Éfɛsɔs 4:13 - Kálara Zyɛ̌m Edwán é mpʉ̌n

¹³ É mbi waa, bɨna ga bɨbɛh, bé óbe ga ó zyɛŋa, cwɨɨ é zi buʼo gwar. Bɨna bé ógʉa ga Mwan mo Zyɛm é kpɛhla. Bɨna bé óbi ga pɨʼ otamabʉr, ntɔʼ gbabla le elele é mɨpaʼ mimyɛh, lé efuʼla nʉa cye mo Krɨst nye mʉr tɨ.

Kálar Nzyɛ̌m : Ejwán é Sáá

¹³ Ɨ́ mbi waá ó, mɨ́ná gá óbɛ̂h ngá be gá ɨ́ mpúhlá, cɨɨ ɨ́ nzɨ̌ búʼó gwár yɨ́. Mɨná bé ógʉ́a gá Mwân mé Nzyɛ̌m ɨ́ pébébé. Mɨná bé ópʉʼa gá lɨ́ ontwǒm, tô gá lɨ́ obwam. Mɨná bé ócéne gá ɨ́ mipáʼ mímyɛ̂h, lɨ́ esûʼlǎ nʉǎ tyé mé Krîst mʉr tɨ̂.

Éfɛsɔs 4:13 ပူးပေါင်းရင်းမြစ်များ

Kolosi 1:28

Ebe no ó bɨh lé emyɛm lɔɔ mo Krɨst é bʉr bɨbɛh ɛ. Bɨh bé ebal mʉr nyiwɛh, le eyeʼle bʉr bɨbɛh é l'ocyoo wiwɛh, ó bɨh nkʉʼ cyel be é mih mo Krɨst, bé osi kumo é l'ombɨmbɨa é mɨpaʼ mimyɛh é zi we.

Yʉanes 17:21

Da, me ejwɨʼla e go ó, bɨbɛh, bé diʼe sa gwar. Bé diʼe é zyɛŋa wina, mpʉ go ndɨ ɨ me, mɛm ɨ go e. No ó bʉr bɨbɛh, bé óka buʼla ó, go ó b'a lomo me e.

Éfɛsɔs 4:5

Tî ga wina, nye ó ngwar. Bɨna bé emɛʼle ga ó, buʼo gwar. Bɨna bé enʉa ga ó, ndubo ngwar.

Éfɛsɔs 4:3

Mbɨambɨa Sisim, nye cyɛba bɨn é mɨleme, ó bɨn diʼe é motala paʼra win. ǃƗ mɨleme min, myé óbe si loŋlo e motala maa nɛʼɛ, mbɛr Zyɛm wina, wé ódi ó njɨ egwar, abɔʼa-bɔʼa.

2 Pyɛr 3:18

Toʼ le egwɨe ga ebe ncwɨncwɨa Tî ga wina le Tiʼbʉr ga wina Yesʉs-Krɨst lé elɛʼle bɨn ɨ. Bɨn bé à gwɨe nteme ebe bɨn bɨ gʉa nye. Nye ome ó ndɨ ejala e kum, taare é banana, to pyal é njʉmdia e njʉmdia. Amɛn.

Kolosi 2:2

Me ejaʼra e mɨtuu myaa ó, me gbaʼ bɨn nkul é monyʉl, le esa ó, bɨn syɛŋa é leme ncwɨncwɨa. Bɨn nkʉʼ gʉa buʼo ga yina é kpɛhla, sa ndɨ bɨn e buobuo nyɔm ɨ. Bɨn gʉŋa nteme Krɨst, mʉr Zyɛm a fol é lwib odim ɨ.

Ebrœ̂ 5:14

Otamabʉr bɛɛ ó lé ejala e mpaŋ mode. Bɛɛ bé ome ó ndɨ e pɨʼ lé esa ó, bé gʉŋa mbɛʼ paʼra embɨa e l'ebebe e. Bé ebi pɨʼ waa ó, ebe zyee bé lé esa tɨʼ ɨ.

Filipi 3:8

Yé ó no! É mpʉ mɨ gʉa Tî wam Yesʉs-Krɨst ɨ, me mu lé enʉa bɨsa bɨfih bibyɛh mpʉ sa ndɨ mbɛh ɛ. Mɨ dimle bɨsa bibyɛh ó, me nkʉʼ jyɛʼ taa buʼo yam boo nye. Mɨ ka nʉa bye ó, mpʉ sa lé ejala le emyahɔ é diʼ ɨ. Me ekʉ tìne bye ó, me nkʉʼ bi nkul di é zyɛŋa wih boo Krɨst!

1 Korɛnt 14:20

Obɨɔ ga bam aa! Daʼ pahle ga mpʉ bwɔɔncyom! Diʼe ga mpʉ bwɔɔncyom é nko paʼ ebɨ-leme. Sa gwar, é nko paʼ mɨpɛhla min, biʼe ga pɨʼ otamabʉr,

Éfɛsɔs 1:23

Mbɛr-Zyɛm, wé ó nyʉl mo Krɨst. Krɨst nyɛɛ, nye elɛʼle mpwaʼ we ó, njɨ ɨ Mbɛr-Zyɛm. Krɨst ó ndɨ ejwɨʼ mɨcyea bɨsɔʼɔ bibyɛh é mɨpaʼ mimyɛh.

Mɨlʉmlʉ 4:32

Obuʼla bɨbɛh, bé a be ó leme ngwar ndwe e sisim ngwar. Abe e mʉr ngwar é sama yɔɔ a be e nkul elɛɛ ó, bɨsa bye, byé a kʉ gumo ó njɨ e nye mʉr tɨ, agumo nteme e bʉʉ bʉr. Paʼ wɔɔ, sa yiyɛh, yé a baʼlɔ-baʼlɔ ó zyɛŋa.

1 Yʉanes 5:20

Bɨna bé egʉa ga nteme ó, Mwan mo Zyɛm a si ze, ze gba bɨna ga pɨʼ é mɨleme, ó bɨna gʉŋa ga Zyɛm ndɨ cyecye e. Bɨna bé edi ga é zyɛŋa ga wina boo mʉr ndɨ cyecye e, ebe, bɨna bé edi ga é zyɛŋa ga wina boo Mwan we, Yesʉs-Krɨst. Nye ó ndɨ Zyɛm cyecye ndwe e l'Etin e Tiʼ.

Éfɛsɔs 4:12

Nye esa no ó, é l'efu e mɨsaŋ mɨ bʉr mo Zyɛm, ó myé beʼ bʉr o ndɨ e nkul eloŋlo syɛɛ ye e. Nye elɛʼle be lé esa no ó, é l'efu le egwɨl Mbɛr-Zyɛm, ndɨ nyʉl mo Krɨst ɨ.

Éfɛsɔs 2:15

Nye a gba motala paʼra ga wina ó, é jɔʼ nye a pɛʼ motie mo Moyiz le mompene ndwe e mɨtiʼa mimyɛh ɛ. Nye a pɛʼ bye ó, nye nkʉʼ nʉa bɨkul bɨba ga bina, ntɔʼ syɛŋ bye é nye mʉr tɨ, byé nkʉʼ fuʼla edwan e kul, nwɨɨla e mʉr ngwar.

2 Korɛnt 4:6

Ebe, Zyɛm a lɛɛ ó: «Myɛn, wé pana, duho é l'edurʉ tʉŋlʉ.» Waa a lwib no e, a sa nteme ó, myɛn pana é mɨleme ga mina tʉŋlʉ. Myɛn waa ó lé esa ó, bɨna beŋɨ ga moncɛnba mo Zyɛm lé ebee Krɨst nye mʉr tɨ.

1 Korɛnt 1:10

Obɨɔ ga bam aa! É die mo Tî ga wina Yesʉs-Krɨst, me ejwɨʼla e bɨn, ó: diʼe ga twii. Mpɔʼa monkɔm, nye l'aka nyamle be é l'esama lɨn tʉŋlʉ. Me ejwɨʼla ó, bɨn diʼe é zyɛŋa win mbɨmbɨa, mɨpɛhla mɨmpwar, gwɨma gwar.

Yʉanes 17:3

Tiʼ molu mo mpoʼ mɨmɛh, yé ó, bé gʉŋa go, ó go ó ndɨ mpaŋ Zyɛm ndɨ ngwar e ngwar ɨ. Bé gʉŋa nteme Yesʉs, mɛm, mʉr go a lœm mulo, waa go a ntɨh kaʼ ɛ.

Yʉanes 16:3

Bé ódɨ sa no ó, ebe, bé a baagʉa, dam be Sɔŋ wam, dam be me.

Mataos 11:27

«Sɔŋ wam a si dwe me bɨsa bibyɛh. Abe e mʉr lé egʉa Mwan mo Zyɛm, pɛʼ njɨ Zyɛm Sɔŋ nye ome. Abe e mʉr ndɨ egʉa Zyɛm Sɔŋ, pɛʼ njɨ Mwan mo Zyɛm ndwe e baa Mwan lé ekpɛl lɛʼle e.

Yʉanes 1:16

Bɨh bɨbɛh, bé a be ó si bi embɨa le, ndwe e mpwaʼ ncwɨncwɨa we ndɨ elaa ncwɨncwɨa a taare lɛʼlɔ ɛ.

Yʉanes 6:69

Banana, bɨh bɨ buʼla le egʉa é kpɛhla ó, go ó ndɨ Mʉr mo Zyɛm ndɨ ti ɨ!»

1 Korɛnt 2:6

É jɔʼ bɨh lé eyeʼle bʉr o ndɨ e pɨʼ otamabʉr ɨ, bɨh bé edwe be sikʉlʉ ocyoo. Me dam lɛɛ no, sikʉlʉ yaa, yé abe yɛɛ yaa ndɨ lwɨŋla e l'ocyoo o bʉr o mbi jɔʼ yiʼ ɨ. Yé abe sikʉlʉ mɨnjwɨɨbʉr mɨ mbi jɔʼ yi lé edwe bʉr ɨ. To kœb ó, mɨnjwɨɨbʉr myaa, myé mu ó kunokuno le egbahɔ.

Galásia 4:19

Bwan bam aa! Me mu ó bâʼle bi mɨtuu mpʉ mʉma lé ejaʼra e min ɨ. Me ójoʼo-joʼo mokpaa no ó, to pyal é jɔʼ Yesʉs-Krɨst óbe si gwɨe é bɨn ɨ.

Éfɛsɔs 1:17

Me ejwɨʼla e Zyɛm Sɔŋ mo Tî ga wina Yesʉs-Krɨst, nye nteme Zyɛm Sɔŋ ga wina ndɨ e kum ɨ, ó nye ntɨhɨ bɨn Sisim we ó, bɨn cyebla, le nteme ó, nye gwihɨ bɨn mɨfela mɨlɔb mye. Myé óbe bɨn e nyɔm é l'efu ó, bɨn gʉŋa nye.

Filipi 3:10

Sa me lé egwɨm ɨ, yé ó, me gʉŋa Krɨst é kpɛhla. Me egwɨm nteme ó, Zyɛm sea é me, mpʉ nye a sea e nkul é jɔʼ nye a pɛ̀h Yesʉs-Krɨst é foo e. Me biʼe mɨtuu mɨmpwar Krɨst a bi ɨ, efie lam nkʉʼ nwɨɨla nteme e laa le.

2 Pyɛr 1:4

Ebe no, bɨna mu ó si bi ga monkɛʼ ndɨ é buo dime e. É jɔʼ bɨna lé ebuʼla ga monkɛʼ me e, bɨna bé esyɛhle ga bɨbol mofulu bʉr o si nwaʼ ndɨ e bye, duho é bɨgwɨma byɔɔ ɛ. É zi waa ó bɨna lé ekœʼ ga ebò e cyen ndɨ elɛʼle njwɨr mo Zyɛm nye mʉr tɨʼ ɨ.