Éfɛsɔs 4:28 - Kálara Zyɛ̌m Edwán é mpʉ̌n

²⁸ Mʉr a be-be ndiblʉ ɨ, nye gwaʼa díbe. Nye sea syɛɛ ndɨ e nyɔm ɨ, e mobo me, é mbi ndɨ ó, nye diʼe e sa nye ógul baanteʼenteʼe e ye e.

Kálar Nzyɛ̌m : Ejwán é Sáá

²⁸ Mʉr á bɨbe ndíblʉ̌ nyá, nye gwáʼaa díbe. Nye séaa syɛ́ɛ́ dí e nyɔm yɨ́, e mebó mé, ɨ́ mbi dí ó, nye díʼee e sá nyé ósúʼo báántéʼenteʼe o bʉ̂r e yé yɨ́.

Éfɛsɔs 4:28 ပူးပေါင်းရင်းမြစ်များ

1 Timotɛ 6:18

Lɛŋɨ be ó, bé saʼ embɨa. Okum wɔɔ, wé diʼe é nko paʼ mɨmpaŋ bɨsyɛɛla bé lé esa ɛ. Mɨleme, myé diʼe be é ntɨɨɨŋ ó, bé cwɨa e bʉr, lé eto gul be é zi mobi mɔɔ.

Galásia 6:10

Ebe no, ǃbɨna si bi ga epʉla tɨʼ nɛʼɛ, bɨna gbaʼ ga monyʉl ó, bɨna cwɨa ga e bʉr bɨbɛh. Sa gwar, kʉ bul cwɨa ga e bʉr o Mbɛr-Zyɛm ga wina, ndɨ bʉr o buʼo gwar ɨ.

Yʉanes 12:6

(Nye a baalɛɛ no ebe nkʉnkoo nye a joʼo baanteʼenteʼe e. Nye a kʉ ka lwib no ó njɨ, ebe, nye a be ó ndiblʉ. Nye ó b'a baʼle ekuro lɔɔ, lé edíbe-díbe sa bʉr, bé a gba-gba tɨʼ ɨ, cyel é we mpɨʼ.)

Lʉkas 19:8

No ó, Zachée a ze cyɛb, lɛɛ e Da ó: «Da, paʼ bee: Me óbɛʼ bɨsa byam, nʉa peh, jala e nkɔb ngwar é monkɔb moba, to dwe baanteʼenteʼe. Yé be ó, me a be ó si kʉa nuu mʉr, nʉa nye mɔn nɛʼɛ, me óbuulo nye ya, ntɔʼ ko bim mɔn yaa zɔʼ nâ tɨʼ kʉ.»

2 Korɛnt 8:12

Ebe, ǃbɨn si dwe Zyɛm yʉʉ sɔʼɔ e mpaŋ gwɨma nɛʼɛ, Zyɛm óbee ndwɛa waa mbɨmbɨa, lé ejwɨʼ e mobi bɨn ndɨ e me e. Nye aŋa jwɨʼ we e sa bɨn ndɨ abe e ye e.

2 Korɛnt 8:2

Bé a si kʉ boblɔ é zi mɨtuu e mɨndɛl bé a sia e mye e. Dam be é l'enteʼe le egoblo lɔɔ, bwaʼbwaʼ bɨsʉhʉ byɔɔ, byé a si kʉ nyin é pono é zi mɨndwɛa myɔɔ.

Rôm 12:13

Dweʼ ga mɨsaŋ mɨ bʉr mo Zyɛm bɨsa lé esa be sɔɔlʉ ɨ. Dɨʼe bɨlan ga e l'ojyoo lé epyal bɨn ye e.

Yʉanes 13:29

Bé a niŋe ó, yé a be ó é lɔb dia mbɔʼlʉ ekuro Yʉdas a cyelɔ tɨʼ ɨ. Bé a dɨ jwɨʼ ó, Yesʉs a lomo nye ó, nye toʼ, to bwam sa yé óbe be e nyɔm é l'ebʉʼ ɨ, nkʉ ntɔʼ ó, nye toʼ, to gul baanteʼenteʼe.)

Lʉkas 3:8

Guma ga mɨmpaŋ mɨ mpumo lé ejala e bʉr mu si gwɨma mobebe mɔɔ, dwir mɨleme e. Ataare ga lé elɛɛla paʼra win ó: “Bɨna ga bé e sɔŋ ó, Abraham,” ebe, me elɛɛ bɨn cyecye ó nɛɛ: Zyɛm óbɛm liŋ mokoʼ maʼ bwan mo Abraham.

1 Korɛnt 4:12

Bɨh bé esea syɛɛ ndɨ é lele lele e, lé esaa tiʼ yih, bɨh bʉr o tɨ. É jɔʼ bé lé elwɨɨ bɨh ɨ, bɨh bɛɛ, bé esʉ be ó, mocyɛʼ mo mpom. É jɔʼ bé lé etíile bɨh ɨ, bɨh bé edihbe tíila yɔɔ.

Títos 3:8

Lɔɔ nɨ, wé ó lɔɔ ebuʼla. Me ekpɛl ó, go boʼla e bʉr ó, wé ó tɨʼ cyecye. Yé ó ngo sa ó, bʉr o b'a jyɛʼ taa buʼo yɔɔ boo Zyɛm ɨ, bé dɨʼe sa mɨmpaŋ bɨsyɛɛla ɛ. Bɨsyɛɛla byaa, byé e nyɔm é nko paʼ bʉr bɨbɛh.

Títos 3:14

Yé ejala ó, bʉr o ndɨ paʼra ga wina ɛ, bé jwɨʼɨ lé esa mɨmpaŋ bɨsyɛɛla. Ebe no ó bɨn bé ógʉa egul baanteʼenteʼe, é mbi ndɨ ó bɨn beʼ l'aka baʼ mobo e.