Éfɛsɔs 4:5 - Kálara Zyɛ̌m Edwán é mpʉ̌n

⁵ Tî ga wina, nye ó ngwar. Bɨna bé emɛʼle ga ó, buʼo gwar. Bɨna bé enʉa ga ó, ndubo ngwar.

Kálar Nzyɛ̌m : Ejwán é Sáá

⁵ Njwɨ́ɨ gá wɨ́ná, nye ó ngwár. Mɨná kam gá ó, búʼó gwár. Mɨná duŋɔɔ gá ó, ndubó ngwár.

Éfɛsɔs 4:5 ပူးပေါင်းရင်းမြစ်များ

1 Korɛnt 8:6

é mbea ga wina, bɨna ga bé ó njɨ e Zyɛm ngwar, waa ndɨ Sɔŋ ga wina ɛ. Nye ó b'a cye sa yiyɛh. Bɨtiʼ ga bina, byé ekʉ dwɛʼ ó njɨ nye e nye. Yé nteme, yé ó njɨ Tî ngwar, Yesʉs-Krɨst. Sa yiyɛh, yé a cyeŋɔ ó, é zi we. Bɨna bé etiʼe ga ó, é zi we.

1 Korɛnt 12:13

Bɨna ga bɨbɛh bé a si nʉa ndubo ngwar, ntɔʼ ka di nyʉl ngwar é zi Sisim ngwar. Sisim ngwar ó b'a ze di é mɨleme ga mina. Bɨna ga bé ó jwɨʼ gwar yaa, mʉr dam be Yʉden, nkʉ mʉr kul fih, nye dam be elʉa, nkʉ mʉr ndɨ é dia otî ɨ.

1 Pyɛr 3:21

Modibe maa, mé edweʼle ó, ndubo mu lé edwe bɨn tiʼ é bananaʼ ɛ. Wé esa no ó, ebe, wé ó gwɨma bɨna lé egwɨm ga ɛ, ó Zyɛm puba bɨna ga, to pyal é mɨleme ga mina tʉŋlʉ, ó mɨpɛhla mɨ tɨʼ nkʉʼ di é pyɛɛɛ. Nye epubo bɨna ga mɨleme myaa ó, ebe pɛ̀ha foo mo Yesʉs-Krɨst. Ndubo ga wina, wé atiʼ bɨna ga ebe mobomo wé lé epɛʼ é nyʉl ɨ.

Rôm 3:30

ebe, Zyɛm, nye ó njɨ ngwar! É nko paʼ bʉr o b'a saŋɔ mpʉn ɨ, nye edwe be mokebe ó, ebe taa buʼo bé lé ejyɛʼ boo Zyɛm ɨ. Nye edwe mokebe nteme ó, bʉr o b'a baasaŋɔ mpʉn ɨ, ebe buʼo gwar yaa.

Mataos 28:19

Ebe no, toʼ ga é si nwaʼ nyiwɛh. Bɨn bé à sa bɨkul bibyɛh ompʉn bam. Bɨn bé òdù be é die mo Sɔŋ e Mwan ndwe e Mbɨambɨa Sisim.

1 Korɛnt 1:13

Zê Krɨst mu ó monkɔb monkɔb ɛ? Zê mɛm Pol ó b'a cyèlɔ é klos kʉ lé ejala e bɨn ɛ? Zê bɨn bé a nʉa ndubo ó, é die lam ɛ?

Yʉ̂d 1:3

Obɨɔ o kpɛl bam aa! Me a taare bee ó, sa ndɨ ekʉ jala ɛ, yé a be ó, me tila bɨn é lɔb tiʼ molu mo mpoʼ mɨmɛh, e mpʉ bɨna bé a bi ga tiʼ yaa mbi ngwar ɨ. No ó, me a ze bee ó, me ófuo ka tile bɨn ó, bɨn lwimla dɔm. Dɔm laa, lé ó, bɨna kamla ga e buʼo ga yina, yé diʼe mpʉ Zyɛm a bɛa ntɨh mɨsaŋ mɨ bʉr be ya ɛ.

2 Korɛnt 11:4

Bɨn sa ó, bana kʉ dihbe ó, nuu mʉr ntaʼ, ze lɛɛ bɨn lɔɔ mo Yesʉs fih, Yesʉs yaa abe mʉr mpaŋla we bɨh bé a cen ɨ. Bɨn nteme bé é car lé emɛʼle sisim fih le guu lɔɔ fih, abe Sisim le Mbɨambɨa Lɔɔ bɨh bé a tuno e.

Filipi 2:11

No nteme ó mʉr nyiwɛh ómɛʼle ó, Yesʉs-Krɨst ó ndɨ bwaʼbwaʼ Njwɨɨ, lé edwe Zyɛm Sɔŋ kum é zi waa.

Éfɛsɔs 4:13

É mbi waa, bɨna ga bɨbɛh, bé óbe ga ó zyɛŋa, cwɨɨ é zi buʼo gwar. Bɨna bé ógʉa ga Mwan mo Zyɛm é kpɛhla. Bɨna bé óbi ga pɨʼ otamabʉr, ntɔʼ gbabla le elele é mɨpaʼ mimyɛh, lé efuʼla nʉa cye mo Krɨst nye mʉr tɨ.

Galásia 5:6

Yé be ó, mʉr fih mʉr kɛ̀l, nyi di é zyɛŋa wɔɔ boo Yesʉs-Krɨst nɛʼɛ, lɛɛ ó, esaŋɔ mpʉn, lé aŋa ka be nye e nyɔm. Yé nteme, yé aŋa ntɨʼ, nkʉ nye óbe, l'asaŋɔ nye. Sa ndɨ nye e nyɔm ɨ, yé ó mbi buʼo lé enyin é bɨsyɛɛla bɨ ncwɨncwɨa ɛ.

1 Korɛnt 12:5

Yé é buo mɨmbi bɨsyɛɛ bɨna lé esea ga ɛ. Sa gwar, bɨna bé esea ga bɨsyɛɛ byaa ó, é l'efu e Njwɨɨ ngwar.

1 Korɛnt 1:2

Bɨh bé etile ó, bʉr o mbɛr Zyɛm ndɨ ɨ Korɛnt ɨ. Yesʉs-Krɨst a si pubo bɨn. Zyɛm a jebe bɨn ó, bɨn diʼe mɨsaŋ mɨ bʉr be, bɨn e bʉr bɨbɛh ndɨ esa Tî ga wina Yesʉs-Krɨst mɨnjwɨʼla bɨgumo bɨgumo e. Nye ó Tî ga wina boo nɔɔ.

Yʉ̂d 1:20

Obɨɔ o kpɛl bam aa! Gwɨa ga é buʼo ti yin. Dɨʼe jwɨʼla ga nteme e Zyɛm é zi mo Mbɨambɨa Sisim.

Ebrœ̂ 13:7

Toŋla ga ocyɛb be efoʼ bɨn, baa b'a lɛɛ-lɛɛ bɨn lɔɔ Zyɛm ɨ. Toŋla ga ebò e cyen bé a kœʼ œ, e ndumlo bɨtiʼ byɔɔ. Jyɛʼɛ ga taa buʼo yin boo Zyɛm mpʉ bé a sa ɛ.

Títos 1:4

Me etile ó, gwɔɔ Tit, ndɨ me mwan é nko paʼ buʼo yina ɛ. Mocyɛʼ mo mpom le motala mo Zyɛm Sɔŋ bé e Yesʉs-Krɨst, Tiʼbʉr ga wina, mé swɨŋɨ é go.

Títos 1:1

Mɛm Pol, syɛl mosa mo Zyɛm, ndwe e lʉmlʉ mo Yesʉs-Krɨst ó lé etile go kalara nwa. Me esea syɛɛ yaa é l'efu e bʉr o Zyɛm a pɛh ɛ, ó me gbaʼ be nkul é monyʉl, ó bé jyɛʼɛ taa buʼo yɔɔ boo Zyɛm. Me elɛʼle be ocyecye ndɨ esa ó, mʉr dwaaba Zyɛm ɨ.

Filipi 3:8

Yé ó no! É mpʉ mɨ gʉa Tî wam Yesʉs-Krɨst ɨ, me mu lé enʉa bɨsa bɨfih bibyɛh mpʉ sa ndɨ mbɛh ɛ. Mɨ dimle bɨsa bibyɛh ó, me nkʉʼ jyɛʼ taa buʼo yam boo nye. Mɨ ka nʉa bye ó, mpʉ sa lé ejala le emyahɔ é diʼ ɨ. Me ekʉ tìne bye ó, me nkʉʼ bi nkul di é zyɛŋa wih boo Krɨst!

Mɨlʉmlʉ 10:36

Bɨn bé egʉa lɔɔ Zyɛm a ntɨh bwa b'Ɨzraɛl ɨ. Mbɨambɨa Lɔɔ waa, wé ó wi: Zyɛm óbula gba mʉr motala é leme ó, dumo e Yesʉs-Krɨst, ndɨ Tî bʉr bɨbɛh ɛ.

Mɨlʉmlʉ 2:36

Pyɛr ze ko tɨʼ ó: «Bʉr o ndɨ kaʼ é lal Ɨzraɛl ɨ, bé ejala le ekʉ gʉa lɔb wi: mʉr bɨn bé a cyèl é klos kʉ ɨ, die le Yesʉs, nye ó waa Zyɛm a cyel é dia Tî ga wina le é dia Lœma mulo mo Zyɛm!»

2 Pyɛr 1:1

Mɛm, Simɔn Pyɛr, ndɨ syɛl mosa mo Yesʉs-Krɨst, ndɨ nteme lʉmlʉ we e, ó lé etile bɨn kalara nwa. Me etile ó bʉr o b'a bi mbi buʼo bɨh ndɨ e ye e, buʼo ga yina e l'odime é mɨpaʼ mimyɛh. Bɨna bé a bi ga buʼo yaa ó, ebe syɛɛla mo Yesʉs-Krɨst yé a be cɨcyel ɨ. Nye ó Zyɛm ga wina le Tiʼbʉr ga wina.

Jacques 2:18

Mʉr óbɛm lɛɛ ó: «Baʼ bʉr, bé ejyɛʼ taa buʼo boo Zyɛm. Bʉʉ bɛɛ, bé esa mɨmpaŋ bɨsyɛɛla.» No ó, me ebula lɛɛ e mʉr nɨ ó: «Wáa mbi go ndɨ e nkul elɛʼle bʉr buʼo yo ndɨ anyin mɨmpaŋ bɨsyɛɛla nɨ? Mɛm ólɛʼle nye yaa yam é zi mɨmpaŋ bɨsyɛɛla byam, ó nye beŋɨ ó, mɨ jyɛʼ taa buʼo yam boo Zyɛm.»