Éfɛsɔs 5:3 - Kálara Zyɛ̌m Edwán é mpʉ̌n

³ Sa gwar, mʉr ayi joʼo lʉʉ dobo ó, mʉr fih mʉr kɛ̀l, nye ó é mbɛr Zyɛm win, nye nteme lé elœʼ nyʉl é zi bɨduo, nkʉ lé elama fwon lé edu njɨ bɨjyɛʼ bye, nkʉ lé ecen mih é bɨsa byoonkan. Mɨsaŋ mɨ bʉr mo Zyɛm, myé ajala le ebul jwɨ̂ʼlɨ e bɨsyɛɛla binɨ.

Kálar Nzyɛ̌m : Ejwán é Sáá

³ Sâ gwár, mʉ̌r sá ajóʼo lʉ́ʉ́ dʉ́o ó, yé e nyʉ́ʉ́ mʉ̂r sɔ́má yɨ́n dí esâ bímolá nyá, nkʉ̂ byúú bísyɛ́ɛla bi dí edulo mpîr ɨ́ nyʉ̂l bí. Yé sá abe ntémé e mʉr dí etyěn lémé wé ɨ́ nzɔ́ɔ́ bísâ nyá. Bibɨ́bla bísyɛ́ɛla byaá, byé ajala e bʉr o dí egúmo e Nzyɛ̌m bá.

Éfɛsɔs 5:3 ပူးပေါင်းရင်းမြစ်များ

Kolosi 3:5

Bɨfum bɨ nyʉl bin ndɨ eduho é si nwaʼ ɛ, teʼla ga bye. Yé ó ndɨ: elœʼ nyʉl é zi bɨduo, elama fwon lé edu njɨ bɨjyɛʼ, empime, esa bɨgwɨma bɨ ebebe, ecen mih é bɨsa byoonkan. (Ebe, mʉr ndɨ ecen mih é bɨsa byoonkan ɨ, nye ó asiila ba e waa lé edwiibɨ bɨbaŋabaŋa bɨdweʼle e!)

Éfɛsɔs 5:5

Gʉŋa ga ó, bʉr o ndɨ esa bɨmala e mɨfyɛba ɛ, e baa lé elœʼ bé bʉr o tɨʼ é mih mo Zyɛm ɨ, e baa lé ecen mih é bɨsa byoonkan ɨ, mʉr ndɨ ekœʼ ebò e cyen laa ɛ, nye ákwoʼ niŋlɔ é jwɨ̀ʼa mo Krɨst, ndɨ jwɨ̀ʼa mo Zyɛm ɨ. Gʉŋa ga ó, waa ndɨ ecen mih é bɨsa byoonkan ɨ, syɛɛla ye yaa, yé ekʉ lɛʼle ó, mʉr tɨ, nye edwiibɨ bɨbaŋabaŋa bɨdweʼle bɨ ozyɛm!

1 Tesalonika 4:3

Ebe, sa Zyɛm lé egwɨm e bɨn ɨ, yé ó bɨn diʼe mɨsaŋ mɨ bʉr. Ebe no, mbuʼla nyiwɛh, nye ejala le edi é l'ecyooŋʉ, lé esyɛhle lɔb esa bɨmala e mɨfyɛba.

1 Korɛnt 6:18

Gwaʼa ga lé esa bɨmala. Myʉʉ mɨsyem bʉr lé esa ɛ, myé esyɛɛlɨ ó, é mʉr kʉl. To kœb ó, é jɔʼ mʉr si sa bɨmala ɛ, nye esa syem nɨ ó, lé elɨr nyʉl we nye mʉr tɨ!

1 Tesalonika 4:7

Zyɛm a jebe bɨna ga ó, bɨna diʼe ga bʉr o ndɨ ti ɨ, abe baa ndɨ elama fwon njɨ lé edu bɨjyɛʼ byɔɔ ɛ.

1 Korɛnt 6:13

Bé elɛɛ-lɛɛ nteme ó: «Mode, mé tɨʼ ó, é l'efu e mo; mo wɛɛ é l'efu e mode.» Yé ó no! Sa gwar, Zyɛm ólɨr bibyɛh. Nyʉl mʉr, nye abe é l'efu ó, mʉr nkʉʼ bul sa bɨmala e mɨfyɛba e tɨ. Nye tɨʼ ó, é l'efu le esea Tî ga wina syɛɛ e tɨ. Tî ga wina, nye tɨʼ ó, é l'efu e monyʉl ga mɨna.

Éfɛsɔs 5:12

Yé é bul sa bɨna ga fwon lé etublo bɨsyɛɛla bé lé esa é mofo, bɨna dam tublo ga njɨ mie.

Mataos 15:19

Ebe, bɨsa bɨ ebebe bibyɛh, byé eduho ó, é leme. Byé ó: bɨbebebebe mɨpɛhla, ejwɨɨ e bʉr, mɨfyɛba, bɨmala, díbe, ebuʼo mɨɔ go mʉr mɨlɔb ndwe e movoʼ.

Mɨngwiha 2:21

Me a dwe nye jɔʼ ó, nye gwɨma bɨmala nye lé esa-sa ɛ, le edwir leme, nyɛɛ l'akpɛl sa no.

1 Korɛnt 10:8

Bɨna l'ayi gba ga monyʉl lé esa bɨmala mpʉ bʉʉ bʉr o sama yɔɔ, bé a dɨ sa, to pyal é jɔʼ ebebe, lé a ka laŋle e. Bʉr otɔɔyin mowʉm moba e l'olɛl (23 000), bé ntɔʼ dwè é moho ngwar, lé ejala e syɛɛla yaa.

Mɨngwiha 22:15

No ó, baa lé etiʼe mpʉ ompye e, bé e l'oleme, ndwe e l'osyɛl o mɨfyɛba bɛɛ, bé óliʼ kʉl. Ojʉl o bʉr nteme, ndwe e baa lé edwiibɨ bɨbaŋabaŋa bɨdweʼle e, ndwe e baa lé ekpɛl mɨlɔɔ mɨ mpʉl ɨ, bé nteme, bé óliʼ kʉl.

Mɨngwiha 21:8

Baabʉbʉa bɛɛ ndwe e bʉr o ndɨ abuʼla Zyɛm ɨ, bʉr o ndɨ efœʼ monyʉl mɔɔ ɛ, ojʉl o bʉr, e l'osyɛl o mɨfyɛba, oleme ndwe e baa lé edwiibɨ bɨbaŋabaŋa bɨdweʼle e, ndwe e baanya-bɨkʉʉŋʉ bɨbɛh, bɛɛ, bé ókʉ ka kœb odia wɔɔ ó njɨ é Bɨ-siʼe. Yé ó lwɨŋla e siʼe ndwe e pir. Tɨʼ ó bʉr lé edwè efie emba ɛ.»

Mɨngwiha 2:14

Sa gwar, mɨ niʼe bɨn bɨbaa bɨ ebebe. Byé etiibe ó e motɨɨ bʉʉ bʉr o mbɛr Zyɛm win lé edu ɨ. Bé edu sikʉlʉ mo Balam. Nye ó waa a gomlo Balak é bebebebe zi, tɨe nye lé ekol ebɔʼ bwa b'Ɨzraɛl, bé óbɨm é mɨleme e. Ebe, nyɛɛ Balak a sa ó: nʉa tir a pa bàŋɔ é mpah bé ndɨ edwiibɨ ozyɛm bé a dɨ kpaʼ ɛ, ze timle nye bwa b'Ɨzraɛl. Bɛɛ ntɔʼ de nye, ze saŋɔ nteme bɨmala.

1 Korɛnt 5:1

Bʉr bé ejoʼo bé lé elɛɛ é gumo yiyɛh ó, yé e mʉr é l'esama lɨn lé esa bɨmala é lɔʼba-lɔʼba, é mbi mɨnjeʼe-Zyɛm ndɨ abe lé esa ɛ. Nuu mʉr é l'esama lɨn, nye ebana tiʼe e myaa sɔŋ!

Mɨngwiha 9:21

Bé a baagwɨma ejwɨɨ e bʉr, sɛa mɨmir mɨ eleme, bɨmala, mɨfyɛba, ndwe e díbe. Bé a baadwir mɨleme.

2 Pyɛr 2:3

Mɨmpʉmpʉl mɨ oyeʼle myaa, myé ókʉa bɨn e mokan bɨkʉʉŋʉ lé esaa ebi bɨsa é zi waa. Sa gwar, bɛa taare kɔm, tiʼà mɨlɔb wɔɔ, nyi bɛa tiʼe mɨlɔb myɔɔ, le egʉa bɨntɨʼa nye ókab be tɨʼ ɨ. Nye ó é doʼlo lé ebono be.

Ebrœ̂ 12:16

Diʼe ga ncye! Mʉr alama fwon é zi bɨduo. Mʉr beʼ l'asa lɔɔ Zyɛm ebɨh, é mpʉ Eso a sa ɛ. Nye a si dwɛna dia modweʼe ye, dwe ncyom, le esiila ye é l'efu le enʉa ma fua mode!

2 Korɛnt 12:21

Sa lé esa ó, me kpɛŋɨ ebâʼle ze gʉʼ bɨn ye e, yé ó, ebe, Zyɛm Sɔŋ wam amu jaa gba me fwon é nyʉl é mih mɨn. Bɨn bé amu jaa bee me lé ejɨ edwe é jɔʼ me óbee ó, bɨn bé agwɨma mɨsyem min ndwe le edwir mɨleme e. Me óbɛm kœb bʉr o b'a taare jwɨ̂ʼlɨ e mɨsyem ɨ, bɛɛ dina lé elama fwon lé edu njɨ bɨjyɛʼ byɔɔ, le elœʼ nyʉl é zi bɨduo, ndwe le esa bɨmala zam e l'ekomo, jwɨʼ gwar e gwar mpʉ bé a bɛa sa-sa ɛ.

Títos 2:3

Lɛŋɨ mɨsile mɨ bʉba jwɨʼ gwar ó, bé kœʼœ mbi ebò e cyen ndɨ ejala e mʉr lé edwaabe Zyɛm ɨ. Bé l'ayi fœʼ bʉʉ bʉr. Bé l'ayi bɛble monwoʼ, nkʉ di molʉa mo tɨ. Bé dweʼ bʉr mɨmpaŋ motɨɨ.

2 Timotɛ 3:2

É til molu yaa, bʉr, bé óbul kpɛl ó, njɨ bé bʉr o tɨ. Bé ókpɛl mɔn laŋle. Bé e jaale ndwe e nkɛa nyʉl. Bé óbul pyeh bʉʉ bʉr. Bé aŋa joʼo obyɛl bɔɔ. Bé ólono embɨa bé lé esaŋɔ ɛ. Bé óbe ó bʉr o ndɨ epyeh Zyɛm ɨ.

Mɨlʉmlʉ 15:20

Bɨna tila ga yɛɛ kalara ó, bé ejala le edi é l'ecyooŋʉ, lé esyɛhle mɨlɔb mɨnâ mi: lɔb ede tir a bàŋɔ é mpah bé ndɨ edwiibɨ bɨbaŋabaŋa bɨdweʼle e, lɔb esa bɨmala e mɨfyɛba, lɔb ede tir a baasyɛhɔ twii, motié pʉʼa ɛ, ndwe e lɔb ede motié.

2 Pyɛr 2:14

mih mɔɔ lé esaa bʉba bé saʼ mɨfyɛba e be e. Bé agbala ba lé esa mɨsyem. Bé ekwab bʉr o ndɨ é pɨŋla é l'ebò e cyen lɔɔ ɛ. Bɨ gba nyʉl lé ejwɨʼ edu bɨgwɨma bɨ nyʉl bɨpuno wɔɔ é dwiii. Zyɛm, nyi káale be.

2 Pyɛr 2:10

Nye ókʉ bul kab bɨntɨʼa ó, dwe bʉr o ndɨ edu bɨgwɨma bɨ nyʉl bɨpuno wɔɔ ɛ, bɛɛ nteme lé epyeh mojwɨ̀ʼa mo si le maa mo kʉ. Mɨmpʉmpʉl mɨ oyeʼle me lé etaŋle bɨn lɔb wɔɔ ɛ, myé ajoʼo bʉa dam be é jɔʼ bé lwɨɨ beengles ndɨ é lal bɨna ndɨ egumlo e.

1 Pyɛr 5:2

Kobla ga daa e bɨntœme Zyɛm a timle bɨn ɨ, abe e moyemla nkʉ tina, njɨ ebe, mʉr tɨʼ, nye ekʉ gbaa. Saʼ ga no é pɛhla ó, bɨn bé esea ó Zyɛm syɛɛ. Mʉr beʼ l'abaʼle bʉr o Mbɛr-Zyɛm ebe bɨgwɨma bɨ ebi bɨsa tɨ. Nye saʼ no ebe mbɨambɨa gwɨma leme we.

Títos 1:11

Yé ekʉ jala ó, go dibla be mɨnʉm. Bé egomlo mɨmbɛr mɨ bʉr é bebebebe zi, ndwe le eyeʼle sa ndɨ ajala ɛ. Bé esa no ó, é l'efu ó, bé biʼe myɛna ndɨ ambɨa ɛ, é zi sikʉlʉ yaa. Yé é bul sa yɛɛ fwon lé ebi myɛna no!

Títos 1:7

Yé ejala ó, mʉr lé edi é dia mbɔʼlʉ é mbɛr Zyɛm we e, nye diʼe waa ndɨ adweŋɔ mobe e, ebe, mbɔʼlʉ é mbɛr Zyɛm, nye ambɨa, be mʉr pyeh, nkʉ kpɔɔ, nkʉ fufwɔʼ monwoʼ, nkʉ mʉr ndɨ é feha ɛ, nkʉ waa lé esaa bɨsa é mozi ndɨ ozyɛhozyɛh ɛ.

1 Timotɛ 3:3

abe nunwoʼ, nkʉ mʉr ndɨ é feha ɛ. Nye ejala le ebe ó é tala njwɨr. Nye abe mʉr bɨtom. Nye alaʼ lʉ é kpɛl mɔn.

1 Timotɛ 2:10

Bé ejala le elɛʼle bʉr ó, bé e bɨsyɛɛla bɨ ncwɨncwɨa lé ejala e bʉba lé edwaabe Zyɛm ɨ.

Filipi 1:27

Sa gwar, kœʼœ ga ebò e cyen lé ejala e bʉr o ndɨ ebuʼla Mbɨambɨa Lɔɔ mo Krɨst ɨ. ǃBɨn si sa no nɛʼɛ, me ójoʼo lɔɔ win, gʉa nteme ó, bɨn dina é zyɛŋa win boo Sisim ngwar ɨ, lé ecyɛb é nkʉʼʉ e twii ngwar, le ekœʼ ebò e cyen é zi buʼo mpʉ Mbɨambɨa Lɔɔ lé elɛʼle e. Me ójoʼo lɔɔ é lɔb ebò e cyen laa, me ntɔʼ soho, me dam be si pyal, bee bɨn e mih, me dam liʼ é guu paʼ, ntɔʼ joʼo njɨ lɔɔ e lɔɔ.

Rôm 16:2

É jɔʼ nye óze gʉʼ bɨn ye e, bɨn bé à beŋle nye mbɨmbɨa é die mo Da Yesʉs, mobeŋla lé ejala e mɨsaŋ mɨ bʉr mo Zyɛm ɨ. Dweʼ ga nye sa yiyɛh yé ósa nye sɔɔlʉ ɨ, ebe, nye mʉr tɨʼ a si fuʼo bʉr é buobuo ndwe e mɛm mʉr tɨʼ nteme.

Rôm 6:13

Abɨlan ga e bɨfum bɨ nyʉl bin ó, byé dɨʼe sea Syem syɛɛ. Syem, wé amu jaa nʉa bye, ze sa bɨsyɛɛla bɨ ozyɛhozyɛh bye e tɨ. Bɨn bɨ dwihɔ é l'odwè, ntɔʼ dweŋɔ tiʼ molu mo mpoʼ mɨmɛh. Timla ga Zyɛm bɨn bʉr o tɨ, ndwe e bɨfum bɨ nyʉl bin, bɨsa nye óbɨlan e bye, ka to le esa mɨmpaŋ bɨsyɛɛla bye e tɨʼ ɨ!

Rôm 1:29

Bé efwahle bɨsyɛɛla bibyɛh ndɨ ozyɛhozyɛh ɛ. Byé ó: jeele e laŋ, bɨgwɨma, bɨn, zii, ejwɨɨ e bʉr. Bé esa mpɔʼa monkɔm, bé e bɨkʉʉŋʉ e tíila ndwe e bɨbuʼa,

Mɨlʉmlʉ 20:33

«Me a baagwɨm nkʉ mɔn, nkʉ gol, nkʉ mɨkan mɨ mʉr.

Lʉkas 16:14

OFarizyɛŋ, bé a be ó lé ejoʼo mɨlɔb myaa mimyɛh, ntɔʼ taare lé etamɔ nye, ebe, bé a be ó é bul kpɛl mɔn, ntaa njɨ.

1 Timotɛ 6:10

ebe, kpɛl mɔn, yé ó etin e bɨsa bɨ ebebe bibyɛh. Bʉʉ bʉr o b'a taare buʼla Zyɛm ɨ, bé a si bi gwɨma ebi bɨmɔn, bé ntɔʼ gʉmla é bebebebe zi waa. Bɨ daʼre mɨtuu é buobuo é monyʉl mɔɔ.

Lʉkas 12:15

Nye ó: «Gʉa di ga ncye! Syɛhla ga zɔɔ bɨsa mɨmbi mimyɛh, ebe, tiʼ mʉr, yé aduho é bɨsa mʉr waa ndɨ e bye e, byé dam buo yáa bim.»