Éfɛsɔs 4:25 - Kálara Zyɛ̌m Edwán é mpʉ̌n

²⁵ Daʼ lɛɛ ga mpʉl paʼra win. Mʉr nyiwɛh, nye lɛŋɨ mɨɔ we mʉr njɨ ocyecye, ebe, bɨna ga mu ó bɨfum bɨ nyʉl ngwar.

Kálar Nzyɛ̌m : Ejwán é Sáá

²⁵ Nó ó, mʉr, nyé ajala le ekǎ lɛ́ɛ mɨ́ɔɔ́ wé mʉr bibɛr. Nye lɛ́yɨɨ nye sɔ̂ʼ njɨ otyeetye, ebě, mɨná gá bé mû ó bitíl bí nyʉ̂l mpwár.

Éfɛsɔs 4:25 ပူးပေါင်းရင်းမြစ်များ

Kolosi 3:9

Asa ga mpʉl paʼra win, ebe, bɨn bɨ bɛa bir mɨnjʉ̌m motum mɨn ndwe e bɨsyɛɛla bɨ tɨ.

Rôm 12:5

Jwɨʼ gwar e gwar yaa nteme ó bɨna ndɨ ga é buo e. Sa gwar, bɨna ga bé ó nyʉl ngwar é zyɛŋa ga wina boo Krɨst. Bɨna ga bɨbɛh, bé ó bɨfum bɨ nyʉl we, byaa ndɨ mɨnɛra e nyʉl ngwar ɨ.

Éfɛsɔs 4:15

To kœb ó, ǃbɨna si lɛɛ ga ocyecye e leme ncwɨncwɨa nɛʼɛ, bɨna bé ógwɨe le ebwaʼ ga. Bɨna bé ódi ga é zyɛŋa ga wina boo Krɨst, ndɨ lʉ ga wina ɛ.

Mɨngwiha 21:8

Baabʉbʉa bɛɛ ndwe e bʉr o ndɨ abuʼla Zyɛm ɨ, bʉr o ndɨ efœʼ monyʉl mɔɔ ɛ, ojʉl o bʉr, e l'osyɛl o mɨfyɛba, oleme ndwe e baa lé edwiibɨ bɨbaŋabaŋa bɨdweʼle e, ndwe e baanya-bɨkʉʉŋʉ bɨbɛh, bɛɛ, bé ókʉ ka kœb odia wɔɔ ó njɨ é Bɨ-siʼe. Yé ó lwɨŋla e siʼe ndwe e pir. Tɨʼ ó bʉr lé edwè efie emba ɛ.»

Títos 1:2

É mbi waa ó bé ódi e mbɛla ó, bé óbi tiʼ molu mo mpoʼ mɨmɛh, yaa yé a bɛa kɛʼɔ be, kʉ e si l'apa cyeŋɔ ɛ. Zyɛm ó b'a kɛʼ be tiʼ yaa, nyɛɛ waa ndɨ abe lé elɛɛ mpʉl ɨ.

1 Timotɛ 4:2

Bé óbe ó baanya-bɨkʉʉŋʉ, olɛa o mpʉl. Ebebe lɔɔ, lé ódɨ lɨr mɨleme myɔɔ ó, to pyal é jɔʼ bé óka be, bé mu aka joʼo fwon ɨ.

Mɨngwiha 22:15

No ó, baa lé etiʼe mpʉ ompye e, bé e l'oleme, ndwe e l'osyɛl o mɨfyɛba bɛɛ, bé óliʼ kʉl. Ojʉl o bʉr nteme, ndwe e baa lé edwiibɨ bɨbaŋabaŋa bɨdweʼle e, ndwe e baa lé ekpɛl mɨlɔɔ mɨ mpʉl ɨ, bé nteme, bé óliʼ kʉl.

1 Timotɛ 1:10

osyɛl o bɨmala ndwe e mɨfyɛba, bʉrʉm ndɨ etɛbla paʼra wɔɔ ɛ, bʉr o ndɨ ecen bʉʉ bʉr é l'okomo e, mɨmpʉmpʉl ndwe e baa lé ebuʼo bʉʉ bʉr mɨlɔb ɨ. Zyɛm a tiile mʉʉ motie nteme ó, lé ekamle bʉr lé esa bɨsyɛɛla bibyɛh ndɨ ajala e mpaŋ sikʉlʉ bɨna lé ejwɨʼ ga ɛ.

2 Korɛnt 7:14

Yé cyecye ó, me a si doʼo e bɨn é mih me. Sa gwar, me a baasɔma. Mpʉ bɨh bé a lwib-lwib e bɨn é l'ocyecye é jɔʼ yiyɛh ɛ, Tit a si bee nteme no, ebe, bɨsyɛɛla bin, byé a si lɛʼle nye ó, bɨh bé a lwib ó e l'ocyecye lé edoʼo e bɨn.

Títos 1:12

Nuu mʉr e sama yɔɔ, waa bé lé ekʉ nʉa mpʉ ngwiha mɨlɔb ɨ, a lɛɛ ó: «Bʉr o Krɛt, bé ó mɨmpʉmpʉl é jɔʼ yiyɛh. Bé é bebe ó mpʉ otir o montiʼ. Bɨ jyɛnba lé encyehbe. Bé ó baancyadoʼ!»

1 Korɛnt 10:17

Bler, yé ó njɨ gwar. Bɨna dam buo ga, bɨna ga bé yɛɛ ó nyʉl ngwar, ebe, bɨna ga bé ó e nkɔb e bler gwar.

Yʉanes 8:44

Sɔŋ win, nye ó Njwɨɨ moleme! Ebe no ó bɨn lé ebul kpɛl sa njɨ gwɨma mo sɔŋ win ɨ. Nye a bɛa be ó njʉl bʉr, duho é l'etɔɔrʉ. Nye abe e nkul elɛɛ ocyecye lʉʉ dobo, ebe, ocyecye, wé abe é nye tʉŋlʉ. É jɔʼ nye lé elɛɛ mɨlɔɔ ɛ, nye elɛɛ ó, sa ye anta nye, ebe, nye ó mpʉmpʉl. Nye nteme, nye ó sɔŋ mɨmpʉmpʉl.

Éfɛsɔs 5:30

Ebe, bɨna ga bɨbɛh, bé ó bɨfum bɨ nyʉl we.

Éfɛsɔs 4:22

Bɨn bé a yeʼlɔ ó, bɨn bé ejala le ebir mɨnjʉ̌m motum mɨn, sa lé eduho é l'ebò e cyen bɨn bé a kœʼ œ. Bɨgwɨma bɨ nyʉl bɨpuno byaa, byé egomlo bʉr é bebebebe zi.

Éfɛsɔs 4:31

Pɛʼɛ ga edwie e leme e l'empime é mɨleme min. Adi ga okpɔɔ, e bʉr o montɛɛ ndwe e baanya-movoʼ. Pɛʼɛ ga mobebe mɨmɛh.

Kolosi 3:8

No ó, banana, yé ejala ó, bɨn birɨ bɨsyɛɛla byaa bibyɛh: ekpaa mompime, ediʼa e leme, ebene bʉr, esa movoʼ, le elwib bɨlwib bɨ fulʉs.

Ebrœ̂ 12:1

É paʼ ga wina, bɨna ga bé ó é sama bʉr baa tʉŋlʉ. Bé ebʉmra bɨna ga é nka, lé eboʼlo lɔɔ Zyɛm. Mpʉ bɨna ga ndɨ no e, gʉa ó, bɨna bé ejala le eliʼe ga mɨmbeʼ modile mimyɛh pihe, ndwe e mɨsyem ndɨ ejɨ kwable bɨna ga ɛ, mimyɛh. Bɨna dihba ga lé esa jwɨʼla mɨkam mokʉ, to pyal é njɨ Zyɛm a tulo e.

Jacques 1:21

Diʼe ga bʉr o ndɨ é cyɛʼ mɨnjwɨr ɨ. Pɛʼɛ ga ebɨ-leme ndwe e bɨsyɛɛla bibyɛh ndɨ elœʼ bɨn é mih mo Zyɛm ɨ. Yé ó, é laŋle buo! ǃBɨn si sa no nɛʼɛ, bɨn bé ógʉa nʉa lwib ocyecye Zyɛm a ntɨh é mɨleme min tʉŋlʉ ɨ. Lwib ye yaa ó ndɨ e nkul edwe bɨn tiʼ molu mo mpoʼ mɨmɛh.

1 Pyɛr 2:1

Ebe no, myaha ga bɨsyɛɛla biʼ bibyɛh: bɨn, e bɨlwib bɨkʉʉŋʉ, e bɨlwib bɨba bɨba, e zii ndwe e mɨmbi movoʼ mimyɛh.