Éfɛsɔs 4:18 - Kálara Zyɛ̌m Edwán é mpʉ̌n18 Bé ejeʼe mɨlɔb ndɨ edwɛʼ Zyɛm ɨ. Bé e boo nɔɔ, bé abe e nduula. Bé egʉʼla é mɨlɔb mye, le elɨl mɨlʉ myɔɔ. အခန်းကိုကြည့်ပါ။Kálar Nzyɛ̌m : Ejwán é Sáá18 Sá écwólwo lɔ́ɔ́, lé akǎ siŋa. Bé mû ó e ncɛrá e twiʼ mé Nzyɛ̌m, tɨ̂ lɨ́ egʉʼla bé dí e lé lɨ́, le elele e míléme lɔ́ɔ́. အခန်းကိုကြည့်ပါ။ |
Toŋla ga nteme mpʉ bɨn bé a taare be-be e. É til molu yaa, Lœma mulo mo Zyɛm a baakunbo e bɨn. É nko paʼ kul bwa b'Ɨzraɛl, bɨn bé a si pɨmɔ é sama yɔɔ, duho mya. É nko paʼ mpʉn Zyɛm a de e bɨmpam byɔɔ ɛ, ndwe e monkɛʼ nye a liʼe bye e ma ɛ, bɨn bé a baabe ba e nkɔb tɨ. É til molu yaa yiyɛh, mɨleme min, myé a baabe ba e mbɛla. É si nwaʼ nyiwɛh, bʉr o bɨkul bin, bé a be ó, lé ejeʼe Zyɛm.
Bʉr o ndɨ abuʼla ɛ, bé abe e pɨʼ ndɨ ó, bé joʼa lɔɔ wih, ntɔʼ buʼla we, ebe, Njwɨɨ mbi jɔʼ yiʼ a si dimle be pɨʼ. Nye esa no ó, nye kamla be lé ebee mɨmbah lé epan, duho é moncɛnba mo Krɨst ɨ. Nye ebene ó, bé amu bee moncɛnba maa é zi Mbɨambɨa Lɔɔ mo Yesʉs, bé ntɔʼ gʉa ó, Yesʉs ó ndɨ bana kʉ be gulo mo Zyɛm.
Obɨɔ ga bam aa! Me ekpɛl ó, bɨn gʉŋa lwib odim yiʼ é kpɛhla. Bɨn bé amu jwɨʼ ó, bɨn e bɨn ó ndɨ mɨcɨcyoo. Lwib odim yaa, yé ó: bʉʉ bʉr é bwa b'Ɨzraɛl, bé e mɨlʉ ndɨ é bul lele lé ejoʼo e. Mɨlʉ myɔɔ, myé ódi e molele maa ó, to pyal é jɔʼ tolɔɔ obuʼla ndɨ abe oYʉden ɨ, bé ókumo bim Zyɛm a bɛa tiʼe é leme we ó, yé ójala ɛ.
Sa gwar, njwɨɨ opara nye ome ó b'a ni-ni é Tiʼe yé a be e l'ekɛn é buobuo e. Nye a kʉ ni-ni tɨʼ ó, njɨ é jɔʼ gwar é mbu. Nye a to-to gʉʼ ó e fua motié mo otir, ó Zyɛm nkʉʼ pɛʼ bɨbaa bɨ ebebe nye a pa niʼe e: le byaa mo para, é lɔb mɨsyem mye nye mʉr tɨ, ndwe e byaa bɨ bʉʉ bʉr é lɔb mɨsyem bé a sa, bɛɛ l'agʉa ɛ.