Éfɛsɔs 4:10 - Kálara Zyɛ̌m Edwán é mpʉ̌n

¹⁰ Mʉr a fulo é si nwaʼ ɛ, nye nteme ó b'a bere, laa jobo e l'ejyoo le ebantɛn bibyɛh. Taare é cye yaa, ze kumo é gumo yiyɛh, nye ó ngo jwɨ̀ʼ sa yiyɛh.

Kálar Nzyɛ̌m : Ejwán é Sáá

¹⁰ Mʉr á sulo ɨ́ sí yɨ̂ʼ nyá, nye ntémé ó b'á bére, laǎ jʉ́o, le ejwoo le baántɛ́n. Táare ɨ́ tyé yaá, nzě kumo ɨ́ gúmó yɨ́yɛ̂h, nye ó ngá jwɨ́ɨ̌ sá yɨ́yɛ̂h.)

Éfɛsɔs 4:10 ပူးပေါင်းရင်းမြစ်များ

Ebrœ̂ 7:26

Nye ó mbi njwɨɨ opara wé a kʉ jala e bɨna ga ɛ. Nye ó mʉr ndɨ ti, waa ndɨ akunbo e mpɨŋ ɨ. Sa ndɨ elœʼ mʉr é mih mo Zyɛm ɨ, yé akunbo e nye. Bé e l'osyɛl o mɨsyem, bé ó e bwaʼbwaʼ mbɛʼ. Nye nteme, nye ó mbɨna kʉ, laa jobo e l'ejyoo le ebantɛn.

Ebrœ̂ 4:14

Bɨna ga mu ó e njwɨɨ opara ndɨ lʉ sa yiyɛh ɛ: Yesʉs, Mwan mo Zyɛm. É mpʉ yé ndɨ no e, bɨna toʼ ga dolo lé emɛʼle buʼo ga yina. Nye a be ó si ntaa jobo e l'ejyoo le ebantɛn, lé ebula to di é jobo kʉ.

Kolosi 2:9

Kwɨmla mo Zyɛm Sɔŋ ndɨ anwɨɨla e waa mo yʉʉ sɔʼɔ ɛ, wé nteme, wé ó waa mo Krɨst, é nyʉl we tʉŋlʉ.

Kolosi 1:19

Nye ecyɛb bye efoʼ ó, ebe, Zyɛm a ka bee embɨa é nko paʼ we ó, nye di ntinɨ e ntinɨ ó, é nye.

Mataos 24:34

Me elɛɛ bɨn cyecye ó nɛɛ: mya bʉr wiʼ l'apa sie, bɨsyɛɛla bɨnɨ bibyɛh, byé ósyɛɛlɨ.

1 Timotɛ 3:16

Yé ejala ó, buʼo yina, yaa ndɨ é lwib odim ɨ, yé é laŋle bwaʼ. Yé ó: «Nye a ze nyin é si nwaʼ ó e nyʉl bɨpuno. Mbɨambɨa Sisim ze lɛʼle bɨna ga nya, bɨna gʉŋa ga ó, nye abe e mobe. Beengles, bé a si siŋle nye. Bʉr o bɨkul bɨfih, bé a si joʼo lɔɔ lé etiibe e nye e. Bʉr o si nwa, bé a si jyɛʼ taa buʼo yɔɔ boo nye. Nye a si to é jobo kʉ, é fum nye a dweŋɔ kum ɨ.»

Éfɛsɔs 3:19

Me ejwɨʼla nteme e Zyɛm ó, bɨn gʉŋa mpwaʼ kpɛl mo Krɨst lé elaa sa yiyɛh bɨna ndɨ e nkul egʉa ga ɛ, to pyal é jɔʼ Zyɛm óbe si loŋlo bɨn mpʉ mo nye, mʉr ndɨ lwɨŋla ɛ.

Mɨlʉmlʉ 1:9

Jɔʼ Yesʉs a sil lɛɛ mɨlɔb myaa ɛ, nye ze bɨnɔ é jobo kʉ é mih mɔɔ. Mɨnkur ze buuro nye. Nye ntɔʼ dim be é mih.

Ebrœ̂ 8:1

Lʉ ekan é bɨsa bɨh lé elɛɛ bɨn ɨ, wé ó wi: bɨna ga bé ó e mbi njwɨɨ opara waa, ndɨ e nkul eloŋlo syɛɛ yaa yiyɛh ɛ. Nye ó ndindil é mbo ejʉm mo waa ndɨ e mojwɨ̀ʼa monɨnɨ é jobo kʉ ɨ.

Mɨlʉmlʉ 3:18

To kœb ó, é mbi nɨ ó Zyɛm a bir ó, bʉr saʼ syɛɛla ebebe nye a bɛa lɛɛ ó, bé ósa ɛ. Yé ntɔʼ syɛɛ no ó, lé edira mɨlɔɔ nye a bɛa lɛɛ é mɨnʉm mɨ ogwiha o mɨlɔb be ó, Lœma mulo mo Zyɛm ósia e mɨtuu no, nye ntɔʼ dwè.

Mɨlʉmlʉ 2:33

Nye a si bere, to di si é mbo ejʉm mo Zyɛm. Nye ó b'a ntɨh bɨh Mbɨambɨa Sisim, waa Zyɛm Sɔŋ a kɛʼ bɨh ɨ. Wé ó bɨn lé ebee le ejoʼo e.

Mɨlʉmlʉ 1:11

Bʉr baa ntɔʼ lɛɛ e be ó: «Bʉr o Galɨle ee! Ebe yé bɨn lé ecyɛb naa, lé edwɛʼ jobo kʉ ɨ? Yesʉs, mʉr pɛʼɔ é l'esama lɨn ɨ, nye óbula ze ó, mbi ngwar e ngwar bɨn bee nye lé ebere é jobo kʉ nɨ.»

Yʉanes 19:36

Bɨsyɛɛla bɨnɨ, byé a syɛɛlɨ no ó, lé edira lɔɔ ndɨ tila é Kalara Zyɛm ó: «Bé ákwoʼ buʼo nye dam be dwehe gwar.»

Yʉanes 19:28

Pie tɨ, mpʉ Yesʉs a gʉa ó, bɨsa bibyɛh, byé a be ó, byé mu ó lé elwɨŋlɨ ɨ, nye ntɔʼ lɛɛ ó: «Me ejoʼo dweh modibe.» (Yé a syɛɛlɨ no ó, lé edira lɔɔ ndɨ tila é Kalara Zyɛm ɨ.)

Yʉanes 19:24

Bé ze lɛɛla ó: «Bɨna l'ayi nya ga dur yi. Bɨna doʼ ga ye ebya é l'efu le egʉa mʉr ónʉa ye e.» Syɛɛla yɔɔ yaa, yé a syɛɛlɨ no ó, lé edira lɔɔ ndɨ tila é Kalara Zyɛm ó: «Bé a si kabla mompor mam paʼra wɔɔ. Bé ze do ebya é dur yam.» Ntɔʼ ze saŋɔ nteme no.

Yʉanes 1:16

Bɨh bɨbɛh, bé a be ó si bi embɨa le, ndwe e mpwaʼ ncwɨncwɨa we ndɨ elaa ncwɨncwɨa a taare lɛʼlɔ ɛ.

Lʉkas 24:44

Nye ze lɛɛ e be ó: «Bɨsyɛɛla bi, byé ó byaa me a bɛa lɛɛ bɨn ó, byé ósyɛɛlɨ ɨ. Bɨna dina lé ekœʼ ga sama, me a bal bɨn ó, sa yiyɛh, yé ósyɛɛ lé edira mɨlɔɔ ndɨ tila é l'okalara o motie Moyiz a tile e, e sikʉlʉ ogwiha o mɨlɔb bé a dwe e, ndwe e Kalara OSam, tiibe e me e.»

2 Korɛnt 12:2

Me egʉa nuu mʉr é zyɛŋa wɔɔ boo Krɨst, muh mɨmbu ewʉm e mɨnâ. Mʉr waa a si nʉŋɔ, bɨnɔ kʉ, to pyal é jobo lɛl tʉŋlʉ. —Nkʉ nye a to ó, nye dina é cye mʉr ye nɛʼɛ, me agʉa. Nkʉ nye a baabe e nyʉl bɨpuno é jɔʼ yaa nɛʼɛ, me nteme agʉa. Zyɛm nye ome ó ndɨ ekʉ gʉa.