Éfɛsɔs 5:11 - Kálara Zyɛ̌m Edwán é mpʉ̌n

¹¹ Mʉr beʼ l'atœb bɨsyɛɛla bɨ apum, sa ndɨ abe e nyɔm ɨ. Pyɛlɨ ga bɨdweʼle ndɨ elɛʼle ó, bʉr o ndɨ esa bɨsyɛɛla byaa ɛ, bé e mobe.

Kálar Nzyɛ̌m : Ejwán é Sáá

¹¹ Mʉ̌r sá akǎ báʼǎ nʉa ntœ́b ɨ́ bisyɛ́ɛla bí édúrʉ́ʉ́. Bisyɛ́ɛla byaá, byé abe e nyɔm. Tinaa gá nkɔb nyɨ́n nyaá. Bɨ̌n a gwíh syóm dí tɨ̂ʼ wɨ́.

Éfɛsɔs 5:11 ပူးပေါင်းရင်းမြစ်များ

Rôm 13:12

Pum mu ó lé ekʉ laa. Mɛn, wé mu ó lé ekunbo. Bɨna birɨ ga be bɨsyɛɛla bɨ apum. Bɨna bwara ga mokʉa mo dɔm é l'efu ó, bɨna lwimla ga e me é moho.

1 Timotɛ 5:20

Baa lé esa syem ɨ, dilɨ be si é pono, go à láa be bɨbaa bɨ ebebe byɔɔ. É jɔʼ yaa ó bʉʉ bʉr o sama yaa, bé ójoʼo bʉa lé esa syem yaa ɛ.

2 Tesalonika 3:6

Obɨɔ ga bam aa! É die mo Tî ga wina Yesʉs-Krɨst, bɨh bé elɛɛ bɨn ó, bɨn tiʼa nduula e mbuʼla win nyiwɛh lé esa epɨh ɨ. Cɛra ga e nye, ebe, nye adu mɨnjwɨr bɨh bé a ntɛŋ bɨn ɨ.

Rôm 16:17

No ó, obɨɔ ga bam, me ejwɨʼla e bɨn ó nɛɛ: bɨn bé à di ncye é nko paʼ bʉr o b'a tɨ mɨlɛa mih é jɔʼ bɨh bé a dwe bɨn sikʉlʉ ɨ. Bé esa mpɔʼa monkɔm lé ekol obɨɔ bɔɔ ebɔʼ bé óbɨm é mɨleme e. Cɛra ga e be!

Mɨngwiha 18:4

Me a si joʼo nuu twii lé eduho é jobo kʉ, lé elɛɛ ó: «Bʉr bam, duha ga tina. Adi ga teme bʉr onɨ, lé ekpɛɛ ó, bɨn jaa tœb syem ngwar wɔɔ waa, sia nteme e bɨntɨʼa jwɨʼ gwar e gwar e mpʉ bé ósia e bye e!»

Títos 2:15

No ó go lé ejala le elwib e bʉr, le etɨe be e. Dweʼ bʉr mobe e nkul mojwɨ̀ʼa go ndɨ e nye e. Mʉr beʼ l'apyeh go.

2 Tesalonika 3:14

ǃƗ mʉr si be, ajoʼo motɨɨ bɨh lé edwe bɨn é kalara nwaʼ nɛʼɛ, nʉŋa ga nye die. Tiʼa ga nduula e nye. É mbi waa ó nye ójoʼo fwon ɨ.

Rôm 6:21

Wáa nyɔm bɨn bé a dira e mɨsyem bɨn bé a sa ɛ? Banana, bɨn mu ó lé ejoʼo fwon lé etoŋlo bɨsyɛɛla bɨ ebebe byaa. Byé ó ndɨ eto e bʉr nko efie.

2 Timotɛ 3:5

Bé ósa jaale, lé ejɨ nyin ó, bɛɛ ó ndɨ edwaabe Zyɛm. To kœb ó, bé ókɛla ó, buʼo ga yina, yé abe e nkul. Cɛra e bʉr onɨ.

Galásia 6:8

Mʉr lé edu bɨgwɨma bɨ nyʉl bɨpuno we e, nye óbi efie, duho é bɨsyɛɛla bɨ tɨ. To kœb ó, waa lé edu zi Mbɨambɨa Sisim lé ekpɛl ɨ, nye óbi tiʼ molu mo mpoʼ mɨmɛh é zi mo Mbɨambɨa Sisim.

1 Tesalonika 5:7

ebe, baadwo-bɨlɛr onɨ, bé eja ó, é mɨpum. Mɨnunwoʼ, myé efwaʼ-fwaʼ monwoʼ ó, é mɨpum.

Lʉkas 3:19

To kœb ó, njwɨɨbʉr Erod Antɨpas a be ó si di e Erodiad, myaa ncyom we. Nye nteme a be ó si sa byʉʉ bɨsa bɨ ebebe é buobuo. É jɔʼ yaa yiyɛh, Yʉanes a be-be ó lé edwe nye mobe tɨ.

Éfɛsɔs 5:7

Ebe no, mʉr atœb ga bɨsyɛɛla bɨ bʉr onɨ!

Éfɛsɔs 4:22

Bɨn bé a yeʼlɔ ó, bɨn bé ejala le ebir mɨnjʉ̌m motum mɨn, sa lé eduho é l'ebò e cyen bɨn bé a kœʼ œ. Bɨgwɨma bɨ nyʉl bɨpuno byaa, byé egomlo bʉr é bebebebe zi.

Mataos 18:15

«ǃƗ mɨɔ go si sa syem é paʼ go nɛʼɛ, toʼ, to saa nye. Go à láa nye baa ebebe tɨ, bɨn e nɔɔ oba. ǃNye si mɛʼle ó, nyi sa syem nɛʼɛ, lɛɛ ó, gɨ dwih mɨɔ go é mpila ebebe é pololo. Bɨn bé óbâʼle duula.

1 Timotɛ 6:5

Esyɛb laa ó ndɨ esa ó, bʉr saʼ zyee lé esa mosono paʼra wɔɔ. Bé esa-sa no ó, bé e bʉʉ bʉr o ndɨ e bɨbol mɨpɛhla, baa b'a dɛʼɔ ocyecye e. Bé eniŋe ó, bé óbi-bi bɨmɔn é jɔʼ bʉr, bé ópaʼle be é mpʉ bé lé egʉa dwaabe Zyɛm ɨ.

Mɨlʉmlʉ 26:18

Me elomo go ó, go bɛŋɨ bʉr mih. Go dwihɨ be é l'edurʉ, cen be é myɛn; dwih be é mpel mo Satan, cen be nko bé e Zyɛm, bé ódɨ di ɨ. Me ópɛʼ bɨbaa me a niʼe é lɔb mɨsyem myɔɔ ɛ, lé edwe be dia é l'esama e bʉr o b'a jyɛʼ taa buʼo yɔɔ boo me, mɛm ntɔʼ pubo e.”

Éfɛsɔs 5:12

Yé é bul sa bɨna ga fwon lé etublo bɨsyɛɛla bé lé esa é mofo, bɨna dam tublo ga njɨ mie.

Kolosi 1:12

Bɨh bé edwe Zyɛm Sɔŋ kum, ebe, bɨn bé a si bi dia yin é jwɨ̀ʼa ye jwɨʼ gwar e gwar e mɨsaŋ mɨ bʉr be bɨbɛh, baa bɨn e boo nɔɔ mu si cenɔ é myɛn tʉŋlʉ ɨ.

1 Timotɛ 5:22

Akpahbe kɛl mʉr mobo é lʉ, nkʉ sʉ nye mocyɛʼ mo mpom, ó nye cyelɔ é dia ɨ Mbɛr-Zyɛm tʉŋlʉ. ǃGo óbe si sa no nɛʼɛ, go amu jaa tœb mɨsyem myoonkan é zi waa. é nko paʼ ebò e cyen go lé ekœʼ œ, lé diʼe é pememe.