Éfɛsɔs 4:23 - Kálara Zyɛ̌m Edwán é mpʉ̌n

²³ Bɨn bé ódwanba é pɨʼ.

Kálar Nzyɛ̌m : Ejwán é Sáá

²³ Yé jala ó, bɨ̌n bíʼee edwán é pɨ̂ʼ, ndu e sísǐm dwân.

Éfɛsɔs 4:23 ပူးပေါင်းရင်းမြစ်များ

Rôm 12:2

Aka du ga mɨnjwɨr bʉr o mya wiʼ lé ekuhlo e. Yé ejala ó, Zyɛm dweʼ bɨn mɨpɛhla mɨdwan, ó nye dwirɨ bɨn mɨleme. É mbi waa ó bɨn bé ógʉa sa Zyɛm lé egwɨm ɨ, é kpɛhla. Bɨn bé ógʉa sa ndɨ é mbɨa ɛ, ndwe e yaa nye lé emɛʼle e, ka kɛl sa ndɨ mbɨmbɨa é mɨpaʼ mimyɛh ɛ.

Rôm 8:6

Ebe, bʉr o ndɨ epahle njɨ bɨgwɨma bɨ nyʉl bɨpuno e, byé edaʼre ó efie é monyʉl mɔɔ. Gwɨma mo Mbɨambɨa Sisim yɛɛ, yé edwe bʉr tiʼ molu mo mpoʼ mɨmɛh ndwe e motala.

Kolosi 3:10

Bɨn bɨ bwar mɨkan modwan: nyʉl dwan ndɨ edwanba é ngwɨa ocyecye e. Nyʉl dwan waa, nye edu dweʼle mo Zyɛm Kwihbʉr.

1 Pyɛr 1:13

Ebe no, pila ga monkwan. Gbaʼ ga lʉ lé ejwɨʼ lɔɔ waa. Gʉa mɛr ga mɨleme. Mɨleme min, myé beʼ lwɨŋla e mbɛla. Buʼla ga syɛɛla ncwɨncwɨa yé ósaŋɔ bɨn é jɔʼ Yesʉs-Krɨst óbâʼle nyin ɨ.

Títos 3:5

Nye a dwe bɨna ga tiʼ molu mo mpoʼ mɨmɛh ó, é zi njwɨʼa-nkoo we. Nye a baadwe bɨna ga nkɔb tiʼ yaa é lɔb mɨmpaŋ bɨsyɛɛla bɨna bé a dɨ sa é l'ocɨcyel ga wina ɛ. Yé a be ó, ebe puba nye a pubo bɨna ga cwɨɨ é Sisim we e. Wé ó b'a sa ó, bɨna byɛlɨ ga mbyɛla edwan, le esa ó, bɨna beʼ modwan mo bʉr. Nye a si ntɨh bɨna Sisim we é ntuʼ-ntu-ntuʼ, dumo e Tiʼbʉr ga wina Yesʉs-Krɨst.

Éfɛsɔs 2:10

Bɨna ga bé ó baa Zyɛm a kpaʼ e mobo me nye mʉr tɨʼ ɨ. Nye ntɔʼ ze dil bɨna ga é Yesʉs-Krɨst dil dilɨ é l'efu ó, bɨna diʼe ga bʉr bé ósa bɨsyɛɛla bɨ ncwɨncwɨa ɛ. Zyɛm nye mʉr tɨʼ ó b'a bɛa tiʼe é leme we ó, bɨna saʼ ga nye bya.

Rôm 6:4

Bɨna ga e boo Yesʉs ó b'a dwè, dɨlɔ é ndubo waa zyɛŋa é l'efu ó, bɨna pàha ga e nkul mo Zyɛm Sɔŋ ndɨ e kum ɨ. Mpʉ Lœma mulo mo Zyɛm a pàh é foo e, yé ejala ó, bɨna kœʼœ ga ebò e cyen edwan pie ndubo.