Éfɛsɔs 4:21 - Kálara Zyɛ̌m Edwán é mpʉ̌n

²¹ Bɨn bé a si joʼo bʉr lé eze tublo die le. Bɨn bé a si dweŋɔ sikʉlʉ é lɔb we. Bé a ka gʉa ó, ocyecye, wé ó é Yesʉs tʉŋlʉ.

Kálar Nzyɛ̌m : Ejwán é Sáá

²¹ Bɨ̌n bé á si gwa kʉ jóʼo sá yɨ́yɛ̂h dí edumo e né yɨ́. Bɨ̌n bé á si lɛ̂ʼlɔɔ ɨ́ díé lé tʉ́ŋlʉ̌. Bé á lɛ̂ʼle bɨ̌n ó, bɨ̌n dúʼoo otyeetye dí ɨ́ milɔ̌b mé Yésʉs wɨ́.

Éfɛsɔs 4:21 ပူးပေါင်းရင်းမြစ်များ

1 Yʉanes 5:20

Bɨna bé egʉa ga nteme ó, Mwan mo Zyɛm a si ze, ze gba bɨna ga pɨʼ é mɨleme, ó bɨna gʉŋa ga Zyɛm ndɨ cyecye e. Bɨna bé edi ga é zyɛŋa ga wina boo mʉr ndɨ cyecye e, ebe, bɨna bé edi ga é zyɛŋa ga wina boo Mwan we, Yesʉs-Krɨst. Nye ó ndɨ Zyɛm cyecye ndwe e l'Etin e Tiʼ.

Éfɛsɔs 1:13

É zyɛŋa win boo Krɨst, bɨn bɨ ŋmɛhɔ sitam mo Zyɛm é monyʉl, duho é jɔʼ bɨn bé a jyɛʼ taa buʼo yin boo Krɨst ɨ, ndwe é jɔʼ bɨn bé a joʼo Mbɨambɨa Lɔɔ, ndɨ cyecye e, bɨn ntɔʼ buʼla we. Wé ó lɔɔ ndɨ edwe bɨn tiʼ molu mo mpoʼ mɨmɛh ɛ. Sitam Zyɛm a ŋmɛh bɨn ɨ, yé ó Mbɨambɨa Sisim nye a ntɨh bɨn, waa nye a kɛʼ bʉr be, duho mya ɛ.

Kolosi 2:7

Buʼo bɨn ndɨ e ye e, yé paha mɨkaale. Yé toʼ dolo lé egwɨe le ebwaʼ. Jyɛʼɛ ga taa buʼo yin boo nye, mpʉ bé a dwe bɨn sikʉlʉ tɨʼ ɨ. Toʼ ga dolo lé edwe Zyɛm kum.

Yʉanes 14:17

Nye ó ndɨ Sisim Ocyecye. Bʉr o ndɨ egumo e si nwaʼ ɛ, bé abe e nkul enʉa nye é monyʉl mɔɔ, ebe, bé abe e nkul ebee nye, nkʉ gʉa nye. Bɨn ó ndɨ egʉa nye, ebe, nye edi ó, bɨn e boo nɔɔ. Nye nteme, nye ó é l'esama lɨn.

2 Korɛnt 11:10

Neme ocyecye mo Krɨst ndɨ é me, me ólɛɛ é lal Akayi mpʉ me a kœʼ ebò e cyen ɨ. Abe e mʉr ndɨ e nkul ekamle me lé edoʼo tɨ.

2 Korɛnt 1:20

Ebe, monkɛʼ mɨmɛh Zyɛm a liʼe bʉr be e ma ɛ, nye edira me ó, njɨ é zyɛŋa ga wina boo Yesʉs. Ebe no nteme ó bɨna lé elɛɛ ga ó: «Amɛn» ɨ. Bɨna bé edwiibɨ ga Zyɛm ó tɨ, é zi mɨnjwɨʼla myaa.

Yʉanes 14:6

Yesʉs, nye e nye ó: «Me ó ndɨ zi. Me ó ndɨ é l'ocyecye. Me ó ndɨ Etin e tiʼ. Mʉr, nye abe e nkul eto nko Sɔŋ wam ndɨ ɨ, cwɨɨ é nuu zi fih, nkʉ yé abe é me.

Yʉanes 10:27

Bɨntœme byam, byé ejoʼo ecel lam. Me egʉa bye. Byé nteme, byé edu me é koo pihe.

Yʉanes 1:17

Zyɛm a si tiile bɨna ga motie, cwɨɨ é Moyiz. No ó, ncwɨncwɨa we e l'ocyecye byɛɛ, byé a ze é bɨna ga ó, dumo e Yesʉs-Krɨst.

Lʉkas 10:16

Nye ze lɛɛ e l'ompʉn be ó: «Mʉr lé ejoʼo bɨn ɨ, nyi joʼo me. Waa lé ebene bɨn ɨ, nyi bene nteme me. Nteme, waa lé ebene me e, nyi bene mʉr a ntɨh me e.»

Mataos 17:5

Mpʉ nye a be, nye dina lé elwib ɨ, dwine é nge-ngɨ-nge ze buuro be. Ompʉn, bé ka joʼo ó, nuu twii lé eduho é mɨnkur tʉŋlʉ, lé elɛɛ ó: «Nwaʼ, nye ó mwan kpɛl wam. Me ekʉ mɨɨla e nye. Joʼa ga nye.»

Rôm 10:14

Sa gwar, bé e nkul ejwɨʼla e waa bé a baajyɛʼ taa buʼo yɔɔ boo nye e, wáa mbi? No ó, bé e nkul ejyɛʼ taa buʼo yɔɔ boo mʉr bé a baajoʼo die le e, wáa mbi? Bé ó e nkul ejoʼo die laa, abe e mʉr lɛɛ be la nyá ɛ?

Éfɛsɔs 2:17

Krɨst a ze é si nwaʼ ó, nye ntaʼ, ze tuno bɨn, bʉr o b'a be é ncɛra e nye e, lɔɔ wi: Zyɛm, nyi gba motala paʼra ga wina boo nɔɔ. Nye a tuno lɔɔ motala ngwar e ngwar waa nteme ó, boo bɨh oYʉden, dam be mpʉ bɨh bé a be-be kunokuno e Zyɛm ɨ.

Kolosi 1:5

Sa nɨ yiyɛh ó, ebe sa bɨn ndɨ ebɛla, yaa ndɨ koma é lal mo Zyɛm ɨ. Bɨn bé ó e mbɛla waa é mɨleme, duho é jɔʼ bɨn bé a taare joʼo Mbɨambɨa Lɔɔ ndɨ lɔɔ cyecye ndɨ eduho boo Zyɛm ɨ.

Kolosi 1:6

Mbɨambɨa Lɔɔ, wé emyɛma é bɨn tʉŋlʉ, myɛma é si nwaʼ nyiwɛh, lé etɨe bʉr motum modwan, mpʉ wé esa é mbɛr Zyɛm win ɨ. Bɨn bé a be ó si joʼo bʉr lé elab lɔb ncwɨncwɨa mo Zyɛm, bɨn ntɔʼ gʉa jwɨʼ ocyecye ndɨ tɨʼ ɨ.