Éfɛsɔs 5:27 - Kálara Zyɛ̌m Edwán é mpʉ̌n

²⁷ Ebe, nye a kpɛl ó, wé nkʉʼ cyɛb é mih me é ncyɛh-ncyɛh: abe e l'ebar, nkʉ mɨlur, nkʉ yʉʉ sɔʼɔ ndɨ é bebe e. Wé ókʉ ka gumo ó njɨ e nye, abe e sa ebebe nye a ngbaa nwahle we e tɨ.

Kálar Nzyɛ̌m : Ejwán é Sáá

²⁷ Ebě, nye á kpɛl ó, nye tyélɨɨ wé ɨ́ míh mé ɨ́ nkɛ́lɛm: abe le ebar, nkʉ̂ milur, nkʉ̂ yʉ́ʉ́ sɔ̂ʼ dí ɨ́ bébe yɨ́. Wé ójaá gúmo ó, njɨ e né, abe e sá ébébe nyé ónwâhle wé e tɨ̂.

Éfɛsɔs 5:27 ပူးပေါင်းရင်းမြစ်များ

Kolosi 1:22

No ó, banana, Zyɛm, nyi sa sàa paʼra win boo nɔɔ, ó nye nkʉʼ cyel bɨn é mih me mɨsaŋ mɨ bʉr, abe e mobe, abe e sa ebebe nye a ngbaa nwahle bɨn e tɨ. Nye a sa sàa waa ó, é zi mo Mwan we é jɔʼ Mwan we a bir tiʼ ye, le emɛʼle ó, nyʉl we, nye dwèʼ e.

Ebrœ̂ 9:14

No ó, Krɨst nyɛɛ, nye elaa naa! Nye ópubo mɨleme ga mina e me motié, ó mɨpɛhla mɨleme ga mina nkʉʼ liʼ é pyɛɛɛ, myé l'aka toŋlo bɨsyɛɛla bɨ ebebe ga bina. É mbi waa ó bɨna bé ódwiibɨ ga Zyɛm ndɨ kublakubla ɛ. Ebe, é zi Mbɨambɨa Sisim lé edi njʉmdia e njʉmdia ɛ, nye a be ó si dwe Zyɛm Sɔŋ nyʉl we. Ndwɛa nyʉl we, wé ó b'a kʉ jala e bɨna, lé epɛʼ mɨsyem bɨna bé a sa ga ɛ. Wé nteme ó ndɨ e l'ombɨmbɨa é mɨpaʼ mimyɛh.

1 Pyɛr 1:19

Bɨn bé a dwihɔ é mozi maa ó, ebe motié mo Yesʉs-Krɨst, ndwɛa ndɨ é buo dime e. Yesʉs-Krɨst a be ó mpʉ ma ntœme ndɨ abe e sa ebebe bé a ngbaa nwahle nye e tɨ, nkʉ e l'ebar.

Éfɛsɔs 1:4

Nye esa bɨna ga no ó, bɨna gumla ga nye, ebe, nye a si bɛa pɛh bɨna ga, taare é jɔʼ kʉ e si, byé a baapa cyeŋɔ ɛ. Nye a pɛh bɨna ga ó, bɨna diʼe ga mɨsaŋ mɨ bʉr be, dumo e Krɨst, abe e sa ebebe nye a ngbaa nwahle bɨna ga e tɨ. Ebe nye ndɨ e leme ncwɨncwɨa ó

2 Korɛnt 11:2

Ebe, me ebaʼ bɨn, mbɔʼ waa lé eduho boo Zyɛm. Mbɔʼ waa, wé ó, ebe, bɨn bé ó mpʉ saŋ ndu esehe me a bɛl njʉm ngwar ɨ. Njʉm waa, nye ó Krɨst.

Kolosi 1:28

Ebe no ó bɨh lé emyɛm lɔɔ mo Krɨst é bʉr bɨbɛh ɛ. Bɨh bé ebal mʉr nyiwɛh, le eyeʼle bʉr bɨbɛh é l'ocyoo wiwɛh, ó bɨh nkʉʼ cyel be é mih mo Krɨst, bé osi kumo é l'ombɨmbɨa é mɨpaʼ mimyɛh é zi we.

2 Korɛnt 4:14

Ebe, bɨh bé ebuʼla ó, waa a pɛ̀h Da Yesʉs é foo e, nye nteme ópɛ̀h bɨna ga e boo nɔɔ. Nye ócyel bɨna ga é mih me é gumo Yesʉs ndɨ ɨ.

Yʉ̂d 1:24

Kum, nye beʼ e mʉr ndɨ e nkul ekamle e bɨn ó, bɨn beʼ l'aduma, waa nteme ndɨ e nkul ecyel bɨn é mih me, waa ndɨ é moncɛnba ɛ, abe e sa ebebe nye a ngbaa nwahle bɨn e tɨ. Bɨn bé óbe nteme ó e bɨsʉhʉ é buobuo.

2 Pyɛr 3:14

Ebe no, obɨɔ o kpɛl bam aa! É mpʉ bɨna mu lé eka bono ga moho waa ɛ, nye ókœb bɨn nyá ɛ? Gbaʼ ga monyʉl lé edi abe e l'ebar, nkʉ ebebe bé a ngbaa nwahle bɨn e la ɛ. Diʼe ga é motala é jɔʼ nye óbula ɛ.

Yʉ̂d 1:21

Gbaʼ ga monyʉl lé edi é kpɛl mo Zyɛm. Bona ga dobo Tî ga wina Yesʉs-Krɨst óbula ze e. Nye óze ó, ze jwɨʼ bɨna ga nkoo, le eliʼle bɨn, to pyal é tiʼ molu mo mpoʼ mɨmɛh.

1 Tesalonika 5:23

Mʉr lé esa ó, bʉr tiʼa é motala ɛ, nye mʉr tɨ, nye puba bɨn é mɨpaʼ mimyɛh. Nye baʼla mɨsisim min e mɨleme min, ndwe e monyʉl mɨn. Ebò e cyen lɨn, lé diʼe no, alɨŋa ba, to pyal é dobo Tî ga wina Yesʉs-Krɨst óbula ze e.

Mɨngwiha 14:4

Bɨha ó b'a be mɨloʼo myé a baalœʼ monyʉl mɔɔ é zi bɨduo e. Bé a baʼle monyʉl mɔɔ ó, mɨndu, lé esa-sa sɔʼɔ njɨ du Ma Ntœme gumo yiyɛh nye a to-to e. Bé ó baa Zyɛm a kʉr ɨ. Bɛɛ ó ndɨ mpʉ tom wé a pɛʼɔ é si nwa, waa wé a dweŋɔ Zyɛm bé e Ma Ntœme e.