Éfɛsɔs 5:10 - Kálara Zyɛ̌m Edwán é mpʉ̌n

¹⁰ Saŋa ga ó, bɨn dweʼa sa Da Yesʉs lé ebee mbɨmbɨa ɛ.

Kálar Nzyɛ̌m : Ejwán é Sáá

¹⁰ Gʉ́ŋáá gá sá Tî Yésʉs dí ebeě mbɨ̂mbɨá yɨ́.

Éfɛsɔs 5:10 ပူးပေါင်းရင်းမြစ်များ

Ebrœ̂ 12:28

Ebe no, bɨna dweʼ ga Zyɛm ekiba, ebe, nyi niŋle bɨna ga é jwɨ̀ʼa ye. Yé abe e nkul epɨŋla. Bɨna dwiibɨ ga nye le ebil ekɛn é mih me, ndwɛa kum ga wina waa nkʉʼ jala e nye,

1 Pyɛr 2:20

ǃBɨn si sa syem, bɨn ntɔʼ dihbe ebiʼe nɛʼɛ, ebe yé bɨn lé enkɛɛ monyʉl ó, bʉr seʼla bɨn ɨ? To kœb ó, bɨn bé ósʉŋɔ mocyɛʼ mo mpom mo Zyɛm é jɔʼ bɨn bé ócwɨa e bʉr, bɨn ntɔʼ sia e bɨntɨʼa le bihbe e.

1 Pyɛr 2:5

Zyɛm, nye efumo mbɛr, waa Sisim mo Zyɛm ódi tɨʼ ɨ. Diʼe ga mokoʼ mo mbɛr waa, maa lé etiʼe é mih mo Zyɛm, maa lé ebɨrɔ tɨʼ é fumo waa ɛ. Bɨn bé ófuʼla mɨsaŋ mɨ opara é mih mo Zyɛm. Motwina bɨn bé ódwe nye é zi Sisim we e, nye óbee me mbɨmbɨa ó, dumo e Yesʉs-Krɨst.

1 Tesalonika 5:21

Timla ga bɨsa bibyɛh. Sa ndɨ é mbɨa ɛ, mɛrɨ ga ye é kpɨɨɨ.

1 Timotɛ 2:3

Zyɛm, Tiʼbʉr ga wina, nye ebee syɛɛla yaa mbɨmbɨa.

Filipi 1:10

Ebe no ó bɨn bé óbe e nkul edweʼe sa ndɨ é bul jɨŋɔ ɛ. É dobo Krɨst óbula ze e, nye ókœb ó, bɨn mu ó bʉr o b'ocyecye, abe e mobe.

Rôm 14:18

Ebe, mʉr lé esea e Yesʉs-Krɨst é mbi waa ɛ, Zyɛm, nye ebee nye mbɨmbɨa, bʉr nteme seʼle nye.

1 Timotɛ 5:4

ǃƗ guu kuho, wé be e bwan, nkʉ onta nɛʼɛ, bwan be baa, bé ejala le etaare jwɨʼ lé esa syɛɛ-Zyɛm ó, é mbɛr bʉr wɔɔ tʉŋlʉ, le ebaʼle nyɔŋ wɔɔ, nkʉ nyɔŋ mpam wɔɔ. Bé nkʉʼ jɛna e l'osɔŋ le onyɔŋ ndwe e bɨmpam byɔɔ mpɔla é l'efu e bɨsyɛɛla bɛɛ, bé a pa sa be e, ebe, sa yaa, yé é mbɨa é mih mo Zyɛm.

Filipi 4:18

Me a si bi sa yiyɛh bɨn bé a lomlo me e. Bim yaa, yé é buo! Me mu ó, é twiha ebe bɨsa Epafrɔdit a ze e bye e. Zyɛm, nye ebee mɨndwɛa min mbɨmbɨa, mpʉ nye lé enʉa motwina ndɨ ediʼɔ nye e bɨsʉhʉ ɨ.

Kolosi 1:10

É mbi waa ó bɨn bé ókœʼ ebò e cyen lé ejala e Da Yesʉs ɨ, le esa sa nye lé ebul kpɛl ɨ. Bɨn bé óto dolo lé esa mɨmpaŋ bɨsyɛɛla bin bibyɛh, le egumo mɨmpaŋ mɨ mpumo lé ejala e nye e. Toʼ ga dolo lé egwɨe é pɨʼ, lé egʉa Zyɛm é kpɛhla.