Éfɛsɔs 4:14 - Kálara Zyɛ̌m Edwán é mpʉ̌n

¹⁴ É jɔʼ yaa ó bɨna bé ópʉʼa ga é l'oncyom é nko paʼ buʼo e. Bɨsikʉlʉ bɨfih, byé aŋa ka ncyeŋ bɨna ga, nkʉ gomlo bɨna ga é zi fih, waa baanya-bɨkʉʉŋʉ ndɨ edu ɨ. Bé egwɨm ó, bé ntaŋa bɨna ga é pɨʼ wɔɔ, le nteme ó, bɨna buʼla sikʉlʉ yɔɔ yaa.

Kálar Nzyɛ̌m : Ejwán é Sáá

¹⁴ Jɔʼ yaá ó mɨ́ná ngá pʉʼa gá ɨ́ tyé bwá ó ntwǒm ɨ́ nkǒ páʼ búʼó yɨ́. Milɛ́ʼlá míswîh, myé ákǎ ntyeŋ mɨ́ná gâ, nkʉ̂ dímle mɨ́ná gá ɨ́ nzɨ̌ mikóo. Baányâ-mikóo baá, bé gwɨ́m ó, bé mɛ́rɨɨ mɨná gá ɨ́ mpila mépɨʼ yɔ́ɔ́, le ntémé ó, mɨná nʉ́aa gá bidyɛʼ byɔ́ɔ́.

Éfɛsɔs 4:14 ပူးပေါင်းရင်းမြစ်များ

Ebrœ̂ 13:9

Gʉa di ga ncye. Abir ga ó, bʉr gomla bɨn é zi fih, é zi mɨmbi bɨsikʉlʉ bé lé elɛʼle, myaa bɨn ndɨ agʉa ɛ. Ncwɨncwɨa mo Zyɛm nye ome ó ndɨ egba bʉr nkul é monyʉl. Yé é mbɨa ó, bɨn biʼe nkul tɨ. Nyɔmlʉ bab lé elɛɛ ó, mʉr, nye ejala le ede é l'efu le edwiibɨ Zyɛm e nye e, nye abe e nyɔm é nko paʼ mo bʉr o lé ede nye e.

1 Korɛnt 14:20

Obɨɔ ga bam aa! Daʼ pahle ga mpʉ bwɔɔncyom! Diʼe ga mpʉ bwɔɔncyom é nko paʼ ebɨ-leme. Sa gwar, é nko paʼ mɨpɛhla min, biʼe ga pɨʼ otamabʉr,

1 Yʉanes 4:1

Obɨɔ o kpɛl bam aa! Akpahbe buʼla ga mʉr nyiwɛh bɨn lé efuuba e nye, waa lé edwe-dwe bʉr bɨsikʉlʉ ɨ. Taara boblo ga mbi mʉr waa, bɨn nkʉʼ gʉa pie tɨʼ nkʉ sisim nye ndɨ e we e, wé eduho ó boo Zyɛm, ebe, mɨmpʉmpʉl mɨ ogwiha o mɨlɔb, myé mu ó si buo é si nwaʼ nyiwɛh.

2 Korɛnt 2:17

No ó, bɨh bɛɛ, bé abe mpʉ obɛma o mɨlɔb mo Zyɛm. Zyɛm a lomo bɨh ó, loma. Lwib yaa, yé eduho bɨh é mɨmo si. Bɨh bé elwib mɨlɔb mye ó, é mih mo Zyɛm, é lɔb zyɛŋa wih boo Krɨst.

Jacques 1:6

Sa gwar, nye ejala le esa Zyɛm mɨnjwɨʼla e mbɛla é leme, lé ekʉ jyɛʼ taa buʼo ye boo nye, asoŋlo, ebe, mʉr lé esoŋlo Zyɛm é jɔʼ nye lé esa nye mɨnjwɨʼla ɛ, nye enwɨɨla ó e l'oboʼo o maŋ. Bé ó pubo lé etine, cen gumo yiyɛh ɛ.

Éfɛsɔs 6:11

Biʼe ga mokʉa mo dɔm mɨmɛh Zyɛm lé elulo bɨn ɨ, é mbi ndɨ ó, é jɔʼ Njwɨɨ moleme óze bɛŋ bɨn ɨ, bɨn cyɛba é nkʉʼʉ, nyɛɛ l'antaa bɨn é pɨʼ.

Mataos 24:24

ebe, mɨmpʉmpʉl mɨlœma mɨ mulo mo Zyɛm, myé e mɨmpʉmpʉl mɨ ogwiha o mɨlɔb, myé óbuo. Bé ósa bɨbwaʼbwaʼ bɨdweʼle bɨ nkul wɔɔ ndwe e bɨsa bɨ jehe lé esaa egomlo mɨpɛha mɨ bʉr mye é bebebebe zi, ǃbé ókoʼo wa.

2 Timotɛ 4:3

Ebe, jɔʼ, yé eze, é jɔʼ bʉr, bé ópyeh mpaŋ sikʉlʉ bɨna lé ejwɨʼ ga ɛ. Bé ókʉ joʼo-joʼo ó, njɨ bɨsikʉlʉ lé etine be ó, bé toʼ le edu bɨgwɨma bɨ nyʉl bɨpuno wɔɔ. Bé ósyɛŋ esama le oyeʼle, lé ódɨ dwe be njɨ bɨsikʉlʉ byaa ɛ, bé nkʉʼ gʉa soho lé ejoʼo mye.

Yʉ̂d 1:12

Jwɨʼ yɔɔ, yé entɨʼ nteme é nko paʼ win. Bé eze e mbʉl é mbɛr Zyɛm é jɔʼ bɨn, obuʼla, mu lé epuhba mobo e. Baʼ bʉr, bé ede-de ó, lɔʼba-lɔʼba, ajoʼɔ ba fwon. Bé ekʉ ka kaale ó njɨ myɔɔ mɨmo. Bé enwɨɨla ó e mɨnkur lé edwine é dwine dwine, l'anwɨɨ mpie e. Pubo ntɔʼ cen be é paʼ fih. Bé enwɨɨla nteme ó e bɨlɨ bɨ ndɨ esam, é sam, sam, agumo yɛɛ mpumo e, dam be ó é jɔʼ nkono. Byé edwè ó, zɔʼ ba, ebe, byé eka munɔ si.

Mɨngwiha 19:20

Tir waa bé e mpʉmpʉl ngwiha mɨlɔb we, bé ntɔʼ mɛrɔ. Mpʉmpʉl ngwiha mɨlɔb waa ó b'a sa-sa bɨdweʼle bɨ nkul we é mih mo tir waa. Nye a be ó si gomlo bʉr é bebebebe zi lé elɛʼle be bɨdweʼle bye byaa. Ebe no ó bé a cɨma bɨtwii bye é monyʉl mɔɔ ɛ. Bé a be ó si dwiibɨ nteme baŋabaŋa dweʼle ye. Jɔʼ bé a mɛr tir waa bé e mpʉmpʉl ngwiha mɨlɔb we e, bé ze guho be é Bɨ-siʼe mɨkublakubla. Siʼe e pir, byé eduo tɨʼ ó moho e pum mɨcye.

Galásia 3:1

Bɨn bʉr o Galat, bé ó kʉ be bɨgʉ. Zé a pa kʉ gomlo bɨn é bebebebe buʼo yɔɔ? Me a si kʉ gʉa lɛʼle bɨn, bɨn ze bee é sʉlʉlʉ mpʉ Lœma mulo mo Zyɛm, Yesʉs, a si bomlɔ e mosen, le ebɨnɔ é klos kʉ ɨ.

Mataos 24:11

Mɨmpʉmpʉl mɨ ogwiha o mɨlɔb, myé ópyal é buobuo le egomlo bʉr é buobuo é bebebebe zi.

1 Yʉanes 2:26

Me etile bɨn bɨsa biʼ ó, tiibe e baa ndɨ e gwɨma ó, bé gomla bɨn é bebebebe zi ɨ.

2 Timotɛ 3:13

Bɨbɨbla bɨ bʉr, ndwe e baanya-bɨkʉʉŋʉ bɛɛ, bé óto le elɨŋa é buʼo ó, to-to ó toʼ. Bé óto dolo lé egomlo bʉr é bebebebe zi. Bʉʉ bʉr, bé óto gomlo be é mɔɔ mozi mo ebebe.

2 Korɛnt 4:2

Bɨh bé a nʉa tiʼa ó, bɨh bé aŋa sa bɨsyɛɛla bɨ fwon ndwe e byaa mofo, nkʉ sea e pɨʼ bɨkʉʉŋʉ. Lɔɔ Zyɛm bɨh bé a timlɔ, waa bɨh lé eyeʼle e, bɨh bé asiila sɔʼɔ tɨ. Bɨh bé ekʉ ka dwe ó njɨ mpaŋ sikʉlʉ ndɨ cyecye e. É mbi waa ó bɨh lé esa ó, mʉr nyiwɛh beŋɨ bɨh e mɨpɛhla mɨ leme ndɨ é pyɛɛɛ ɛ. Bɨh bé esa no ó, é mih mo Zyɛm.

Mataos 11:7

Jɔʼ ompʉn mo Yʉanes, bé a be, bé mu si bula ɛ, Yesʉs ze taare lé elɛɛ ntuntuma bʉr yaa, tiibe e Yʉanes ó: «Yé bɨn bé a to bee é feha si ɨ? Zê ka lé epɨʼba é pubo e?

1 Korɛnt 12:2

Bɨn bé egʉa ó, é jɔʼ bɨn bé a be mɨnjeʼe-Zyɛm ɨ, bɨn bé a be ó lé edwiibɨ bɨbaŋabaŋa bɨdweʼle, bibyɛh njɨ bɨgʉ́ʼ e bɨgʉ́ʼ! É til jɔʼ yaa, bɨsa bɨ ozyɛm baa, bé a yɨm bɨn ó, bɨn saʼ syɛɛla yiyɛh bé a kpɛl ɨ.

Mɨlʉmlʉ 23:21

Sa gwar, atwe twii e be, ebe, bʉr bé óto bono nye e, bé elaa bʉr mowʉm monâ! Bɨ bɛa kaʼ bʉm, de mɨnkɛla ó, bé aŋa de mode nkʉ nyʉl monwoʼ, to pyal é jɔʼ bé óbe si jʉ nye e. No ó, banana, eboʼo, lɨ niŋle! Bé mu kʉ ka bono ó njɨ mpɨha go.»

1 Yʉanes 2:19

Bʉr baa, bé a si kaŋa e Krɨst, mʉa é l'esama ga lɨna, toŋɔ kʉl. Bé a baabe yɛɛ obɨɔ ga bɨna. Nkʉ bé a be ó be, be bʉr be esama ga lɨna nɛʼɛ, mpa bɨna ga e boo nɔɔ, bé dina ó sama, ze pyal é muh é dobo lɨ. To kœb ó, yé a kʉ jala ó, bé laŋa, to yɔɔ, yé nkʉʼ nyin é kpɛŋlɛm ó, abe e mʉr é sama yɔɔ a be é zyɛŋa ga wina.

2 Pyɛr 2:18

Bé elwib-lwib ó e mokan mo jaale, maa ndɨ mbɛh ɛ. Bé ekwab bʉr o b'a ngbaa pʉʼa é sama bʉr o bé e boo nɔɔ, bé a dɨ sa syem ɨ. Bé ekwab be no ó, lé elɛʼle be egba monyʉl mɔɔ lé esa bɨmala zam e l'ekomo.

Jacques 3:4

Yʉʉ dweʼle, yé ó titima nɨnɨ. Yé dam bwaʼ yáa bim, nkuo dam kuulo e wáa nkul, yé e ma nkɔb nɛra é ndʉa pihe ndɨ ecen ye nko ndul titima lé ekpɛl to e.

1 Timotɛ 3:6

Yé ajala ó, nye beʼ mʉr lwanbe gwɨma ebebe le edwir leme, ni é buʼo e. Yé amu jaa sa ó, nye diʼe e nkɛa nyʉl. ǃNye si sa no nɛʼɛ, nye òfuʼla ó, duma, Njwɨɨ moleme ntɔʼ taare lé edwe nye mobe tɨ.

2 Timotɛ 1:15

Go ebɛa gʉa ó, bʉr o lal Azia bɨbɛh, bɨ ntwiŋ me. Figɛlus, ndwe e Ermogɛn, bé ó é sama bʉr baa tʉŋlʉ.

1 Korɛnt 3:19

ebe, ocyoo o mbi jɔʼ yi, wé ó ogʉ é mih mo Zyɛm. Bɨna bé egʉa ga no, ebe, yé ó tila é Kalara Zyɛm ó: «Zyɛm, nye elam mɨcɨcyoo ó, é zi ocyoo wɔɔ.»