maa. Mé ó e nkul egba bɨn nkul é monyʉl ndwe le edwe bɨn tiʼ molu mo mpoʼ mɨmɛh jwɨʼ gwar e gwar e mɨsaŋ mɨ bʉr be bɨbɛh.

Kolosi 1:13

Zyɛm, nyi syɛb bɨna ga e boo nɔɔ é mpel mo Satan, ntɛŋ bɨna ga é jwɨ̀ʼa mo Mwan kpɛl we.