Éfɛsɔs 4:22 - Kálara Zyɛ̌m Edwán é mpʉ̌n

²² Bɨn bé a yeʼlɔ ó, bɨn bé ejala le ebir mɨnjʉ̌m motum mɨn, sa lé eduho é l'ebò e cyen bɨn bé a kœʼ œ. Bɨgwɨma bɨ nyʉl bɨpuno byaa, byé egomlo bʉr é bebebebe zi.

Kálar Nzyɛ̌m : Ejwán é Sáá

²² Bɨ̌n e túmó koo e kʉ̌ tyen myâ wɨ́n, myǎh njʉ̌m nyʉ̂l bɨ́n á nyɛɛ be e né nyɨ́. Bigwɨ́má bí njʉ̌m nyʉ̂l nyaá, byé lɨ́ edímle bʉ̂r ɨ́ nzɨ̌ mikóo myɔ́ɔ́, tyen bé lɨ́ eswie.

Éfɛsɔs 4:22 ပူးပေါင်းရင်းမြစ်များ

Rôm 6:6

Bɨna bé egʉa ga ó, é jɔʼ Yesʉs-Krɨst a cyèlɔ é klos ɨ, Zyɛm a si bomlo mɨnjʉ̌m motum ga mɨna tɨʼ nteme é l'efu ó, nye dwihɨ bɨna ga nyʉl ndɨ eyɨm bɨna ó, bɨna saʼ ga mɨsyem ɨ, ndwe nteme, bɨna l'ayi ka bâʼle di ga molʉa, lé esil lé esa mɨsyem mimyɛh bɨgwɨma ga bina ndɨ eyɨm bɨna ó, bɨna saʼ ɛ,

Ebrœ̂ 12:1

É paʼ ga wina, bɨna ga bé ó é sama bʉr baa tʉŋlʉ. Bé ebʉmra bɨna ga é nka, lé eboʼlo lɔɔ Zyɛm. Mpʉ bɨna ga ndɨ no e, gʉa ó, bɨna bé ejala le eliʼe ga mɨmbeʼ modile mimyɛh pihe, ndwe e mɨsyem ndɨ ejɨ kwable bɨna ga ɛ, mimyɛh. Bɨna dihba ga lé esa jwɨʼla mɨkam mokʉ, to pyal é njɨ Zyɛm a tulo e.

Jacques 1:21

Diʼe ga bʉr o ndɨ é cyɛʼ mɨnjwɨr ɨ. Pɛʼɛ ga ebɨ-leme ndwe e bɨsyɛɛla bibyɛh ndɨ elœʼ bɨn é mih mo Zyɛm ɨ. Yé ó, é laŋle buo! ǃBɨn si sa no nɛʼɛ, bɨn bé ógʉa nʉa lwib ocyecye Zyɛm a ntɨh é mɨleme min tʉŋlʉ ɨ. Lwib ye yaa ó ndɨ e nkul edwe bɨn tiʼ molu mo mpoʼ mɨmɛh.

Ebrœ̂ 3:13

É jɔʼ bɨn dina muh sama ɛ, yé é mbɨa ó, bɨn dɨʼe gba nkul é nyʉl mo mɨɔ nyiwɛh paʼra win, moho wiwɛh. Ebe no ó bɨn bé óbe, aka du bɨkʉʉŋʉ lé etine bɨn ó, bɨn saʼ syem ɨ, bɨkʉʉŋʉ byaa nkʉʼ be nteme alɨl bɨn mɨlʉ.

Títos 3:3

Ebe, bɨna bé a taare be ga nteme ó no: bɨgʉ, baajoʼo-motɨɨ, si gʉmla é bebebebe zi. Bɨna bé a di-di ga ó, molʉa mo Syem, lé edu bɨgwɨma mɨmbi mɨmbi. Bɨna bé a tiʼe-tiʼe ga ó, lé enwim bʉr. Bɛɛ nteme lé enwim bɨna. Bɨna bé a be ó lé esiila ga nteme paʼra ga wina.

Éfɛsɔs 4:25

Daʼ lɛɛ ga mpʉl paʼra win. Mʉr nyiwɛh, nye lɛŋɨ mɨɔ we mʉr njɨ ocyecye, ebe, bɨna ga mu ó bɨfum bɨ nyʉl ngwar.

1 Pyɛr 4:3

Bʉr, bɨ bul lɛŋ buobuo jɔʼ lé eloŋlo bɨgwɨma bɨ nyʉl bɨpuno, lé edu ebò e cyen mo bʉr o ndɨ abe oYʉden ɨ. Byé ó bi: egba monyʉl mɔɔ lé esa bɨmala zam e l'ekomo, ebe e bɨgwɨma bɨsa, egba monyʉl lé ebɛble monwoʼ, elɔʼba lé ebwalɔ mozɔɔ, efwaʼ monwoʼ, le edwiibɨ bɨbaŋabaŋa bɨdweʼle. (Sa nɨ, yé ó sa ndɨ kɔmlʉ ɨ!) Bim syɛɛla nɨ, yé kaʼ jala!

Éfɛsɔs 4:17

Ebe no ó me lé elɛɛ e bɨn, le eboʼlo é die mo Da Yesʉs ó, yé ajala ó, bɨn kœʼœ ebò e cyen egwar, bɨn e bʉr o ndɨ abuʼla ɛ. Bé ekʉ ka sa ó njɨ baambɛhambɛha o bɨsyɛɛla, ebe, mɨpɛhla myɔɔ, myé ó mbɛh e mbɛh.

2 Pyɛr 2:13

Bé óbi myɛna mo bɨsyɛɛla bɨ ebebe byɔɔ. Bé emɨɨla-mɨɨla ó, lé elɔʼba lé ebwalɔ mozɔɔ teme moho. É jɔʼ bɨn e boo nɔɔ, bé epuhba mobo e, nkʉ bɨn bé ó mpʉ nyʉl ngwar, bɛɛ ó ndɨ mobar mo nyʉl waa! Bé esahle lé ede, lé ekʉ ka du ó njɨ bɨgwɨma byɔɔ,

1 Pyɛr 1:18

Zyɛm a baakʉr bɨn ebe ziila e bɨsa ndɨ eto le edimle odime wɔɔ ɛ, mpʉ nkoho mɔn nkʉ gol. Bɨn bé a kʉrɔ ó, é jɔʼ nye a dwih bɨn é baambɛhambɛha motum bɨmpam bin, byé a du-du ɨ.

Kolosi 2:11

É zyɛŋa win boo Krɨst, bɨn bé a si saŋɔ mpʉn ndɨ eduho boo Krɨst ɨ. Mpʉn waa ó ndɨ elɛʼle ó, bɨn bɨ dwih nyʉl bɨpuno é jɔʼ gwar. Bɨn bé a baasaŋɔ mpʉn bʉʉ bʉr lé esɛa e mobo e.

Éfɛsɔs 2:3

Bɨna bɨbɛh, bé a taare kœʼ ga ó, ebò e cyen egwar laa. Bɨna bé a kʉ saa-saa ga ó, njɨ edu bɨgwɨma bɨ nyʉl bɨpuno ga wina. Bɨgwɨma byaa ó b'a bul pebre-pebre bɨna ga é mɨleme. Sa yé a kʉ jala e bɨh oYʉden ɨ, yé a be ó, Zyɛm kpaŋa empime le e bɨh, jwɨʼ gwar e gwar mpʉ nye a jala le ekpaa e bʉr o ndɨ abe oYʉden ɨ.

2 Pyɛr 2:7

To kœb ó, nye a be ó si syɛb Lot, cɨcyel mʉr, é bim efie laa tʉŋlʉ. Mbea Lot a bee-bee ontɔɔ o motie lé esa bɨmala zam e l'ekomo e, nye a be ó e tuu é leme,

Galásia 1:13

Bɨn bé a be ó si joʼo lɔɔ tiʼ yam. Bɨn bé egʉa mpʉ me a kœʼ bɨbla ebò e cyen é molu pihe e. Me a be é jɔʼ yaa ó, me dina lé edu mɨnjwɨr mih, oYʉden. Bɨn bé egʉa mpʉ me a gba nyʉl lé etíile bʉr o Mbɛr-Zyɛm ɨ. Me a be-be e gwɨma ó, me dimle ó we!

Rôm 7:11

Jɨh tɨʼ motie, mé a nee Syem zi, wé ntɔʼ bee ó, wé mu ó e zi mbeʼ ó, wé dimla me é zi bɨkʉʉŋʉ bye. Wé a jʉ me ó, jʉ jʉʼo, lé ebɨlan e motie Zyɛm a tiile e.

Jacques 1:26

ǃƗ mʉr si kʉ lɛɛ ó, nye ó é l'esama e bʉr o ndɨ egʉa du mɨlɔb mo Zyɛm nɛʼɛ, nye mɛrɨ nʉm we lé elwib sa ebebe. ǃNye baamɛr nʉm we no nɛʼɛ, nye egomlo nye mʉr tɨʼ é bebebebe zi. Buʼo mo mʉr waa, yé ó mbɛh e mbɛh.

2 Korɛnt 11:3

Me ejoʼo bʉa. Me ekpɛɛ ó, bɨn bé amu jaa gomlo bɨbɛh é bebebebe zi ebe bɨkʉʉŋʉ. Bɨn bé amu dwibra e Krɨst jɔʼ gwar é dwirɨ, jwɨʼ gwar e gwar e mpʉ nyʉa a kʉa Efa, nye ntɔʼ bil é bɨkʉʉŋʉ ɨ. Bɨn bé amu jaa gwaʼ lé edwiibɨ Krɨst ntinɨ e ntinɨ.

Éfɛsɔs 4:31

Pɛʼɛ ga edwie e leme e l'empime é mɨleme min. Adi ga okpɔɔ, e bʉr o montɛɛ ndwe e baanya-movoʼ. Pɛʼɛ ga mobebe mɨmɛh.