Éfɛsɔs 4:7 - Kálara Zyɛ̌m Edwán é mpʉ̌n

⁷ Bɨna ga bɨbɛh, bé a be ó si bi mɨndwɛa mɨmbi mɨmbi lé edu mpʉ Krɨst nyɛɛ lé entɨh bɨna ga mya ɛ.

Kálar Nzyɛ̌m : Ejwán é Sáá

⁷ Mɨná gá óbɛ̂h, bé á be ó sí bi míndwéá mimbi mimbi lɨ́ edû mpʉ̌ Krîst nyɨɛ á ntɨh mɨná gá myǎ yɨ́.

Éfɛsɔs 4:7 ပူးပေါင်းရင်းမြစ်များ

Rôm 12:3

Zyɛm a si lɛʼle me ncwɨncwɨa we. É zi ncwɨncwɨa we waa ó me lé elɛɛ e mʉr nyiwɛh ndɨ é l'esama lɨn ó: mʉr beʼ l'abul láa nye mʉr tɨ. Nye seʼla nye mʉr tɨ, antaa njɨ. Mʉr nyiwɛh, nye pahla nye mʉr tɨ, nye nkʉʼ gʉa mbi mʉr nye ndɨ ɨ, lé edu mbi buʼo Zyɛm a gba nye é leme e.

1 Pyɛr 4:10

Mpʉ mʉr nyiwɛh é l'esama ga lɨna a bi we mbi ndwɛa ɛ, nye bɨlana e ndwɛa we waa é l'efu le efuʼo bʉʉ bʉr o mbɛr Zyɛm win. Dɨʼe sa ga no, ebe, bɨn bé ó obɔʼlʉ o mɨlɔb mo Zyɛm, lé ekab bʉr mocyɛʼ mo mpom mo Zyɛm mɨmbi mɨmbi.

Éfɛsɔs 3:2

Zê bɨn bé a baasi joʼo mpʉ Zyɛm a sa ó, me diʼe syɛl mosa we e? Nye a si kʉ lɛʼle me ncwɨncwɨa we, me nkʉʼ be bɨn e nyɔm lé eloŋlo jwɨʼ ye.

Éfɛsɔs 3:8

É sama mɨsaŋ mɨ bʉr mo Zyɛm bɨh e boo nɔɔ ndɨ ɨ, bʉʉ bɨbɛh, bé ejala le etaare nʉŋɔ, gbaŋɔ é nkɔb. Dam be no, Zyɛm a si lɛʼle me ncwɨncwɨa we, ó me lɛŋɨ Mbɨambɨa Lɔɔ mo Yesʉs-Krɨst boo bʉr o ndɨ abe oYʉden ɨ, ó bé gʉŋa okum e l'ogbaa Krɨst lé eze bɨna ga e wa ɛ, dam be ó, wé ákwoʼ gʉŋɔ wiwɛh.

Mataos 25:15

Nye ntɔʼ dwe mʉr efoʼ mɨmpɨʼ mɨ gol mɨtɛn, dwe waa mba mɨmpɨʼ mɨ gol mɨmba, waa lɛl, mpɨʼ gol ngwar. Nye a dwe be mya ó, lé edu mpʉ mʉr nyiwɛh a be e nkul ebaʼle bɨsa bye e. Nye ze tɨ cyen.

Yʉanes 3:34

Mʉr Zyɛm a lomo e, nye lé entɛŋ ó, mokan mo Zyɛm, ebe, Zyɛm ó lé elomlo nye Mbɨambɨa Sisim, ntinɨ e ntinɨ.

2 Korɛnt 6:1

No ó, mpʉ bɨh lé esea e Zyɛm syɛɛ gwar yaa ɛ, no nteme ó bɨh lé ejwɨʼla e bɨn ó, é mpʉ Zyɛm mu si lɛʼle bɨn ncwɨncwɨa no e, abi ga ncwɨncwɨa waa mbɛh,

Ebrœ̂ 2:4

Zyɛm, nyi ze boʼlo nteme ó, mpaŋla waa, nye ó cyecye, ebe, nye a si ntɨh bɨdweʼle bɨ nkul we, e bɨsa bɨ jehe ndwe e mosima mɨmbi mɨmbi, to kumo kuma e mɨndwɛa Mbɨambɨa Sisim lé entɨh bɨna ga ɛ, du mpʉ nye lé egwɨm sa ɛ.