Éfɛsɔs 4:17 - Kálara Zyɛ̌m Edwán é mpʉ̌n

¹⁷ Ebe no ó me lé elɛɛ e bɨn, le eboʼlo é die mo Da Yesʉs ó, yé ajala ó, bɨn kœʼœ ebò e cyen egwar, bɨn e bʉr o ndɨ abuʼla ɛ. Bé ekʉ ka sa ó njɨ baambɛhambɛha o bɨsyɛɛla, ebe, mɨpɛhla myɔɔ, myé ó mbɛh e mbɛh.

Kálar Nzyɛ̌m : Ejwán é Sáá

¹⁷ Nó sá mé múo nzě lɛ́ɛ bɨ́n, le eboʼlo ɨ́ díé mé Tî Yésʉs yɨ̂, yé ó: mʉr adû gá kʉ̌ tyen óhááden dí edû wɨ́. Bé jaá sâ nó ó, njɨ ebě, ocwóó wɔ́ɔ́, wé ó dwêh.

Éfɛsɔs 4:17 ပူးပေါင်းရင်းမြစ်များ

Rôm 1:21

Dam be ó, bé a be ó si kʉ gʉa ó, Zyɛm, nye ó tɨ, bé a baadwiibɨ nye mpʉ yé a jala ɛ, nkʉ dwe nye ekiba é lɔb bɨsyɛɛla bye. Bé a kʉ ka pahle sɔʼɔ ó njɨ bɨsa byaa ndɨ abe e nyɔm ɨ. Bé ze lihba ó, mɨmiʼ.

2 Pyɛr 2:18

Bé elwib-lwib ó e mokan mo jaale, maa ndɨ mbɛh ɛ. Bé ekwab bʉr o b'a ngbaa pʉʼa é sama bʉr o bé e boo nɔɔ, bé a dɨ sa syem ɨ. Bé ekwab be no ó, lé elɛʼle be egba monyʉl mɔɔ lé esa bɨmala zam e l'ekomo.

Kolosi 2:4

Me elwib e bɨn é mbi wiʼ ó, mʉr beʼ l'akʉa bɨn é zi lwib bɨkʉʉŋʉ bʉr lé emɛʼle e.

1 Pyɛr 1:18

Zyɛm a baakʉr bɨn ebe ziila e bɨsa ndɨ eto le edimle odime wɔɔ ɛ, mpʉ nkoho mɔn nkʉ gol. Bɨn bé a kʉrɔ ó, é jɔʼ nye a dwih bɨn é baambɛhambɛha motum bɨmpam bin, byé a du-du ɨ.

Mɨlʉmlʉ 20:21

Me a si boʼlo boo oYʉden, ndwe e bʉr o bɨkul bɨfih ó, bé gwɨma mobebe mɔɔ le edwir mɨleme, lé esa Zyɛm mojoʼo. Bé jyɛʼɛ taa buʼo yɔɔ boo Tî ga wina Yesʉs.

Mɨlʉmlʉ 18:5

É jɔʼ Silas bé e Timote, bé a duho Masedwan ɨ, Pol ntɔʼ lɛŋ jɔʼ ye yiyɛh njɨ lé elɛɛ bʉr lɔɔ Zyɛm, le eboʼlo é mih mo oYʉden ó, Lœma mulo mo Zyɛm ó ndɨ Yesʉs.

Mɨlʉmlʉ 14:15

Bé ó: «Bɨn bʉr o Listra ee! Yé bɨn muno ka sa mpʉnʉ nɨ? Bɨh nteme, bé ó bʉr mpʉ bɨn ndɨ ɨ. Bɨh pyal bɨn ye ó, lé eze lɛɛ Mbɨambɨa Lɔɔ, le elɛɛ bɨn ó nɛɛ, bɨn gwɨma baambɛhambɛha bɨsa, bɨn dwirɨ mɨleme, jyɛʼ taa buʼo yin boo Zyɛm, waa ndɨ kublakubla ɛ. Nye ó b'a cye kʉ e si, le maŋ ndwe e bɨsa bibyɛh ndɨ tɨʼ ɨ.

2 Timotɛ 4:1

Me entɛŋ go mɨnkɛla é mih mo Zyɛm bé e Yesʉs-Krɨst waa óze tiʼe mɨkubla le odwè mɨlɔb ó, go lɛŋɨ Mbɨambɨa Lɔɔ. Nye óbula ze, ntɔʼ cyel jwɨ̀ʼa ye. Leme, wé diʼe go é ntɨɨɨŋ ó, go lɛɛ ó njɨ lɔɔ waa é bɨjɔʼ lé ejala ɛ, ndwe e byaa ndɨ ajala e we e. Láŋa bʉr bɨbaa é lɔb mobebe mɔɔ. Bâma e bʉr. Gbaʼ be nkul é monyʉl. Saʼ no e bihbe, ndwe e sikʉlʉ mpa.

1 Timotɛ 6:13

Me elɛɛ go é mih mo Zyɛm Sɔŋ, waa lé edwe bɨsa bibyɛh tiʼ ɨ, ndwe e maa mo Yesʉs-Krɨst, mʉr a mɛʼle mbɨmbɨa é mih mo Pɔŋtos Pilat ɨ,

1 Timotɛ 5:21

Me entɛŋ go mɨnkɛla é mih mo Zyɛm, le maa mo Yesʉs-Krɨst bé e beengles Zyɛm a pɛh ɛ, ó go baʼla motɨɨ ma. Atiʼe lɔb e nkar ngwar. Ato mʉr é nkɔm ebe nduula bɨn e nɔɔ ndɨ e we e.

1 Tesalonika 4:6

Mʉr beʼ l'antaa etie, nkʉ gwìh e mɨɔ we mʉr é mbi waa. Bɨh bé a si bɛa bal bɨn ó, Da Yesʉs, nye ó mokuna-bʉr é mɨlɔb mɨnɨ mimyɛh. Yé ó sa bɨh bé a bɛa lɛɛ bɨn, lé eyɨm nkpaa.

Kolosi 2:18

É mpʉ bɨn ndɨ afil monyʉl si e beengles, nkʉ dwiibɨ be e, ǃɨ mʉr si dwe bɨn mobe mo mpene tɨʼ nɛʼɛ, anʉa ga lwib ye, gba é nkɔb. ǃBé si bee bɨsa mpʉ bé lé enyin-nyin é lima nɛʼɛ, bɨsa byaa ó bé lé enʉa, gba é nkɔb. Mɨmbi mɨ bʉr myaa, myé ó lwɨŋla e nkɛa nyʉl. Bé enkɛɛ-nkɛɛ monyʉl mɔɔ ó, mbɛh, ebe, mɨpɛhla myɔɔ, myé ekʉ ka duho ó njɨ é nkul ebebe lɔɔ tʉŋlʉ.

Éfɛsɔs 4:22

Bɨn bé a yeʼlɔ ó, bɨn bé ejala le ebir mɨnjʉ̌m motum mɨn, sa lé eduho é l'ebò e cyen bɨn bé a kœʼ œ. Bɨgwɨma bɨ nyʉl bɨpuno byaa, byé egomlo bʉr é bebebebe zi.

Éfɛsɔs 1:22

Zyɛm a si gba sa yiyɛh é jwɨɨ ye si. Nye ze nʉa Krɨst, dwe Mbɛr-Zyɛm nya ó, nye diʼe lʉ.

Galásia 5:3

Me ebâʼle lɛɛ e bɨn ó, mʉr lé esaŋɔ mpʉn ɨ, nyi mɛrɔ é mpila motie maa! Mʉr waa, nye é mpila ó, nye duʼo motie maa mɨmɛh é jɔʼ yaa.

Galásia 3:17

Me elɛɛ ó, Zyɛm a si liʼe Abraham e nkɛʼ. Pie e mɨmbu mɨnter mɨnâ e mɨmbu mowʉm molɛl (430), Zyɛm ze tiile oYʉden motie. Motie maa, mé a baabe e nkul egbɛɛ mpʉn Zyɛm a bɛa de e Abraham ɨ. Mé a baabe e nkul elɨr nkɛʼ nye a bɛa liʼe nye e wa ɛ.

2 Korɛnt 9:6

Ebe, yé ó: «Mʉr lé ebè mompœʼ abuo e, nye nteme ópɛʼ ó, bwa mode abuo. Mʉr lé ebè mompœʼ é buobuo e, nye ó ngo ka pɛʼ mode twiha.»

1 Korɛnt 15:50

Obɨɔ ga bam aa! Me ekʉ lɛɛ e bɨn ó, ntʉʼ mamʉr bɨpuno le motié ndɨ e nkul eniŋlɔ é jwɨ̀ʼa mo Zyɛm. Sa lé edwè, debe, bo e, yé abe e nkul ebi nkɔb é sa lé edi njʉmdia e njʉmdia ɛ.

1 Korɛnt 1:12

Me ejoʼo ó, mʉr nyiwɛh é l'esama lɨn, nye mu lwib ó, we mbi. Nwaʼ, nye ó: «Me ó mʉr mo Pol.» Nuu, nye ó: «Me ó mʉr mo Apolos.» Nuu, nye ó: «Mɛm, me ó waa mo Sefas.» Nuu nteme, nye ó: «Me ó waa mo Krɨst.»

Mɨlʉmlʉ 2:40

Pyɛr ze bâʼle boʼlo be myʉʉ mɨlɔb é buobuo, to le egba be nkul é monyʉl. Nye ó: «Kpɛŋɨ ga efie! Syɛhla ga ozyɛhozyɛh o bʉr o mya wi.»

Lʉkas 16:28

Ebe, me e l'obɨɔ otɛn ɔɔ. Loma nye ó, nye toʼ, to bal be, ebe, bé amu ze nteme kaʼ é gumo ndɨ é bul gumba yiʼ ɔɔ!”