Éfɛsɔs 5:20 - Kálara Zyɛ̌m Edwán é mpʉ̌n

²⁰ É jɔʼ yiyɛh, dweʼ ga Zyɛm Sɔŋ ekiba é lɔb sa yiyɛh, é die mo Tî ga wina Yesʉs-Krɨst.

Kálar Nzyɛ̌m : Ejwán é Sáá

²⁰ Ɨ́ jɔʼ yɨ́yɛ̂h, dwéʼ gá Nzyɛ̌m Sɔ́ŋ nzyǒo ɨ́ sá yɨ́yɛ̂h, le epɨr e díé mé Tî gá wɨ́ná, Yésʉs-Krîst.

Éfɛsɔs 5:20 ပူးပေါင်းရင်းမြစ်များ

Kolosi 3:17

Sa yiyɛh bɨn lé esa, nkʉ yaa bɨn bé ólɛɛ ɛ, yé diʼe njɨ, pere e die mo Da Yesʉs. Dweʼ ga Zyɛm Sɔŋ kum, pere e die le.

1 Tesalonika 5:18

É jɔʼ yiyɛh, dweʼ ga Zyɛm ekiba é lɔb bɨsa bibyɛh, ebe, Zyɛm a gwɨm ó, bʉr o ndɨ é zyɛŋa wɔɔ boo Yesʉs-Krɨst ɨ, bé ódɨ sa no.

Ebrœ̂ 13:15

Bɨna dwiibɨ ga Zyɛm é jɔʼ yiyɛh. Dweʼ ga nye motwina maa é die mo Yesʉs, lé eseʼle die le.

Filipi 4:6

Asyɛl ga ba e bɨn bʉr o tɨ, tiibe e yʉʉ sɔʼɔ. Jwɨʼla ga e Zyɛm é bɨjɔʼ bibyɛh, é bɨsa bibyɛh bɨn lé ejaʼ ɛ. Dweʼ ga nye ekiba é jɔʼ yiyɛh é lɔb bɨsa nye lé edwe bɨn ɨ.

Éfɛsɔs 5:4

Yé ajala ó, bɨn lwibɨ lwib fulʉs, nkʉ lwib ogʉ, nkʉ lwib bɨnkpala ndɨ ambɨa ɛ. Yé ekʉ ka jala ó njɨ bɨn dweʼ Zyɛm ekiba.

2 Tesalonika 1:3

Obɨɔ ga bam aa! Bɨh bé ejala le edwe Zyɛm ekiba é bɨjɔʼ bibyɛh é lɔb win. Yé ekʉ jala nteme no, ebe, bɨn bé eto le ejyɛʼ taa buʼo boo Zyɛm. Kpɛl bɨn lé ekpɛl bʉr ɨ, yé ebwaʼ ó bwaʼa.

2 Tesalonika 2:13

Obɨɔ ga bam, baa Da Yesʉs lé ebul kpɛl ba ɛ! É nko paʼ wih, yé ejala ó, bɨh dweʼ Zyɛm ekiba é bɨjɔʼ bibyɛh é lɔb win, ebe, nyi pɛh bɨn mpʉ mʉr lé epɛʼ tom é peme ye e, ó bɨn biʼe tiʼ molu mo mpoʼ mɨmɛh é zi Sisim we, wé a pubo bɨn ɨ. Bɨn mu ó lé ebi tiʼ molu mo mpoʼ mɨmɛh é zi taa buʼo bɨn lé ejyɛʼ boo nye é l'ocyecye e.

1 Pyɛr 2:5

Zyɛm, nye efumo mbɛr, waa Sisim mo Zyɛm ódi tɨʼ ɨ. Diʼe ga mokoʼ mo mbɛr waa, maa lé etiʼe é mih mo Zyɛm, maa lé ebɨrɔ tɨʼ é fumo waa ɛ. Bɨn bé ófuʼla mɨsaŋ mɨ opara é mih mo Zyɛm. Motwina bɨn bé ódwe nye é zi Sisim we e, nye óbee me mbɨmbɨa ó, dumo e Yesʉs-Krɨst.

1 Korɛnt 1:4

Zyɛm Sɔŋ wam a si sʉ bɨn mocyɛʼ mo mpom me é zi mo Yesʉs-Krɨst. Ebe no ó me lé edwe nye ekiba é lɔb win é jɔʼ yiyɛh ɛ.

Yʉanes 15:16

Ntʉʼ bɨn bé a pɛh me. Mɛm ó b'a pɛh bɨn. Me ó b'a lomo bɨn ó, bɨn toʼ, to gumo mpumo. Mpumo waa ódi njʉmdia e njʉmdia. No ó, Sɔŋ wam ódwe bɨn sa yiyɛh bɨn bé ódî le ejaʼ nye, pere e die lam ɨ.

1 Pyɛr 4:11

ǃƗ mʉr si sa ó, nye pyɛl ó mokan nɛʼɛ, yé beʼ yɛɛ maa mé óntɛŋ bʉr mokan mo Zyɛm ɨ. Yé be ó, nye fuʼo ó bʉʉ bʉr nɛʼɛ, nye fuʼa be e nkul Zyɛm nye mʉr tɨʼ a ntɨh nye e. No ó Zyɛm ódwiibɔ é zyɛŋa ga wina boo Yesʉs-Krɨst ɨ. Kum e nkul, byé dweŋɔ nye, njʉmdia e njʉmdia. Amɛn.

Filipi 1:3

Me edwe Zyɛm Sɔŋ wam ekiba é lɔb win é jɔʼ yiyɛh me lé etoŋlo bɨn ɨ.

Mɨlʉmlʉ 5:41

No ó mpʉ mɨlʉmlʉ myé a duho é Bʉm Nɨnɨ ɨ, myé ntɔʼ loŋlo e bɨsʉhʉ, ebe, Zyɛm a láa ó, bé ó bʉr o jʉʼa le edihbe pyeh ebe die mo Yesʉs ɨ.

1 Tesalonika 3:9

Bɨh gʉŋa ó, bɨh dweʼ Zyɛm ekiba é lɔb win nyá ɛ? Bɨh mu ó lé esoho é mih mo Zyɛm é buobuo é lɔb win.

Rôm 1:8

Sa efoʼ, me edwe Zyɛm Sɔŋ wam ekiba é zyɛŋa wih boo Yesʉs-Krɨst é lɔb win, ebe, é si nwaʼ nyiwɛh, bʉr bé ejoʼo mɨlɔɔ min, mpʉ bɨn lé ejyɛʼ taa buʼo yin boo Yesʉs-Krɨst ɨ.

1 Korɛnt 15:24

É jɔʼ yaa ó esie e mbi jɔʼ yi, lé óka pyal ɨ, Krɨst ntɔʼ gbah mɨsisim mɨ apum mimyɛh: le myaa ndɨ mɨlʉ ɨ, le myaa mɨ nkul mojwɨ̀ʼa ɛ, le myaa ndɨ e monkul monɨnɨ ɨ. Nye ódwe Zyɛm Sɔŋ jwɨ̀ʼa ye yaa,