Éfɛsɔs 4:19 - Kálara Zyɛ̌m Edwán é mpʉ̌n

¹⁹ É sɔɔlʉ pɨʼ wɔɔ, bé a be ó si sa bɨmala zam e l'ekomo, le esa zyee lé elama fwon lé edu njɨ bɨjyɛʼ byɔɔ bibyɛh.

Kálar Nzyɛ̌m : Ejwán é Sáá

¹⁹ Ɨ́ sɔ́ɔlʉ pɨ̂ʼ wɔ́ɔ́, bɨ́ swâhle mímbi mébébé mɨ́mɛ̂h lɨ́ esâ. Bé lɨ́ esâ bímolá nzam le ekomo. Bé sá ntémé ó, bisyɛ́ɛla bi dí edulo mpîr ɨ́ nyʉ̂l bí, abe e njɨ.

Éfɛsɔs 4:19 ပူးပေါင်းရင်းမြစ်များ

1 Timotɛ 4:2

Bé óbe ó baanya-bɨkʉʉŋʉ, olɛa o mpʉl. Ebebe lɔɔ, lé ódɨ lɨr mɨleme myɔɔ ó, to pyal é jɔʼ bé óka be, bé mu aka joʼo fwon ɨ.

Kolosi 3:5

Bɨfum bɨ nyʉl bin ndɨ eduho é si nwaʼ ɛ, teʼla ga bye. Yé ó ndɨ: elœʼ nyʉl é zi bɨduo, elama fwon lé edu njɨ bɨjyɛʼ, empime, esa bɨgwɨma bɨ ebebe, ecen mih é bɨsa byoonkan. (Ebe, mʉr ndɨ ecen mih é bɨsa byoonkan ɨ, nye ó asiila ba e waa lé edwiibɨ bɨbaŋabaŋa bɨdweʼle e!)

Yʉ̂d 1:11

A vwaʼ e bʉr baa, ebe, bé ekœʼ ebò e cyen mo Kan. Bé a fim mɨkam, ntɔʼ pɔhba ó, mpʉ mo Balam, ebe, bé a gwɨm-gwɨm ó, njɨ ebi myɛna. Bé a ka to dwè ó, mpʉ jyɛɛ mo Kore, bé a dwè é jɔʼ bé e boo nɔɔ, bé a kaŋa e Moyiz ɨ.

Mɨngwiha 18:3

Ebe no ó nye a kwab bʉr o bɨkul bibyɛh lé esa ó, bé e boo nɔɔ, bé saʼ bɨmala, to pyal é jɔʼ bé a ka sia e mɨtuu mɨ tɨ, mpʉ mɨnunwoʼ yi ɔɔ. Mɨnjwɨɨbʉr mɨ si nwaʼ nyiwɛh, myé a si tɛb nteme nye ɔɔ. Obɛma o bɨsɔʼɔ, bé a si biʼ e nye, lé esa ó, nye nkʉʼ lɛŋ molu mo tiʼ ye é bɨtiʼ bɨnɨnɨ ɔɔ.»

2 Pyɛr 2:22

Sa yé a pyal be e, yé ebɔma e mokan bɨntuntu moba ma. Mé elɛɛ é l'ocyecye ó: «Mpye, nye efiʼ ó, bula to de bɨjʉʉlʉ bye.» Lʉʉ ekan e tɨ, lé elɛɛ ó: «Pie bɨ sil jwɨ̀ɨ nkʉ, nye ntɔʼ laa, bula to biila é bɨjyɛn.»

1 Pyɛr 4:3

Bʉr, bɨ bul lɛŋ buobuo jɔʼ lé eloŋlo bɨgwɨma bɨ nyʉl bɨpuno, lé edu ebò e cyen mo bʉr o ndɨ abe oYʉden ɨ. Byé ó bi: egba monyʉl mɔɔ lé esa bɨmala zam e l'ekomo, ebe e bɨgwɨma bɨsa, egba monyʉl lé ebɛble monwoʼ, elɔʼba lé ebwalɔ mozɔɔ, efwaʼ monwoʼ, le edwiibɨ bɨbaŋabaŋa bɨdweʼle. (Sa nɨ, yé ó sa ndɨ kɔmlʉ ɨ!) Bim syɛɛla nɨ, yé kaʼ jala!

Éfɛsɔs 4:17

Ebe no ó me lé elɛɛ e bɨn, le eboʼlo é die mo Da Yesʉs ó, yé ajala ó, bɨn kœʼœ ebò e cyen egwar, bɨn e bʉr o ndɨ abuʼla ɛ. Bé ekʉ ka sa ó njɨ baambɛhambɛha o bɨsyɛɛla, ebe, mɨpɛhla myɔɔ, myé ó mbɛh e mbɛh.

Markus 7:22

mɨfyɛba, zɔɔ bɨsa, bɨn, bɨlwib bɨkʉʉŋʉ, bɨmala zam e l'ekomo, egu, movoʼ, pyeh e nkɛa nyʉl, ompʉ.