Éfɛsɔs 5:26 - Kálara Zyɛ̌m Edwán é mpʉ̌n

²⁶ Nye a sa no ó, wé nkʉʼ di waa mo Zyɛm, nye osi pubo we e modibe ndwe e lɔɔ we.

Kálar Nzyɛ̌m : Ejwán é Sáá

²⁶ Nye á sâ nó ó, wé nkʉ̂ gúmo e Nzyɛ̌m, nyé osí jwɨɨ wé e medíbé ti e lwǐb yé.

Éfɛsɔs 5:26 ပူးပေါင်းရင်းမြစ်များ

Yʉanes 15:3

Motɨɨ me a dwe bɨn ɨ, mɨ pubo bɨn. Bɨn mu ó mɨpuba.

Ebrœ̂ 10:22

no ó bɨna lé ejala le edihle ga kunokuno e nye e, lwɨŋla e mbɛla e buʼo ndɨ eduho é mɨmo si ɨ. Mɨleme ga mina, myé mu ó si pubɔ. Mɨpɛhla mɨleme ga mina, myé abe lé eka nwahle bɨna ga ó, bɨna bé ó e mobe. Monyʉl ga mɨna, mé ó mɨnjwɨ̀a e modibe ndɨ é ncyɛh-ncyɛh ɛ.

Yʉanes 3:5

Yesʉs, nye e nye ó: «Me elɛɛ go cyecye ó nɛɛ: ǃɨ mʉr si be, apa byɛl mbyɛla modibe e waa Sisim nɛʼɛ, gʉŋa ó, mʉr waa, nye ákwoʼ ni é jwɨ̀ʼa mo Zyɛm.

1 Korɛnt 6:11

No nteme ó, bʉʉ bʉr o mbɛr Zyɛm win, bé a be-be e! Sa gwar, bɨn bé a si sohlɔ, pubɔ. Bɨn bɨ bi mokebe é mih mo Zyɛm lé ejyɛʼ taa buʼo yin boo Da Yesʉs-Krɨst, cwɨɨ é zi Mbɨambɨa Sisim.

Éfɛsɔs 6:17

Biʼe ga tiʼ molu mo mpoʼ mɨmɛh. Tiʼ molu mo mpoʼ mɨmɛh, yé ó tɔɔ kʉŋʉ dɔm lé ekamle e lʉ nkɔɔ ɛ. Bɨn bé à nʉa lɔɔ Zyɛm tɔɔ fòŋ Mbɨambɨa Sisim lé egœm é pɔb, ze timle bɨn ɨ.

1 Yʉanes 5:6

Yesʉs-Krɨst, nye ó mʉr a nʉa ndubo é modibe, pie tɨ ntɔʼ pyɛl motié me é klos ɨ. Nye a baaze nʉa ndubo njɨ é modibe. Zea we, wé a be ó lé enʉa ndubo é modibe ndwe le epyɛl motié me. Mbɨambɨa Sisim, nye ó lé eboʼlo no é lɔb ndubo we. Nye eboʼlo no ó, ebe, nye e l'ocyecye.

Títos 2:14

Nye a si jala e bɨna ga, lé eze kʉr bɨna ga, le edwih bɨna ga é bɨbla ebò e cyen bɨna bé a dɨ kœʼ œ. Nyi pubo bɨna ga ó, bɨna diʼe kul bʉr ndɨ yaa ye e. Mɨleme, myé óbe ó bɨna ga é ntɨɨɨŋ ó, bɨna gba ga ó nyʉl lé esa mɨmpaŋ bɨsyɛɛla.

Ebrœ̂ 10:10

Bɨna mu ó si pubɔ jɔʼ gwar é bɨjɔʼ bibyɛh ebe gwɨma yaa, ndwe e kɛha Yesʉs-Krɨst a ze kɛha nyʉl we tɔɔ motwina ɛ.

1 Pyɛr 3:21

Modibe maa, mé edweʼle ó, ndubo mu lé edwe bɨn tiʼ é bananaʼ ɛ. Wé esa no ó, ebe, wé ó gwɨma bɨna lé egwɨm ga ɛ, ó Zyɛm puba bɨna ga, to pyal é mɨleme ga mina tʉŋlʉ, ó mɨpɛhla mɨ tɨʼ nkʉʼ di é pyɛɛɛ. Nye epubo bɨna ga mɨleme myaa ó, ebe pɛ̀ha foo mo Yesʉs-Krɨst. Ndubo ga wina, wé atiʼ bɨna ga ebe mobomo wé lé epɛʼ é nyʉl ɨ.

Ebrœ̂ 9:14

No ó, Krɨst nyɛɛ, nye elaa naa! Nye ópubo mɨleme ga mina e me motié, ó mɨpɛhla mɨleme ga mina nkʉʼ liʼ é pyɛɛɛ, myé l'aka toŋlo bɨsyɛɛla bɨ ebebe ga bina. É mbi waa ó bɨna bé ódwiibɨ ga Zyɛm ndɨ kublakubla ɛ. Ebe, é zi Mbɨambɨa Sisim lé edi njʉmdia e njʉmdia ɛ, nye a be ó si dwe Zyɛm Sɔŋ nyʉl we. Ndwɛa nyʉl we, wé ó b'a kʉ jala e bɨna, lé epɛʼ mɨsyem bɨna bé a sa ga ɛ. Wé nteme ó ndɨ e l'ombɨmbɨa é mɨpaʼ mimyɛh.

Mɨlʉmlʉ 22:16

No ó, banana, yé go lé eka bâʼle bono e? Mʉŋa si. Nʉŋa ndubo. Go à puba é nko paʼ mɨsyem myo, lé ejebe die le.”»

1 Pyɛr 1:2

Zyɛm Sɔŋ ó b'a pɛh bɨn, bʉr o nye a bɛa gʉa ɛ. Jɨh tɨʼ nye a kʉ pɛh bɨn, Sisim we, wé ntɔʼ ze pubo bɨn. Wé a pubo bɨn ó, lé emyɛʼ bɨn e motié mo Yesʉs-Krɨst é l'efu ó, bɨn saʼ nye mojoʼo. Mocyɛʼ mo mpom le motala mo Zyɛm, mé swɨŋɨ é bɨn é ntuʼ-ntu-ntuʼ.

Yʉ̂d 1:1

Mɛm, Yʉd, syɛl mosa mo Yesʉs-Krɨst, ndɨ nteme mɨɔ mo Jacques ɨ, ó lé etile bɨn kalara nwa. Me etile ó, bʉr Zyɛm Sɔŋ a jebe ndwe le ekpɛl, baa ndɨ ebaʼlɔ é zyɛŋa wɔɔ boo Yesʉs-Krɨst ɨ.

Mɨlʉmlʉ 26:18

Me elomo go ó, go bɛŋɨ bʉr mih. Go dwihɨ be é l'edurʉ, cen be é myɛn; dwih be é mpel mo Satan, cen be nko bé e Zyɛm, bé ódɨ di ɨ. Me ópɛʼ bɨbaa me a niʼe é lɔb mɨsyem myɔɔ ɛ, lé edwe be dia é l'esama e bʉr o b'a jyɛʼ taa buʼo yɔɔ boo me, mɛm ntɔʼ pubo e.”

Yʉanes 17:7

Bé mu ó si ka gʉa é bananaʼ ó, sa yiyɛh go a dwe me e, yé a duho ó go ye,

Jacques 1:18

Nye mʉr tɨʼ ó b'a bya bɨna ga é zi gwɨma ye. Nye a sa no ó, é jɔʼ nye a lɛʼle bɨna ga lwib ye ndɨ cyecye e, bɨna ntɔʼ buʼla ga ye. Ebe no, é nko paʼ mɨcyea bɨsa bibyɛh, bɨna ga ó ndɨ mpʉ tom nye a pɛʼ é peme ye e.

Yʉanes 15:8

Sɔŋ wam óbi kum ó, é jɔʼ bɨn bé ógumo buobuo mpumo, le edi ompʉn bam ɨ.

Yʉanes 13:10

Yesʉs, nye e nye ó: «Mʉr mu si bɛa jwɨ̀a ɛ, nye aka jala le ebâʼle jwɨ̀ɔ, alaa ó njɨ mokʉ, ebe, nye ó nyʉl nyiwɛh njwɨ̀a. Bɨn bé ó mɨnjwɨ̀a. Sa gwar, abe bɨn bɨbɛh.»

Rôm 10:8

Yé ó tila é Kalara Zyɛm ó: «Lɔɔ Zyɛm, wé ó kunokuno e go. Wé ó é nʉm go ndwe e leme go tʉŋlʉ.» Mɨlɔb mɨmpwar myaa, myé ó myaa bɨh lé eto le etuno, myaa bʉr bé lé ejala le ebuʼla ɛ.

2 Korɛnt 11:2

Ebe, me ebaʼ bɨn, mbɔʼ waa lé eduho boo Zyɛm. Mbɔʼ waa, wé ó, ebe, bɨn bé ó mpʉ saŋ ndu esehe me a bɛl njʉm ngwar ɨ. Njʉm waa, nye ó Krɨst.

Kolosi 3:16

Mɛʼla ga ó, lwib mo Krɨst, yé loŋla mɨleme min. Dɨʼe dweela ga sikʉlʉ paʼra win, yaa ndɨ e l'ocyoo e. Dɨʼe dweela ga motɨɨ paʼra win. Jɛŋɨ ga Zyɛm oSam, e bɨjɛɛ bɨ Mbɛr-Zyɛm ndwe e bɨjɛɛ bɨfih Mbɨambɨa Sisim ódɨ lɛʼle bɨn ɨ. Bɨjɛɛ byaa, byé óduho bɨn é mɨmo si, lé edwe Zyɛm ekiba.

Ebrœ̂ 4:12

Lwib mo Zyɛm, yé ó sa ndɨ kublakubla ɛ. Yé ó e nkul. Yé nteme, yé é bɛbla, laa fòŋ ndɨ njèba mii mɨpaʼ mɨmba ɛ. É jɔʼ Zyɛm lé elwib ɨ, lwib ye, yé ekʉ bana syɛh mɨsʉn, to pyal é mobɨl, ntɔʼ pin bɨpeh bɨ nyʉl e mobʉo. Yé ekpahla gumo leme ndwe e sisim lé edira ɛ. Yé epahle le egba mbɛʼ paʼra mɨpɛhla ndwe e bɨjwɨʼ ga bina.

Ebrœ̂ 10:14

Nyɛɛ a kʉ dwe ó njɨ ndwɛa ngwar, bʉr o b'a be ó, bé pubɔ ɛ, bé ntɔʼ puba mbɨmbɨa é mɨpaʼ mimyɛh. Bé ódi-di no ó njʉmdia e njʉmdia.

Ebrœ̂ 10:29

Bʉr pa taare jʉŋɔ é lɔb ebɨh bé lé esa motie mo Moyiz ɨ, a dwɛʼra e mʉr lé etíile Mwan mo Zyɛm é mobò me si ɨ? Nye ókʉ jala e bɨbebebebe bɨntɨʼa, laa naa! Mpʉ jwɨʼ ye ndɨ ɨ, yé ó yi: motié Krɨst a pyɛl é l'efu ó, Zyɛm deʼ edwan e mpʉn ɨ, mé mu nye ó tɨtoʼo, nyɛɛ yɛɛ si pa pubɔ e tɨ! Bɨn bé ejwɨʼ é yé, tiibe e mʉr a pyeh nteme Mbɨambɨa Sisim, a bɛa lɛʼle nye ncwɨncwɨa ɛ? Mʉr tɨʼ ósaŋɔ nyá ɛ?

Ebrœ̂ 13:12

Yesʉs a be nteme ó no. Nye a to sia e mɨtuu ó, é nkana kʉl. Nye a sa no ó, nye nkʉʼ nʉa motié me, ze pubo kul bʉr ye e tɨ.

2 Pyɛr 1:9

Sa gwar, mʉr ndɨ akœʼ ebò e cyen laa ɛ, mbea we, wé ajaa to. Nye ó mpʉ ntim. Nyi kʉ jɨha ó, Zyɛm a be ó si pubo nye é nko paʼ mɨsyem nye a be lé esa ɛ.