Éfɛsɔs 4:15 - Kálara Zyɛ̌m Edwán é mpʉ̌n

¹⁵ To kœb ó, ǃbɨna si lɛɛ ga ocyecye e leme ncwɨncwɨa nɛʼɛ, bɨna bé ógwɨe le ebwaʼ ga. Bɨna bé ódi ga é zyɛŋa ga wina boo Krɨst, ndɨ lʉ ga wina ɛ.

Kálar Nzyɛ̌m : Ejwán é Sáá

¹⁵ Tó kœb ó, mɨ́ná lɛ́ɛ́ gá otyeetye tʉ́ŋlʉ̌ kpɛ̌l nó, mɨná bé ógwɨ́e le ebwaʼ gâ, tótôʼ, tó pyâl ɨ́ jɔʼ mɨ́ná ngá di gá mbɨmá ɨ́ Krîst tʉ́ŋlʉ̌, mʉr pá dǐ lʉ̂ gá wɨ́ná nyá.

Éfɛsɔs 4:15 ပူးပေါင်းရင်းမြစ်များ

1 Yʉanes 3:18

Bwan bam aa! Yé ajala ó, kpɛl ga yina, yé nyinɨ njɨ é mokan mo nʉm bɨna lé elɛɛ ga ɛ. Yé ekʉ jala le ebul nyin ó, é bɨsyɛɛla bɨna lé esa ga é l'ocyecye e.

Éfɛsɔs 4:25

Daʼ lɛɛ ga mpʉl paʼra win. Mʉr nyiwɛh, nye lɛŋɨ mɨɔ we mʉr njɨ ocyecye, ebe, bɨna ga mu ó bɨfum bɨ nyʉl ngwar.

1 Pyɛr 1:22

Njoʼa bɨn bé a joʼo ocyecye e, wi pubo bɨn é nko paʼ mɨsyem min ndwe le elɛʼle bɨn mpʉ bɨn lé ejala le ekpɛla paʼra win ɨ. Yé ó mpaŋ kpɛl: kpɛl lé eduho é mɨmo si ɨ.

2 Pyɛr 3:18

Toʼ le egwɨe ga ebe ncwɨncwɨa Tî ga wina le Tiʼbʉr ga wina Yesʉs-Krɨst lé elɛʼle bɨn ɨ. Bɨn bé à gwɨe nteme ebe bɨn bɨ gʉa nye. Nye ome ó ndɨ ejala e kum, taare é banana, to pyal é njʉmdia e njʉmdia. Amɛn.

Éfɛsɔs 2:21

Nye nteme ó lé efumo mbɛr waa, lɨl we, le ebœʼ we. Nye esa no ó, wé diʼe ti é l'efu ó, Da Yesʉs nkʉʼ kœb mpaŋ odia we nye ódi tɨʼ ɨ.

Éfɛsɔs 1:22

Zyɛm a si gba sa yiyɛh é jwɨɨ ye si. Nye ze nʉa Krɨst, dwe Mbɛr-Zyɛm nya ó, nye diʼe lʉ.

1 Pyɛr 2:2

Gwɨmɨ ga ó, bɨn jwɨʼɨ mɨmpaŋ mɨyeʼla, myaa ndɨ ejala e bɨn ɨ. Myé ó ngo sa ó, bɨn gwɨa é zi we, bɨn ntɔʼ bi tiʼ molu mo mpoʼ mɨmɛh. Saʼ ga no mpʉ bɨcyee ndɨ egwɨm monyaŋ ɨ,

Rôm 12:9

Kpɛl, yé duha bɨn é mɨmo si. Bena ga sa yiyɛh ndɨ é bebe e. Kpɛlɨ ga sɔʼɔ, njɨ yaa ndɨ é mbɨa ɛ.

Yʉanes 1:47

É jɔʼ Yesʉs a bee Natanaɛl lé eze nko nye a be e, nye ó: «Go bana kʉ be cyecye mʉr Ɨzraɛl, abe e bɨkʉʉŋʉ!»

Éfɛsɔs 5:23

Ebe, mʉrʉm, nye ó lʉ mo myɛl, mpʉ Krɨst ndɨ lʉ Mbɛr-Zyɛm ɨ. Krɨst nye mʉr tɨʼ ó ndɨ Tiʼbʉr é nko paʼ Mbɛr-Zyɛm, ndɨ nyʉl we e.

2 Korɛnt 4:2

Bɨh bé a nʉa tiʼa ó, bɨh bé aŋa sa bɨsyɛɛla bɨ fwon ndwe e byaa mofo, nkʉ sea e pɨʼ bɨkʉʉŋʉ. Lɔɔ Zyɛm bɨh bé a timlɔ, waa bɨh lé eyeʼle e, bɨh bé asiila sɔʼɔ tɨ. Bɨh bé ekʉ ka dwe ó njɨ mpaŋ sikʉlʉ ndɨ cyecye e. É mbi waa ó bɨh lé esa ó, mʉr nyiwɛh beŋɨ bɨh e mɨpɛhla mɨ leme ndɨ é pyɛɛɛ ɛ. Bɨh bé esa no ó, é mih mo Zyɛm.

2 Korɛnt 8:8

Sa me mu ó lé elɛɛ bɨn yi, bɨn bé abe é nkara ó, bɨn saʼ ye. Me ekpɛl ó, me lɛʼla mpʉ kpɛl yin ndɨ eduho bɨn é mɨmo si ɨ. Me ejwɨʼ ye ó, e yaa bʉʉ bʉr o b'a be e mɨleme é ntɨɨɨŋ ó, bé dweʼ Zyɛm mɨndwɛa myɔɔ ɛ.

1 Korɛnt 11:3

Me egwɨm ó, bɨn gʉŋa ó, Krɨst, nye ó njwɨʼa mo mʉrʉm nyiwɛh. Njʉm, nye ó njwɨʼa mo myɛl. Zyɛm Sɔŋ, nye ó Njwɨʼa mo Krɨst.

Éfɛsɔs 1:4

Nye esa bɨna ga no ó, bɨna gumla ga nye, ebe, nye a si bɛa pɛh bɨna ga, taare é jɔʼ kʉ e si, byé a baapa cyeŋɔ ɛ. Nye a pɛh bɨna ga ó, bɨna diʼe ga mɨsaŋ mɨ bʉr be, dumo e Krɨst, abe e sa ebebe nye a ngbaa nwahle bɨna ga e tɨ. Ebe nye ndɨ e leme ncwɨncwɨa ó