Éfɛsɔs 5:16 - Kálara Zyɛ̌m Edwán é mpʉ̌n

¹⁶ Gʉa bɨlan ga e mopʉla mɨmɛh bɨn lé ebi ɨ, ebe, molu bɨna lé etiʼe ga ma, mé é bebe.

Kálar Nzyɛ̌m : Ejwán é Sáá

¹⁶ Séáá gá mbɨ̂mbɨá ɨ́ mpǎŋ bijɔʼ bi dí epyâl bɨ́n bí, ebě, melú mɨ́ná dí etiʼe gá mâ, mé ɨ́ bébe.

Éfɛsɔs 5:16 ပူးပေါင်းရင်းမြစ်များ

Kolosi 4:5

É jɔʼ bɨn lé ekœʼ ebò e cyen lɨn teme bʉr o ndɨ abe okristen ɨ, dɨʼe sa no e gwɨma ó, bé mɛʼla ó, bɨn bé ó mɨcɨcyoo. Dɨʼe sa ga ó, bɨjɔʼ bin bibyɛh, byé ó bɨn e mpaŋ nyɔm.

Yʉanes 12:35

Yesʉs, nye e be ó: «Njʉl, wé dina ó, lé epɛn myɛn bɨn ye tɔɔ ma jɔʼ. Kœʼœ ga é jɔʼ njʉl waa dina lé epɛn myɛn ɨ, ebe, edurʉ, lé amu jaa mara bɨn, ebe, mʉr lé eto le entime é l'edurʉ ɨ, nye agʉa nko nye lé eto e.

Éfɛsɔs 6:13

Ebe no, biʼe ga mɨmbi mokʉa mo dɔm mimyɛh Zyɛm lé entɨh bɨn ɨ. É jɔʼ bebebebe moho waa, wé óbe si pyal bɨn ɨ, bɨn bé óbe ó e nkul esa mʉr dɔm win mongan. Bɨn bé óbe ó si ngan é mbi wiwɛh, cyɛb é nkʉʼʉ, apɨŋla é bebebebe jɔʼ yaa.

Galásia 6:10

Ebe no, ǃbɨna si bi ga epʉla tɨʼ nɛʼɛ, bɨna gbaʼ ga monyʉl ó, bɨna cwɨa ga e bʉr bɨbɛh. Sa gwar, kʉ bul cwɨa ga e bʉr o Mbɛr-Zyɛm ga wina, ndɨ bʉr o buʼo gwar ɨ.

Rôm 13:11

Saʼ ga no, ebe, bɨn bé egʉa jɔʼ bɨna ga mu ɨ. Banana, yé ó jɔʼ bɨn lé ekʉ jala le ejɨma é bɨdwo e. Jɔʼ Zyɛm a bɛa tiʼe é leme we ó, nye dwe ó bɨna ga tiʼ molu mo mpoʼ mɨmɛh ɛ, yé mu ó kunokuno le epyal, laa mpʉ yé a taare be é jɔʼ bɨna bé a taare jyɛʼ ga taa buʼo ga yina boo Zyɛm ɨ.

Galásia 1:4

Yesʉs-Krɨst nye mʉr tɨʼ a si dwè, jala e mɨsyem ga mina. Nye a sa no ó, nye nkʉʼ syɛb bɨna ga é mbi jɔʼ yi, yaa ndɨ é bul bebe e. Yesʉs a sa no ó, mpʉ Zyɛm Sɔŋ ga wina a gwɨm ɨ.

1 Korɛnt 7:26

Banana, mpʉ bɨna mu lé ebɔma ga e mɨtuu e mɨndɛl ɨ, bɨna bé é jala le edi ó, mʉr nyiwɛh lé ecyɛb é cye gwar Zyɛm a taare cyel nye e.

Éfɛsɔs 6:15

Gbaʼ ga monyʉl lé elɛɛ Mbɨambɨa Lɔɔ motala Zyɛm lé edwe bʉr ɨ. Tuno waa, wé diʼe bɨn tɔɔ ongʉb bɨn lé ebwar, to e be fum yiyɛh ɛ.

Mataos 25:17

Waa a nʉa mɨmba ɛ, nye nteme a si bi myʉʉ mɨmba.