Éfɛsɔs 5:15 - Kálara Zyɛ̌m Edwán é mpʉ̌n

¹⁵ Ebe no, gʉa dwɛʼ ga mbi ebò e cyen bɨn lé ekœʼ œ. Akœʼ ga ebò e cyen mpʉ bɨgʉ, njɨ mpʉ mɨpɨpɨʼ.

Kálar Nzyɛ̌m : Ejwán é Sáá

¹⁵ Nó gwá dwɛ̂ʼ gá kʉ̌ tyen bɨ́n dí edû wɨ́. Atiʼe gá mpʉ bígʉʼlʉgʉ́. Tiʼaa gá mpʉ mípɨpɨ́ʼ.

Éfɛsɔs 5:15 ပူးပေါင်းရင်းမြစ်များ

Kolosi 4:5

É jɔʼ bɨn lé ekœʼ ebò e cyen lɨn teme bʉr o ndɨ abe okristen ɨ, dɨʼe sa no e gwɨma ó, bé mɛʼla ó, bɨn bé ó mɨcɨcyoo. Dɨʼe sa ga ó, bɨjɔʼ bin bibyɛh, byé ó bɨn e mpaŋ nyɔm.

Jacques 3:13

É mbɛr Zyɛm win, zé ndɨ cɨcyoo le ngwɨa ɛ? Mʉr ndɨ no e, nye ejala le elɛʼle ocyoo we waa ó, é zi mbɨambɨa ebò e cyen nye lé ekœʼ œ. Nye saʼ mɨmpaŋ bɨsyɛɛla, le etala njwɨr e bʉr bɨbɛh. Mpaŋ ocyoo, wé ó nɨ.

Filipi 1:27

Sa gwar, kœʼœ ga ebò e cyen lé ejala e bʉr o ndɨ ebuʼla Mbɨambɨa Lɔɔ mo Krɨst ɨ. ǃBɨn si sa no nɛʼɛ, me ójoʼo lɔɔ win, gʉa nteme ó, bɨn dina é zyɛŋa win boo Sisim ngwar ɨ, lé ecyɛb é nkʉʼʉ e twii ngwar, le ekœʼ ebò e cyen é zi buʼo mpʉ Mbɨambɨa Lɔɔ lé elɛʼle e. Me ójoʼo lɔɔ é lɔb ebò e cyen laa, me ntɔʼ soho, me dam be si pyal, bee bɨn e mih, me dam liʼ é guu paʼ, ntɔʼ joʼo njɨ lɔɔ e lɔɔ.

1 Korɛnt 14:20

Obɨɔ ga bam aa! Daʼ pahle ga mpʉ bwɔɔncyom! Diʼe ga mpʉ bwɔɔncyom é nko paʼ ebɨ-leme. Sa gwar, é nko paʼ mɨpɛhla min, biʼe ga pɨʼ otamabʉr,

1 Timotɛ 6:9

Bʉr, bé a tiʼe é mɨleme myɔɔ ó, bé bi ó bɨsa twiha ɛ, bé eduma é mobʉbla. Bé efwam bé bʉr o tɨʼ koko é twii. Bé emɛrɔ é mpila bɨgwɨma é buobuo. To kœb ó, bʉr o ndɨ edu bɨgwɨma byaa ɛ, bé edu ó, sa ndɨ ajwɨ̂ʼ ba, yaa ndɨ edaʼre mɨtuu é nyʉl ɨ. Bé e mbi bɨgwɨma ndɨ edimle mʉr ndwe le ejʉ nye e,

1 Pyɛr 1:22

Njoʼa bɨn bé a joʼo ocyecye e, wi pubo bɨn é nko paʼ mɨsyem min ndwe le elɛʼle bɨn mpʉ bɨn lé ejala le ekpɛla paʼra win ɨ. Yé ó mpaŋ kpɛl: kpɛl lé eduho é mɨmo si ɨ.

Mataos 10:16

«Mbe ga: mɨ lomo bɨn mpʉ bɨntœme teme onkœœ! No ó, diʼe ga ncye! Cɨa ga mpʉ onyʉa. Bɨn bé à tala mɨleme mpʉ mopɨba.

1 Tesalonika 5:15

Mʉr abuulo ebebe e l'ebebe. Saʼ ga bɨsyɛɛla bɨ ncwɨncwɨa paʼra win boo bʉr bɨbɛh.

Lʉkas 24:25

No ó Yesʉs a ze lɛɛ e be ó: «Bɨn bʉr o mosono ndɨ luʼo pɨʼ ɨ, alɨ buʼla lɔɔ ogwiha o mɨlɔb, bé a lɛɛ ɛ.

Galásia 3:3

Wáa mbi bɨgʉ bɨn ndɨ ɨ? Bɨn bɛɛ si pa taare lé ebi tiʼ molu mo mpoʼ mɨmɛh é zi Mbɨambɨa Sisim. No ó, zê bɨn mu ó lé eka kpɛl fwahle e nkul ndɨ eduho é nyʉl bɨpuno nwa ɛ?

Ebrœ̂ 12:25

Ebe no, gʉa di ga ncye, ó bɨn beʼ l'abene mʉr mu lé ebal bɨn ɨ. Molu pihe, bé a si bene lé ejoʼo mʉr a ze é si nwaʼ ɛ. Nye a ze ó, nye bal ó be, bɛɛ l'akpɛl joʼo. É jɔʼ yé a ka be ó, ebebe laa pyala be e, yé a baabana ó, bé syɛhla le. No ó, mʉr a ka ze lwib e bɨna ga bɛɛ ɛ, nye ó ndɨ mʉr a duho é jobo kʉ ɨ. ǃBɨna si bene ga ejoʼo lɔɔ we nɛʼɛ, zê bɨna bé ósyɛhle ga bɨntɨʼa bɨ tɨ, laa be ɛ?

Mataos 27:24

Mpʉ Pilat a bee ó, bé a baakpɛl joʼo nye e, ndwe nteme ó, ntuntuma bʉr, yé amu jaa sa bɨntʉ ɨ, no ó nye a ze nʉa modibe, ze jwɨ̀ɨ mobo me é mih mo ntuntuma bʉr yaa. Nye ó: «É paʼ efie mo mʉr nwa, me ó mʉr ndɨ agʉa lɔb ɨ! Lɔb win ó nɨ!»

Mɨngwiha 19:10

Jɔʼ me a joʼo no e, me ntɔʼ bɨʼ mpom wam si é mih me, lé edwiibɨ nye. Nye ze lɛɛ e me ó: «Daʼ sa no. Bɨna bé ó bʉr o ndɨ é l'empomo e syɛɛ egwar ɨ. Me ó mpʉ obɨɔ bo ndwe e l'okɛl bo ndɨ eboʼlo é lɔb mo Yesʉs ɨ. Dweʼ kum njɨ Zyɛm, ebe, ngwiha mɨlɔb nyiwɛh, nye eboʼlo ó, njɨ lɔb mo Yesʉs.»

Mataos 8:4

Yesʉs ze lɛɛ e nye ó: «Anyamle lɛɛ mʉr mpʉ go tiʼe e. Sa gwar, toʼ boo opara. Toʼ, to lɛʼle be mpʉ nyʉl go mu ɨ. Go à dwe mɨndwɛa Moyiz a lɛɛ ó, go lɛʼla be, bé nkʉʼ pubo go e. Yé ósa ó, bʉr gʉŋa ó, gɨ tiʼe.»

Éfɛsɔs 5:33

Sa ndɨ tɨʼ yé ó, mʉrʉm nyiwɛh, nye ejala le ekpɛl myɛl we mpʉ nye lé ekpɛl nye mʉr tɨʼ ɨ. Mʉma nyɛɛ, nye dwaaba njʉm we.

Kolosi 1:9

Ebe no ó bɨh dina lé ejwɨʼla e Zyɛm é l'efu lɨn, agwaʼ ɛ. Taare é jɔʼ bɨh bé a joʼo be lé elwib, tiibe e bɨn ɨ, ze pyal é muh é dobo lɨ, bɨh bé esa Zyɛm mɨnjwɨʼla, ó nye loŋla bɨn pɨʼ ndɨ ó, bɨn gʉŋa bɨgwɨma bɨ leme we. Nye dweʼ bɨn ocyoo wiwɛh, le esa ó, bɨn gʉŋa mɨlɔb Mbɨambɨa Sisim lé eyeʼle e.

Galásia 3:1

Bɨn bʉr o Galat, bé ó kʉ be bɨgʉ. Zé a pa kʉ gomlo bɨn é bebebebe buʼo yɔɔ? Me a si kʉ gʉa lɛʼle bɨn, bɨn ze bee é sʉlʉlʉ mpʉ Lœma mulo mo Zyɛm, Yesʉs, a si bomlɔ e mosen, le ebɨnɔ é klos kʉ ɨ.

Mataos 27:4

Nye ó: «Mɨ sa syem, ebe, me si kɛha mʉr nyoonkan a baakunbo e mpɨŋ ɨ!» No ó bé a ze bɨha e nye ó: «A bɨh bɛɛ, bé e wáa lɔb tɨ? Lɔb go ó nɨ!»

Mataos 25:2

Maʼ motɛn, mé a be ó é gʉʼla. Mʉʉ motɛn, mɨcɨcyoo.

Éfɛsɔs 5:2

Kœʼœ ga ebò e cyen ndɨ elɛʼle leme ncwɨncwɨa win ɨ, mpʉ Krɨst a taare cwɨa e bɨna ga ɛ. Nye a si dwè, jala e bɨna ga, ó nye diʼe mpʉ mɨndwɛa ndwe e motwina. Motwina me maa, mé a be ó e monumo Zyɛm lé ebul kpɛl ɨ.