Éfɛsɔs 4:6 - Kálara Zyɛ̌m Edwán é mpʉ̌n

⁶ Zyɛm, nye ó njɨ ngwar, Sɔŋ bʉr bɨbɛh. Nye ó lʉ sa yiyɛh, é sa yiyɛh. Nye nteme ó ndɨ é mʉr nyiwɛh tʉŋlʉ.

Kálar Nzyɛ̌m : Ejwán é Sáá

⁶ Waá dí Nzyɛ̌m bʉ̂r bɨ́bɛ̂h, dí ntémé Sɔ́ŋ bʉr bɨ́bɛ̂h nyá, nyé ó njɨ ngwár. Nye lɨ́ ejwɨ́ɨ̌ sá yɨ́yɛ̂h. Nye ntémé ó dí eséa, cɨɨ e nzɨ̌ sá yɨ́yɛ̂h. Nye ɨ́ sá yɨ́yɛ̂h.

Éfɛsɔs 4:6 ပူးပေါင်းရင်းမြစ်များ

Rôm 11:36

Yé abe e mʉr, ebe, Zyɛm ó b'a cye bɨsa bibyɛh. Byé a kwɨmlɨ nteme ó, dumo e nye. Sa yiyɛh, yé tɨʼ ó, é l'efu le. Bɨna gumla ga nye njʉmdia e njʉmdia. Amɛn.

1 Korɛnt 8:6

é mbea ga wina, bɨna ga bé ó njɨ e Zyɛm ngwar, waa ndɨ Sɔŋ ga wina ɛ. Nye ó b'a cye sa yiyɛh. Bɨtiʼ ga bina, byé ekʉ dwɛʼ ó njɨ nye e nye. Yé nteme, yé ó njɨ Tî ngwar, Yesʉs-Krɨst. Sa yiyɛh, yé a cyeŋɔ ó, é zi we. Bɨna bé etiʼe ga ó, é zi we.

Yʉanes 20:17

Yesʉs, nye e nye ó: «Daʼ nara e me, ebe, me dina ó apa to é jobo kʉ, boo Sɔŋ. Toʼ, to lɛɛ obɨɔ bam ó: “Me mu ó lé ebere, bula to nko Sɔŋ wam ndɨ ɨ. Nye nteme, nye ó sɔŋ win. Nye ó Zyɛm wam. Nye ó Zyɛm win nteme.”»

1 Yʉanes 3:24

Mʉr lé edu motie mo Zyɛm ɨ, nye edi ó, é zyɛŋa wɔɔ boo Zyɛm; Zyɛm nteme é zyɛŋa wɔɔ boo mʉr waa. Bɨna bé egʉa ga ó, Zyɛm, nye é zyɛŋa ga wina boo nɔɔ ó, ebe, nye a si ntɨh bɨna ga Sisim we.

Mataos 6:9

«Ebe no, bɨn bɛɛ, dɨʼe jwɨʼla ga e Zyɛm é mbi wi: “Sɔŋ wih ndɨ é jobo tʉŋlʉ ɨ, lɛʼla bʉr bɨbɛh ó, go ó Zyɛm ndɨ ti ɨ.

2 Korɛnt 6:16

Zê opara ndɨ esea é l'Odia mo Zyɛm tʉŋlʉ ɨ, bé e baa lé eto é mpah bé ndɨ edwiibɨ bɨbaŋabaŋa bɨdweʼle e, bé ó e nkul emɛʼle mɨlɔb é mbi ngwar ɛ? Ebe, monyʉl ga mɨna, mé ó bana kʉ be Odia mo Zyɛm ndɨ kublakubla ɛ! Zyɛm nye mʉr tɨʼ a lɛɛ ó: «Me ódi é sama yɔɔ, lé ekœʼ e be. Me óbe ó Zyɛm wɔɔ. Bɛɛ, bé óbe ó bʉr bam.»

1 Korɛnt 12:6

Yé é buo mɨmbi bɨsyɛɛla Mbɨambɨa Sisim ndɨ e nkul esa é zi bʉr ɨ. To kœb ó, Sisim ngwar e ngwar waa ó lé esa bibyɛh é bʉr be bɨbɛh.

Éfɛsɔs 6:23

Zyɛm Sɔŋ bé e Da Yesʉs-Krɨst, bé gbaʼ bɨn, obuʼla, motala é mɨleme ndwe e kpɛl, kumo e buʼo.

Éfɛsɔs 3:17

Me ejwɨʼla nteme e nye ó, Krɨst komla odia we é mɨleme min tʉŋlʉ, ebe buʼo yin. Me ejwɨʼla nteme e nye ó, bɨn cyɛba é nkʉʼʉ ebe leme ncwɨncwɨa win.

Éfɛsɔs 2:22

Da Yesʉs ó lé esa nteme ó, bɨn cyelɔ é bɨcye bin, mɨfuma é l'odia Zyɛm ódi ɨ. Sisim we ó ndɨ elɛʼle bɨgumo bɨn lé ejala le ecyɛb é odia waa ɛ.

Yʉanes 17:26

Me a si lɛʼle be mpʉ go ndɨ ɨ. Me nteme óbâʼle lɛʼle be. Ebe no, kpɛl go lé ekpɛl me e, yé óntaa é be, ebe, me mʉr tɨ, me óbe ó é be.»

Yʉanes 14:23

Yesʉs ze bɨha e nye ó: «Mʉr lé ekpɛl me e, nye óbaʼle sikʉlʉ me a dwe bɨn ɨ, ndwe le edu ye. Sɔŋ wam ókpɛl nye. No ó, bɨh e Sɔŋ wam, bé óze boo nye, ze komlo odia wih tɨ.

Mataos 6:13

Ato e bɨh é mobʉbla tʉŋlʉ. Syɛbɨ bɨh é mobo mo Bɨbla-mʉr. [Ebe, mojwɨ̀ʼa e nkul ndwe e moncɛnba, byé ó byo, to pyal é mɨmya mimyɛh. Amɛn!]”

Éfɛsɔs 1:21

Zyɛm a dil nye é dia taʼa yaa ó, é mɨsisim mɨ apum kʉ, taare é myaa mɨ jwɨɨ, bé e myaa mɨ nkul ndwe e myaa ndɨ e monkul monɨnɨ ɨ, to pyal é myaa ndɨ mɨlʉ ɨ. Krɨst ó ndɨ elaa bɨbɛh é mpwaʼ nkʉŋ. Nkʉŋ we ó lé elaa bwaʼbwaʼ nkʉŋ ndɨ e nkul egwimlɨ é mbi jɔʼ yi, nkʉ é jwɨ̀ʼa ye, yé óka cyelɔ ɛ.